Os og Fusaposten

Os og Fusaposten publiserer stoffet på dei ulike digitale flatene i takt med nyheitsstraumen. Ordninga med betalingsmur for ikkje-abonnentar gjeld det meste av stoffet. Talet på daglege lesarar på papir og nett var 12 943 i 4. kvartal 2023, ifølgje statistikk frå Mediebedriftenes Landsforening.

Avisa har sitt utspring i ein strid i Os og Fusa si første lokalavis, Midhordland. Midhordland kom ut første gongen i 1972, etter initiativ frå Vestlandske Mållag.

Christian Fr. Stabell vart tilsett som redaktør og dagleg leiar i Midhordland i 1973, med forfattaren Arnfinn Haga som styreleiar. I 1975 vart avisa gjort til aksjeselskap, med familiane Haga og Krüger som eigarar. Aksjeutvidingar og endringar i eigarforholda skapte konfliktar mellom redaktør Stabell og dei to eigarfamiliane.

Konflikten toppa seg då eigarane stoppa ein artikkel i trykkeriet som redaktøren hadde godkjent. Stabell braut ut, tok med seg dei fleste medarbeidarane og starta sommaren 1987 den nye avisa Os og Fusaposten.

Den nye avisa fekk på kort tid over 2700 tingarar. Midhordland tapte både tingarar og fekk store kostnader som følgje av dette brotet. Eigarane stemna derfor Stabell og den nye avisa for retten og fekk medhald i at dei skulle ha 883 500 kroner i skadebot og få dekt sakskostnadene.

Dommen vart anka, men berre få veker før ankesaka skulle opp, vart Midhordland slått konkurs. Det siste nummeret kom 1. november 1990. Sidan har Os og Fusaposten vore einaste lokalavisa i Bjørnafjorden. Os og Fusaposten har dei siste åra hatt ein sterk opplagsvekst. Avisa vart kåra til beste lokalavis av Landslaget for lokalaviser i 1991 og 2004.

Til og med 2015 gjeld opplagstala berre papirutgåva. Frå 2020 nyttar ein netto opplagstal for digitalt abonnement og papirabonnement i andre halvår. Kjelde: Mediebedriftenes Landsforening (MBL).

• Første nummer 20. juni 1987

• medier i Norge
• Bjørnafjorden

• Os og Fusaposten

• Flo, I. (2002): Konkurranse mellom lokalaviser på fire ulike marknader i Noreg: Midhordland, Os og Fusaposten, Bygdebladet, Storfjordnytt, Bømlo-Nytt, Bømlo i Tekst og Bilde, Fjordenes Tidende og Fjordabladet. Arbeidsrapport. Volda: Møreforsking Volda
• Grepstad, O. (2010): Avisene som utvida Noreg. Nynorskpressa 1850–2010. Oslo: Universitetsforlaget