نماز جنازو
جنازي جي نماز(انگريزي: Funnrel prayers) اسلام ۾ فرض ڪفايه آھي. ھن نماز جا ٻہ فرض ھوندا آھن[1]:
- چار دفعا الله اڪبر چوڻ.
- قيام ڪرڻ.
ھر تڪبير ھڪ رڪعت جي جڳھ تي آھي. ڪنھن عذر کانسواءِ ويھي نماز پڙهڻ جائز ناھي. جنازي جي نماز جون ٽي سنتون آهن[1]:
- خدا جو حمد يا ثنا ڪرڻ.
- نبي ﷺ تي درود موڪلڻ.
- ميت لاء دعا ڪرڻ.
ھڪ کان وڌيڪَ جنازن جون علحده جنازي نمازون پڙھي سگھجن ٿيون ۽ سڀني جي ھڪ جنازي نماز پڻ ٿي سگھي ٿي[1]. نماز وقت ميت جو مٿو اتر طرف ۽ پير ڏکڻ طرف رکبا آهن. سني حنفي مذھب مطابق ھي نماز ٽھڪ ڏئي کلڻ سان فاسد نہ ٿيندي آهي[1]. مرد جي پاسي م عورت جي بيھڻ سان بہ فاسد نہ ٿيندي آهي[1]. حنفي مذھب مطابق نماز شروع ٿيڻ کان پوء امام جي نئين تڪبير چوڻ وقت شامل ٿبو جيڪا تڪبير تحريمه ٿي ويندي آهي . امام جي سلام ورائڻ وقت اھو شامل ٿيندڙ باقي تڪبيرون چئي سلام ورائيندو آھي[1].