illativ (grammatikk)

Dei samiske språka har kasusen illativ, som i det nordsamiske eksempelet nedanfor, som tyder 'Mattis reiste til Masi'. Mázii 'til Masi' er illativ av Máze 'Masi':

Samiske språk brukar også illativ der mange indoeuropeiske språk brukar dativ, til dømes for å uttrykkje mottakaren av noko. Denne setninga tyder 'eg gir deg ei bok', der dutnje 'til deg' er illativ av don 'du':

I finsk er illativ eit indre tilstadskasus, som står i motsetnad til inessiv (indre påstadskasus, 'inne i') og elativ (indre fråstadskasus, 'ut frå'), illustrerte i desse setningane med illativ, inessiv og elativ av substantivet talo 'hus':

• Illativ: Koira meni taloon 'Hunden (koira) gjekk (meni) inn i huset (taloon)'
• Inessiv: Tyttö nukkuu Toivon talossa 'Jenta (tyttö) søv (nukkuu) i huset (talossa) til Toivo (Toivon)'
• Elativ: Mies tuli ulos talosta 'Mannen (mies) tuli (kom) ut (ulos) frå huset (talosta)'

Dei tre indre kasusa står i motsetnad til tre ytre kasus, allativ (ytre tilstadskasus, 'til overflata av') og adessiv (ytre påstadskasus, 'på overflatsa av') – her illustrerte med substantivet lattia 'golv':

• Allativ: Kirja putosi lattialle 'Boka (kirja) datt (putosi) på golvet (lattialle)'
• Adessiv: Matto on lattialla 'Matta (matto) er (on) på golvet (lattialla)'
• Ablativ: Otatko maton lattialta?'Tek du (otatko) matta (maton) frå golvet (lattialta)?'

Baskisk har ein tilstadskasus med den generelle tydinga 'til', men denne kasusen går under namnet allativ. Til dømes er Donostiara 'til Donostia' allativ av bynamnet Donostia (spansk San Sebastián):

• Donostiara joango da. 'Han skal reise til Donostia'

Latin kan uttrykkje 'til (ein stad)' med akkusativ — såkalla retningsakkusativ. Dette er mest brukt ved byar og mindre øyar. I følgjande setning er Rōmam er akkusativ av Rōma 'Roma':

• Rōmam venit hodiē. 'Ho/han kom til Roma i dag.'

• kasus