Torbjørn er eit mannsnamn som går tilbake til det norrøne Þor-bjǫrn. I dette toledda namnet er forleddet gudenamnet Tor. Etterleddet tyder ‘bjørn’.
Torbjørn (mannsnamn)
Personar med namnet Torbjørn
Kulturell bruk
- Torbjørn Granlien i «Synnøve Solbakken (1857) av Bjørnstjerne Bjørnson.
Kjende personar med namnet Torbjørn
Eit utval personar med namnet Torbjørn, og som er omtalt i Store norske leksikon:
- Torbjørn Afdal (1917)
- Torbjørn Sikkeland (1923)
- Torbjørn Rodahl (1926)
- Torbjørn Falkanger (1927)
- Torbjørn Mork (1928)
- Torbjørn Yggeseth (1934)
- Torbjørn Sirevåg (1936)
- Torbjørn Færøvik (1948)
- Torbjørn Kvasbø (1953)
- Torbjørn Anderssen (1976)
- Torbjørn Røe Isaksen (1978)
- Torbjørn Hornklove
Namnestatistikk
I 2022 var det 6 540 menn i Noreg som hadde Torbjørn som det einaste førenamnet eller som det fyrste av fleire. I 2022 var det 15 gutar som fekk namnet Torbjørn.
Utvikling i bruk av namnet
Namnestatistikken for 1800-talet baserer seg på folketeljingar, og då var det oftast registerføraren som bestemte kva for stavevariant som skulle førast inn i teljinga – ikkje namneberaren sjølv. Derfor er stavevariantane Torbjørn og Thorbjørn slått saman, og dei er presenterte med ei felles kurve for 1800-talet. Torbjørn og Thorbjørn høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969. I tillegg til Torbjørn, som var på topp i 1930-åra, gjeld dette til dømes Arnfinn, Arnulf, Asbjørn, Dagfinn, Gudmund, Jostein, Kolbjørn, Oddbjørn, Oddvar, Ragnvald og Sigmund. Sidan år 1900 har Torbjørn vore brukt meir enn tre gongar så mykje som Thorbjørn.
Geografisk variasjon på 1800-talet

Torbjørn var mest brukt i Hordaland.
Torbjørn var mest brukt i Hordaland. (I søylene inngår det også ein eller fleire stavevariantar, til dømes Thorbjørn.)
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.