Byzantine Empire

Byzantine Empire Βασιλεία Ῥωμαίων Basileía Rhōmaíōn Imperium Romanum
c. 330 – 1204 1261 – 1453
Solidus wi the image o Justinian the Great (527-565) (see Byzantine insignia)
The Empire at its greatest extent in 555 AD unner Justinian the Great
Status	Empire
Caipital	Constantinople
Common leids	Laitin (offeecial till 620) Greek (offeecial efter 620)
Releegion	Roman paganism till 380. Christianity (toleratit efter the Edict o Milan in 313; state releegion efter 380); Orthodox Christianity efter 1054.
Govrenment	Absolutist autocracy
Emperor
• 330–337	Constantine I
• 1449–1453	Constantine XI
Historical era	Late Antiquity–Late Middle Ages
• Pairteetion o the Roman Empire	285
• Foonding o Constantinople	330
• Daith o Theodosius I	395
• Nominal end o Wastren Empire	476
• Fowert Crusade	1204
• Reconquest o Constantinople	1261
• Faw o Constantinople	29 Mey 1453
• Faw o Trebizond	15 August 1461
Population
• 565 AD	26,000,000a
• 780 AD	7,000,000
• 1025 AD	12,000,000
• 1143 AD	10,000,000
• 1282 AD	5,000,000
Currency	Solidus, Hyperpyron
Precedit bi Succeedit bi Roman Empire Ottoman Empire
See Population o the Byzantine Empire for mair detailed figures taken providit bi McEvedy and Jones, "Atlas of World Population History", 1978, as well as Angeliki E. Laiou, "The Economic History of Byzantium", 2002.

The Byzantine Empire, an aa referred tae as the Eastren Roman Empire, wis the conteenuation o the Roman Empire in the East in Late Antiquity an the Middle Ages, whan its caipital ceety wis Constantinople (modren-day Istanbul, that haed been foondit as Byzantium). It survived the fragmentation an faw of the Wastren Roman Empire in the 5t century AD an conteena'd tae exist for an addeetional thoosand years till it fell tae the Ottoman Turks in 1453. In maist o its existence, the empire wis the maist pouerfu economic, cultural, an militar force in Europe. Baith "Byzantine Empire" an "Eastren Roman Empire" are historiografical terms creatit efter the end o the realm; its ceetizens conteena'd tae refer tae thair empire as the Roman Empire (Greek: Βασιλεία τῶν Ῥωμαίων, tr. Basileia tôn Rhōmaiōn; Laitin: Imperium Romanum), or Romania (Ῥωμανία), an tae themsels as "Romans".

Several seegnal events frae the 4t tae 6t centuries merk the period o transeetion in that the Roman Empire's Greek East an Laitin Wast dividit. Constantine I (r. 324–337) reorganised the empire, made Constantinople the new caipital, an legalised Christianity. Unner Theodosius I (r. 379–395), Christianity acame the Empire's offeecial state releegion an ither releegious practices war proscrived. Feenally, unner the ring o Heraclius (r. 610–641), the Empire's militar an admeenistration war restructurt an adoptit Greek for offeecial uise insteid o Laitin. Sicweys, awtho the Roman state conteena'd an Roman state tradeetions war mainteened, modren historians distinguish Byzantium frae auncient Roum insaefaur as it wis centred on Constantinople, orientit taewart Greek raither than Laitin cultur, an chairacterised bi Orthodox Christianity.

The mairches o the Empire evolved seegneeficantly ower its existence, as it went throu several cycles o decline an recovery. In the ring o Justinian I (r. 527–565), the Empire reakit its greatest extent efter reconquerin muckle o the historically Roman wastren Mediterranean coast, includin North Africae, Italy, an Roum itsel, that it held for twa mair centuries. In the ring o Maurice (r. 582–602), the Empire's eastren frontier wis expandit an the north stabilised. Houiver, his assassination caused the Byzantine–Sasanian War o 602–628, that exowstit the Empire's resoorces an contreebutit tae major territorial losses during the Muslim conquests o the seivent century. In a matter o years the Empire lost its richest provinces, Egyp an Sirie, tae the Arabs.

In the Macedonian dynasty (10t–11t centuries), the Empire again expandit an experienced the twa-century lang Macedonian Renaissance, that cam tae an end wi the loss o muckle o Asie Minor tae the Seljuk Turks efter the Battle o Manzikert in 1071. This battle appened the wey for the Turks tae settle in Anatolie.

The Empire recovered again in the Komnenian restoration, sic that bi the 12t century Constantinople wis the lairgest an walthiest European ceety. Houiver, it wis delivered a mortal blaw during the Fowert Crusade, whan Constantinople wis sacked in 1204 an the territories that the Empire umwhile govrened war dividit intae competin Byzantine Greek an Laitin realms. Despite the eventual recovery o Constantinople in 1261, the Byzantine Empire remeened anerly ane o several smaw rival states in the aurie for the feenal twa centuries o its existence. Its remeenin territories war progressively annexed bi the Ottomans ower the 15t century. The Faw o Constantinople tae the Ottoman Empire in 1453 feenally endit the Byzantine Empire.