Uskedal er ein tettstad i Kvinnherad kommune i Vestland. Tettstaden er ifølgje SSBs definisjon 0,8 km², og har 746 innbyggjarar (2023).
Uskedal ligg på Folgefonnhalvøya, innanfor Snilstveitøy, ved munninga av Uskedalselva i Husnesfjorden (Hardangerfjorden). Uskedal ligg ved fylkesveg 500, mellom tettstadene Herøysund i sørvest og Dimmelsvik i nordaust.
Kapteinsgarden i Uskedal er eit vestlandshus frå 1773 i empirestil med mellom anna franske, meir enn 200 år gamle, tapet. Huset vart freda i 1923. Bygdetunet Rød, som ligg like aust for tettstaden, består av ei rekkje hus frå 1700-talet. Til bygdetunet høyrer òg ein bøkkarverkstad ved fjorden.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.