| tidspunkt | |
|---|---|
| 1994 | 1800 |
| 1995 | 1858 |
| 1996 | 2046 |
| 1997 | 2090 |
| 1998 | 2107 |
| 1999 | 2117 |
| 2000 | 2212 |
| 2001 | 2292 |
| 2002 | 2309 |
| 2003 | 2244 |
| 2004 | 2254 |
| 2005 | 2263 |
| 2006 | 2371 |
| 2007 | 2355 |
| 2008 | 2367 |
| 2009 | 2355 |
| 2010 | 2325 |
| 2011 | 2257 |
| 2012 | 2359 |
| 2013 | 2501 |
| 2014 | 2622 |
| 2015 | 2542 |
| 2016 | 2567 |
| 2017 | 2568 |
| 2018 | 2563 |
| 2019 | 2559 |
| 2020 | 2795 |
| 2021 | 2698 |
| 2022 | 2806 |
| 2023 | 2822 |
Bø blad er ei norsk lokalavis som kjem ut i Bø i Telemark, i papirformat ein dag i veka og som dagleg oppdatert nettavis. Avisa blei grunnlagd i 1986 og er eigd av fleire aksjonærar, mellom anna Lepperød Invest AS som har den største aksjeposten med 27,7 prosent. Bø blad eig og lokalavisa Kanalen i nabokommunen Nome.
Avisa dekkjer Midt-Telemark kommune i Telemark fylke. Bladet er medlem av Landslaget for lokalaviser.
Fram til 1985 var behovet for avis i Bø delvis dekt av Telemarkingen. Då den avisa gjekk konkurs i 1985, fekk mange aktørar i lokalsamfunnet behov for ein ny og god kommunikasjonskanal. I august 1986 blei Bø blad stifta som eit aksjeselskap, med journalist og tidlegare stortingsrepresentant Arne Kielland som initiativtakar. Han var og redaktør fram til han døydde i 2003. Både lokale bedrifter, bankar, organisasjonar og enkeltpersonar gikk inn som aksjonærar. Det gjorde også dåverande Bø kommune.
Frå januar 2018 fekk abonnentane digital tilgang til avisa, i første omgang som e-avis. I desember 2019 blei Bø blad ei fullverdig nettavis, i tillegg til at ho kjem ut på papir éin gong i veka. Det har ho gjort sidan starten. Frå 1. januar 2020 er nedslagsfeltet for avisa utvida. Då blei Bø kommune slått saman med Sauherad kommune til Midt-Telemark kommune.
Redaksjonsspråket i Bø blad er nynorsk, og avisa er pådrivar for bruk av nynorsk og lokal dialekt i lokalmiljøet. Avisa oppmodar næringslivet i kommunen til å marknadsføre seg på nynorsk. Avisa gir jamvel språkleg støtte til marknadsføringa. I 2018 blei Bø blad tildelt «Målblomen» frå Noregs Mållag for denne innsatsen.
| År | Opplag |
|---|---|
| 2000 | 2212 |
| 2005 | 2263 |
| 2010 | 2325 |
| 2015 | 2542 |
| 2020 | 2795 |
| 2021 | 2698 |
| 2022 | 2806 |
| 2023 | 2822 |
Til og med 2015 gjeld opplagstala berre for papiravisa. Frå 2020 viser statistikken netto opplagstal for både digitale abonnement og papirabonnement. Kjelda er opplagstala avisene rapporterer til Mediebedriftenes Landsforening (MBL) for andre halvår.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.