Pliktavleveringslova er ei norsk lov som pålegg alle utgivarar, trykkjeri, produsentar og importørar av ulike dokument å levere inn allment tilgjengelege eksemplar til Nasjonalbiblioteket. Lova fastslår at utgivar eller produsent er pålagd å avlevere digitale grunnlagsmaterial for dokumenta, i tillegg til sjølve utgivingsmediet. Vidare har Nasjonalbiblioteket heimel til å føreta automatisk innsamling av norsk materiale som er gjort allment tilgjengeleg på Internett.
Faktaboks
- Fullt namn
- lov om avleveringsplikt for allment tilgjengelege dokument
- Kortnamn
- pliktavleveringslova
- Forkorting
- avlvl
- Tredd i kraft
- 01.07.1990
- Lovdata-ID
- NL/lov/1989-06-09-32
Føremålet til lova er å sørgje for tilstrekkeleg lovheimel til å kunne opparbeide allmenne nasjonale arkiv. I takt med endrande samfunnsforhold har lova blitt endra til å omfatte digitale dokument. Pliktavlevering skal sørgje for bevaring og bruk av kjeldemateriale for forsking og dokumentasjon for ettertida.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.