Dumènicu Modugnu

	« ...pi chi da ogni ricciu / ti caccia 'nu capricciu, / la donna riccia nun la vogghiu, no! »
	(La donna riccia, 1954)

Domenico Modugno (Polignano a Mare, Bari, 9 di jinnaru 1928 - Lampidusa, 6 di austu 1994), hà statu un cantauturi vincituri di 2 Premi Grammy, cumpusituri, chitarrista e atturi talianu. È cunziddiratu lu patri dî cantautura taliani e comu auturi e ntrèpriti tra li chiù granni d'Europa.

Biografìa

Nascìu lu 9 di jinnaru 1928, d'orìggini mudesti, a Polignano a Mare (unni ora ci fu didicata 'na vìa) 'n pruvincia di Bari 'n piazza Minerva 5, 'nta 'nu paisiddu dî casi bianchi vicinu lu mari. Dû patri Vito Cosimo Modugno cumannanti dû corpu dî Guardi Municipali a San Pietro Vernotico (BR), si nzignò già di picciriddu a sunari 'a chitarra e 'a fisarmònica e eriditò na granni passiuni pâ mùsica, cumpunennu la sò prima canzuna a 15 annu. Sò matri si chiamò Pasqua Lorusso e Domenico aviva du frati di nomu Vito Antonio, dittu Tonino e Giovanni, dittu Giannino, mentri diddru stissu vinni chiamatu affettosamenti Mimì. Ntô 1935 lu patri fu trasfiritu a San Pietro Vernotico, 'n provincia di Brindisi (unni furunu sipolti li ginitura di Modugno): Mimmo ncuminzò a ghjiri â scola e cuntempuranamenti si nzignò 'u dialettu vernacolu sanpietranu ca, comu tanti dialetti dô brindisinu (p'asempiu lu sanvitesi di San Vito dei Normanni), po' arricurdari 'u sicilianu; ntâ chistu dialettu scrissi li sò primi canzuni.

Artìculu dâ seria Mùsica

ARTÌCULI E LISTI

Storia di la mùsica
Tiurìa | Gènira | Strummenta
Cumpusitura
Dirittura | Òpiri / Album / Gruppi

CATIGURÌI

Mùsica | Gruppi
Cantanti

Amariggiatu dâ vita di paisi, a 19 annu scappò di casa e si nni jìu a Turinu, unni s'adattò a fari 'u gommista 'n fàbbrica. Turnatu ô paisi pi fari lu sirvizziu militari, ripartìu pi Roma unni p'accuminzari la sò carrera artìstica si misi a fari ancora na vota li chjù ùmili travagghî. Participò ntô 1951 ô cuncursu p'attura ô Centru Spirimintali di Cinimatugrafìa, unni fu ammissu e unni, doppu, vincìu la bursa di studiu comu migghjuri scolaru dâ sizzioni di ricitazzioni. Ntâ dru tempu già avitti parti 'n film comu p'asempiu avitti parti nâ virsiuni cinimatugràfica di Filumena Marturano di Eduardo De Filippo.

Doppu l'apparizzioni televisiva ntâ Il Mantello Rosso ntô 1955, ncumìnza la carrera comu cantanti. Modugno addivintò unu dî protagunisti dâ mùsica liggèra nternazzionali quannu, cu' Nel blu dipinto di blu (chjù nota comu Volare) triunfò ô Festival di Sanremo dô 1958 nzemi a Johnny Dorelli. La canzuna arrivò terza ô Eurofestival e vincìu ntô 1958 du Grammy Award (fu pi tant'annu l'ùnicu a vìnciri un talu premiu pi na canzuna taliana), unu comu discu di l'annu e unu comu canzuna di l'annu 1958. Puru lu Cash Box Billboard ci detti l'Oscar pâ migghjuri canzuna di l'annu e arricivitti 'n donu dî nnustri musicali tri disca d'oru, unu pû migghjuri cantanti, unu pâ migghjuri canzuna e unu pû discu chjù vinnùtu.

Modugno hà participatu a 11 Festival di Sanremo vincennu quattru voti (record ca teni assem'a Claudio Villa): nô 1958 cu' Nel blu dipinto di blu, nô 1959 cu' Piove sempri 'n coppia cu' Johnny Dorelli, nô 1962 'n coppia cu' Claudio Villa cu' Addio... addio... e nô 1966 cu' Dio, come ti amo assem'a Gigliola Cinquetti. Nô 1960 si classificò sicunnu assem'a Teddy Reno cu' Libero. Hà participatu a tri idizziona di l'Eurofestival (1958, 1959 e 1966) classificànnusi, ch'i stissi canzuni purtati a Sanremo, arrispittivamenti terzu, sestu e diciassettìsimu (ùrtimu). Ntô 1964 hà vinciutu lu Festival di Napoli cu' Ornella Vanoni câ canzuna Tu si' 'na cosa grande.

Atturi tiatràli e cinimatugràficu, ricitò ntâ cumedia musicali Rinaldo in campo (1961), di Garinei e Giovannini, e 'n Liolà, tratta dâ cèlibbri òpira di Luigi Pirandello. Pû cìnima rializzò comu auturi-atturi 'u film autubiogràficu Tutto è musica (1963), mentri dû 1973 ô 1976 fu Mackie Messer 'n l'Opera da tre soldi di Weill-Brecht, diretta di Giorgio Strehler. Ntô 1974 vincì lu Premio Tenco, ca è la prima rassigna dâ canzuna d'auturi di Sanremo.

Artista notìssimu e di granni prisenza scìnica, ci fu attribuìtu midenna 'u nomu Mister Volare, rifirènnusi â sò canzuna. Tra li àutri canzuni s'arricòrdanu Piove, Vecchio frack, Resta cu' mme ('n napulitanu), Dio, come ti amo e Lu pisci spada. 'N rialtà la sò capacità di cantari 'n sicilianu cci diriva da l'aviri vissutu dintru l'anni dâ giuvintù a San Pietro Vernotico, cumuni pugghisi dâ pruvincia di Brìndisi, unni, comu 'n tuttu lu Salentu, lu dialettu è assai similari ô sicilianu.

Domenico Modugno fù curpitu di un ictus ntô 1984 nnî provi dâ trasmissioni di Canale 5 La Luna del Pozzo e fù custrittu a lassari l'attività artìstica. Si didicò â pulìtica e vinni elettu parlamintari nnî listi dû Partitu Radicali dû 1987 ô 1992. Morsi dintr'â so casa di Lampidusa ntô 1994, struncatu di nu mprovvisu e, sta vota, fatali novu ictus.

Mùsica

Successi

Musetto (1956)
Lu minaturi (1956)
Lazzarella (1957)
Strada 'nfosa (1957)
Nel blu dipinto di blu (popularmenti puru Volare) (1958)
Io - (faciuta puru comu Ask me 'n lingua 'ngrisi da Elvis Presley) (1958)
Vecchio frack (o L'uomo in frack) (puru 'n spagnolu Viejo frack e 'n francisi L'homme en habit) (1958)
Piove (popularmenti puru Ciao, ciao bambina) (puru 'n spagnolu Llueve) (1959)
Le farfalle - (1959)
Tu non sei più la mia bambina (1959)
Libero (1960)
Notte di luna calante (1960)
Giovane amore (1961)
Dalla mia finestra sul cortile (1961)
La novia (1962)
Stasera pago io (1962)
Addio... addio... (1962)
Notte chiara (1962)
Selene (1962)
Se Dio vorrà (1962)
Lettera di un soldato (1963)
Tu si' 'na cosa grande (1964)
Che me ne importa... a me (o Il tango d'Armando) (1964)
Un pagliaccio in paradiso (1964)
L'avventura (1965)
Dio, come ti amo (puru 'n spagnolu Dios, como te amo e Dios mío, como te quiero) (1966)
Sopra i tetti azzurri del mio pazzo amore (1967)
Meraviglioso (1968)
Il posto mio (1968)
Come hai fatto (puru 'n spagnolu Como has hecho) (1970)
La lontananza (puru 'n spagnolu La distancia es como el viento) (1970)
Come stai? (puru 'n spagnolu ¿Cómo estás?) (1971)
Un calcio alla città (puru 'n spagnolu Un puntapié a la ciudad) (1972)
Dopo lei (1972)
Amara terra mia (1973)
Questa è la mia vita (1974)
Piange ...il telefono (cu' Francesca Guadagno) (puru 'n spagnolu Llora el teléfono) (1975)
Il maestro di violino (puru 'n spagnolu El maestro del violín) (1975)
L'anniversario (1976)
Il vecchietto (1977)
Delfini (Sai che c'è) (cû figghiu Massimo Modugno) (1992)
La donna riccia
La sveglietta
Io, mammeta e tu (puru 'n francisi Moi, ta mère et toi)
'O ccafè
Pasqualino maragià
Marinai, donne e guai
Sole, sole, sole
Tre briganti e tre somari (cu Franco Franchi e Ciccio Ingrassia)
Resta cu' mme
Sole malato
Lu pisci spada
Malarazza
I cadetti di Guascogna
Buon Natale a tutto il mondo
Viva l'America
O' Vesuvio
Che cosa sono le nuvole
Santo Valentino
Appendi un nastro giallo
Mariti in città
No, bambina mia
Nisciuno po' sapé
Oceano (Infinito mare)
Scioscia popolo
'O sole mio
Sogno di mezza estate
Una tromba d'argento
Sì sì sì