Hollen

Hollen is ne Buurskup fon Roomelse.

Loage

Hollen lait suudelk fon Roomelse un aastelk Hollenbround. In dät Noudaaste un Aaste lait ju Buurskup Hollenerfoan, in dät Suudaaste lait ju Hollener See aastelk fon ju Seelter Äi in dän Gestrich Hollebierich fon Hollenerfoan.

Geskichte

Ju Buurskup Hollen is wäil aan fon doo ooldste Siedlungen in Seelterlound un fillicht hääbe där do eerste Seelter woond. Wäil in Hollen di eerste Blok wäil woond häd, die immer in ju Soage fon Seelterlound naamd wäd: Blok, Awick un Käärkhof. Deertou waas uk in Hollen ne litje Säärke un Kapälle un ju groote Buurich.

In Hollen roate dät ju "Libby" Molkeräi. Ju stuud ieuwenske dät Skeed twiske Roomelse un Hollen, juust ieuwen uur dän Iersenboan ap Noune Tuun, an ju Hauptsträite ap ju Steede wier so'n 20 Jiere die "Combi-Markt" stuud. Där is nu ju Firma "Heizungsbau Drees". Dät Gelände heerd däälich tou dät Täärp Roomelse.

Skoule

Hollen hied fröier ne oaine katoolske Skoule. Al in dät Jier 1814 wüülden do Hollener ne oaine Skoule hääbe. Dät wüülden do Roomelster Koastere oawers nit, wäil se dan blood n hoolich Deel fon dät Skouljield kriegen hieden. Där truch duurde dät noch bit 1859, bit truch ju näie "Schulacht Hollen" ne Skoule foar do Bäidene uut Hollen un Hollenbround iengjucht wuude. Ju eerste Hollener Skoule wuud dan 1895 truch Gerd Vogt un Johannes Schmidts uut Skäddel baud. 1910 wuud ne näie Skoule mäd aan Klasse baud, un 1937 ap two Klassen un 1951 ap tjo Klassen fergrattert.

Siet 1966 waas dät ju Gruundskoule Hollen mäd 56-66 Bäidene. Ju Gruundskoule Hollen wuud ap n 1.8.1970 aplöösed. Ju Skoule wuud dan noch ätter dän 1. August 1977 fon ju Gruundskoule in Roomelse nutsed.

Ju Skoule is ferkooped.

Do Koastere wieren:

Laitenge:

1859 - 1860: Aumann
1860 - 1878: Westendorf
1878 - 1909: Elenterius Busch
1909 - 1917: Zubrägel
1917 - 1919: Ferskäidene Fertreedenge
1919 - 1921: Diersen
1921 - 1933: Theodor Block
1933 - 1944: Engelbert Behrens
1945 - 1970: Walter Deeken

2. un 3. Koaster:

Clemens Sieverding
Bernard Thomann
1937 - 1945: Hermann Beckmann
1946 - 1948: Hildegard Schrammeck
1947 - 1954: Klara Siemer
1948 - 1953: Kurt Löwe
1953 - 1957: Leonard Englich
1954 - 1967: Hildegard Ginella
1968: Elisabeth Glende

Wiendmäälnen

Gans fröier hieden do Roomelster un Skäddeler touhoope al ne Wiendmäälne, ju stuud twiske Hollen un Skäddel ap Läiwerkekomp. Ätters wier där ne Määlne fuul wäästelker unner Wiltekomp un is deer oubaadend. Ap ne Koarte fon 1588 wier al ne Määlne ienteekend.

Ju Schoofsche Wiendmäälne, n Galeriehollounder uut dät Jier 1900, ju där däälich in Hollen stount, is 1999 renoviert wuuden un is noch in Bedrieuw. Ju kon nit besichtiged wäide. Die Oainer is Enno Schoof.

Bekoande Ienwoonere

Heinrich Eilers, Buurmäster fon ju Meente Roomelse fon 1964-1974

Bauwierke

Schoofsche Wiendmäälne

Woater un fräie Tied

Bedrieuwe

Ferskäidene Hondel- un Hondwierksbedrieuwe

Wällen

Franz Dwertmann: Das grosse Sterben der kleinen Schulen, Vechtaer Druckerei und Verlag, 1984, ISBN 3-88441-025-3

Bielde

litje Brääch in Hollen, 1934
Wiltekomp mäd Roagenbülte, 1967, bääte ju Wiendmäälne
Säärkwai uum 1900 (nu ju Hauptsträite). Bääte gjuchts ju Steede fon Gouderwychs, nu Thedering
Ju Skoule in Hollen mäd Sköilere un Koaster Theodor Block, 1922

Täärpe un Buurskuppe in Seelterlound

Bauwierke in Seelterlound
Säärken Roomelse \| Seedelsbierich \| Skäddel \| Strukelje Määlne Hollen \| Skäddel Uur Klaaster Boukeläsk \| Marine-Seender Roomelse \| Seelterfräisk Kultuurhuus

Loundskuppe un Woater in un uum Seelterlound
Loundskuppe Aastfoan \| Wäästfoan \| Maiglöckchenwoold \| Hollebierich \| Loanghoarster Iesk \| Seelter-Äi-Paad \| Klaasterbusk \| Woolde in Seelterlound \| Swonnebiergerfoan Woater Hollener See \| Maiglöckchensee \| Idasee \| Stickisee \| Seelter Äi mäd Seelter-Äi-Paad \| Kustenkanoal \| Elisabethfeenkanoal \| Uutändjer Kanoal \| Leda \| Jümme