See soorce fer A.J. Aitken

{{Infobox person wikidata}}

'''Adam Jack Aitken''' (1921&ndash;1998) wis a [[Scotland|Scots]] [[Lexicology|lexicographer]] an a leadin scholar o the [[Scots leid|Scots]] leid.

Jack Aitken wis born in [[Edinburgh]], grew up in [[Bonnyrigg]], [[Midlowden]], an wis eddicate at [[Lasswade]] [[Secondary school|High School]]. He wis the auldest o three bairns o Adam Aitken, a miner, and his first wife Alexandrina Sutherland, wha dee’d whan Jack wis aboot nine. He tholed neglect as a step-bairn, bit his meenister, Rev. Oliver Dryer, halpit him to lea hame at the age o saxteen, an he ay stuck in at the schuil thanks tae a bursary. Bein the son o a miner, he got ither bursaries that alloued him to gang tae the [[Varsity o Edinburgh]] in 1939. He ser'd in the [[Ryal Artillery]] durin [[Warld War II]] as a lance bombadier, an tane pairt in the Normandy landins an in the war in North Africa, risin tae the rank of sairgeant major. He wis commendit for bravery be Field-Marshall Montgomery in 1944. He graduatit MA with First Class Honours in English Language an Literature fae the [[Varsity o Edinburgh]] in 1947. In 1948 he wis appyntit Assistant tae [[Sir William Craigie]], the Editor o the [[Dictionary of the Older Scottish Tongue]]'' ''(DOST) that is nou online as the [[Dictionar o the Scots Leid]]. He became Editor hissel whan Craigie retiret in 1956. Whan he tane ower editorial responsibeelity for DOST, Aitken pit in place a new readin programme that aboot dooblet the list of warks excerptit for the dictionar, correctin the bias taewart verse an leeterary prose. Aitken’s editorship begoud wi the letter J, an the impack o the new readin programme is tae the fore fae the thrid volume on.

Aitken wis ane o the first tae catch on tae the uisefuness o the computer for research in the Airts. Although computer methods kythed ower late tae be the wirkhorse o the collection process for DOST,'' ''he set up, wi ithers, the Older Scots Textual Archive, a computer-readable archive wi mair nor a million wirds o Aulder Scots leeterature. 

For the maist o his career, up tae 1979, he combint his wark on DOST wi teaching, as a Lecturer an than a Reader in the Depairtment o English Language. He can be sayed tae hae creatit ‘Scots language’ as a univairsity subjeck. The haundoots that he screivit in the 1950s for his courses on the Scots leid wis for mony a year the only clear summaries o Scots vocabular, phonology, orthography, grammar an stylistics that existit, an they circulatit widely amang scholars. Ower time he made the maist o this material available in prent, and his writins is at the founs o the subjeck.

He wis Chairman o the Language Committee of the [[Association for Scottish Literary Studies]] 1971–1976; Chairman o the [[Forum for Research on the Languages of Scotland]] 1978–1981 an Honorary President fae 1994; Vice-President o the [[Scottish Text Society]] fae 1985; Honorary Preses o the [[Scots Leid Associe]] fae 1994; Honorary Vice-President o the [[Scottish National Dictionary Association]] fae 1995; an Honorary Vice-President o the [[Robert Henryson Society]] fae 1996. In 1981 the British Academy awardit him the Biennial Sir Israel Gollancz Prize. In 1983 he was awardit a DLitt be the Varsity o Edinburgh, an wis appyntit Honorary Professor in 1984. In 1987, he wis presentit wi a Festschrift: ''The Nuttis Schell'', ''Essays on the Scots Language presented to A J Aitken''.

Aitken is weel-kent for his formulation o the [[Scots Vouel Lenth Rule]], kent as Aitken's Law forby. He developed a nummerin seestem for the [[Scots leid|Scots]] [[vouels]] that alloued a better unnerstaundin an descreeption o thair historical development.

He retirt in 1986 an dee’d at hame in Edinburgh on 11 February 1998 o ischaemia. 

== References {{In|en}} ==

* {{cite ODNB|id=69429|title=Aitken, (Adam) Jack|first=Caroline|last=Macafee}}
{{Refbegin}}
*Caroline Macafee, ‘Obituary: A. J. Aitken (1921–1998)’, English World-Wide 19:2 (1998) 275–285 http://www.jbe-platform.com/content/journals/10.1075/eww.19.2.09mac DOI: 10.1075/eww.19.2.09mac
*Priscilla Bawcutt ‘Professor A. J. Aitken’ The Independent (18 February 1998) https://www.independent.co.uk/news/obituaries/obituary-professor-a-j-aitken-1145481.html {{Webarchive|url=https://web.archive.org/web/20201112191003/https://www.independent.co.uk/news/obituaries/obituary-professor-a-j-aitken-1145481.html |date=2020-11-12 }}
*Caroline Macafee, ‘Professor A J Aitken’, The Herald (14 February 1998) http://www.heraldscotland.com/sport/spl/aberdeen/professor-a-j-aitken-1.354441
*J Derrick McClure ‘Professor Jack Aitken. The word in Scotland’, The Guardian (10 March 1998) https://pqasb.pqarchiver.com/guardian/doc/188142614.html?FMT=CITE&FMTS=CITE:AI&type=historic&date=Mar+10%2C+1998&author=J+Derrick+McClure&pub=The+Guardian+%281959-2003%29&edition=&startpage=&desc=The+word+in+Scotland {{Webarchive|url=https://web.archive.org/web/20161106152335/http://pqasb.pqarchiver.com/guardian/doc/188142614.html?FMT=CITE&FMTS=CITE:AI&type=historic&date=Mar+10%2C+1998&author=J+Derrick+McClure&pub=The+Guardian+%281959-2003%29&edition=&startpage=&desc=The+word+in+Scotland |date=2016-11-06 }}
*'History of DOST', http://www.dsl.ac.uk/
*Caroline Macafee an [[Iseabail Macleod]], eds. The Nuttis Schell. Essays on the Scots Language presented tae A J Aitken (Aberdeen University Press, 1987)
*A. J. Aitken, ed. Caroline Macafee, The Older Scots Vowels: A History of the Stressed Vowels of Older Scots from the Beginnings to the Eighteenth Century (Edinburgh: Scottish Text Society, 2002)
*A. J. Aitken,‘The Scottish Vowel Length-Rule’ in A. J. Aitken, M. Benskin an M. L. Samuels, eds., So meny people longages and tonges: Philological Essays in Scots and Mediaeval English presented tae Angus McIntosh (Edinburgh, 1981)
{{Refend}}{{Authority control}}
{{DEFAULTSORT:Aitken, A.J.}}
[[Category:Fowk frae Edinburgh]]
[[Category:Scots fowk]]
[[Category:1921 births]]
[[Category:1998 daiths]]