Norges kulturvernforbund

Kulturvernforbundet organiserer regionale kulturnettverk. Dei arrangerer og støttar også kulturverndagane, som er fleire hundre lokale og regionale arrangement som fremjer ulike kulturarvaspekt. Kulturvernforbundet deler ut ein kulturvernpris kvart år til den lokale arrangøren av kulturverndagar som dette året eller over tid som formidlar og gjer kulturarv tilgjengeleg og skapar engasjement for historie og kulturarv vurdert ut frå programmet og/eller innsatsen. For tida er prisen på 50 000 kroner. I 2023 gjekk prisen til Voss kunst og kultur for arrangementet Ein levande kulturarv og i 2022 gjekk den til Balsfjord og Malangen historielag for arrangementet av kulturminnedagane i Balsfjord. Kulturvernforbundet arrangerer også ein årviss kulturvernkonferanse. Riksantikvaren er ein viktig samarbeidspartnar for Kulturvernforbundet.

For å vera fullt med i Kulturvernforbundet må ein organisasjon oppfylla fire krav:

• Aktiviteten deira må vera i samsvar med føremålsparagrafen til Kulturvernforbundet
• Kulturvern må vera hovudføremål for organisasjonen
• Organisasjonen må vera demokratisk og ikkje-kommersiell
• Organisasjonen må vera landsdekkjande.

Organisasjonar som har kulturvern som delaktivitet, kan verta assosierte medlemer.

Dei 31 medlemsorganisasjonane har til saman om lag 270 000 medlemer. Blant disse medlemsforeningene er for eksempel Fortidsminneforeningen, Den norske historiske forening (HIFO), Landslaget for lokalhistorie og Norsk Skipsfartshistorisk Selskap.

Organisasjonen har landsmøte annakvart år, og vel då eit styre på sju medlemer. På 2024-landsmøtet på Hamar vart Jørn Holme attvald som leiar, han har tidlegare også vore Riksantikvar.

• Kulturarv
• Riksantikvaren

• Norges kulturvernforbund (Kulturvernforbundet)