Khowar er eit indoarisk språk som blir snakka av nærmare 380 000 menneske (2018) i Chitral i det nordlege Pakistan.
Khowar høyrer til dardspråka.
Skriftspråket i Chitral var lenge persisk, men er no erstatta av urdu. Det har vakse fram ein nasjonal litteratur på khowar.
Den norske indologen Georg Morgenstierne (1892–1978) samla under ekspedisjonar i 1920-årene inn folkedikting som berre delvis er utgitt, og gav ei grammatisk beskriving av språket 1947. Morgenstierne karakteriserte khowar som det mest arkaiske av alle ny-indoariske språk.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.