Desertu

Artìculu in LSC

àreas desèrticas in su mundu (inditadas in grogu)

In geografia, su desertu est definidu comente un' àrea de sa subrafache terrestre, casi o de su totu disabitada, de arta pressione atmosfèrica de cale sas massas de ària s'istèsiant suspìnghidas dae sos bentos in sa cale sas propiduras difitzilmente superant sos 50 millìmetros a s'annu e su terrenu est prevalentemente àrridu, cun iscassa o nudda vegetatzione.

In base a custa definitzione, andant incluidas in sos desertos fintzas sas Regiones polares, paris a sas prus familiares zonas àrridas chi s'intzapant a sas mèdias e bassas latitùdines.

Suta perfilu geomorfologicu su desertu podet cumprèndere montes, alturas o campuras raspiosos e àsperos, ocupende a bortas ltones dislindados de montes. Sa subrafache podet èssere pedrosa, giarrosa o arenosa: sos paesàgios caraterìsticos cun sas dunas e s'arena mòvida dae su bentu funt petzi unu de sos medas aspetos cun chi si podet presentare unu desertu.

Partiparis sa paràula "desertu" est impreada pro inditare unu logu non populadu dae èsseres umanos e iscassamente bìvidos dae unas àteras ispètzies biventes: fintzas in base a custa definitzione, sos desertos cumprendent sos logos de su clima fridu, comente a s'Antàrticu e sa tundra o prus in generale sas Regiones polares.