Joseph Louis Gay-lussac
Joseph Louis Gay-Lussac (6 Désémber 1778 – 9 Méi 1850) nyaéta saurang kimiawan jeung fisikawan Perancis. Anjeunna dipikawanoh alatan dua hukum anu patalina jeung gas, jeung hasil karyana dina campuran cai-alkohol anu dipaké pikeun ngukur kadar alkohol di réa nagara.[1]
Biografi
éditAnjeunna lahir di Saint-Léonard-de-Noblat bagian ti Haute-Vienne. anjeunna menang pangatikan mimiti di sakola katolik Catholic Abbey of Bourdeix. Tuluy, dina asuhan Abbot of Dumonteil anjeunna ngamimitian pangatikanana di Paris, anu ahirna asup ka École Polytechnique dina taun 1798.
Karyana
édit- 1802- Gay-Lussac mimiti nyieun formulasi hukum, nyaéta hukum Gay-Lussac. Anu nyebutkeun yén masa jeung tekanan gas téh konstan, tuluy volume gas bakal naék kalawan dina tingkat anu teratur upama suhu naék.
- 1804 – Anjeunna jeung Jean-Baptiste Biot nyieun balon hawa panas bisa ngapung anu luhurna nepika 6.4 kilométer dina panalungtikan munggaran ngeunaan atmosfir bumi. Anjeunna boga kahayang pikeun ngumpulkeun conto hawa dina luhurna langit anu béda-béda pikeun ngarekam bébédaanana dina hal suhu jeung kalembaban.
- 1805 _ Bbarengan sobatna jeung élmuwan kolaborator Alexander von Humboldt, anjeunna nimukeun yén komposisi atmosfir téh teu robah alatan turunna tekanan (turunna jangkung). Aranjeunna ogé nimukeun yén cai téh kawangun alatan dua anasir nyaéta hidrogén jeung hiji anasir oksigén.
- 1808 –Anjeunna mangrupa panimu anasir boron
- 1811- Gay-Lussac mikawanoh yé iodine minangka anasir anyar, medar hal-hal ngeunaanana, jeung ngajukeun ngaran “Iodine”[2]
Sumber
édit- ↑ Joseph Louis Gay-Lusac (1778–1850)—Physicist and Fire Balloonist". JAMA 187: 771. 1964. PMID 14094304
- ↑ Ede, A. (2006). The Chemical Element: A Historical Perspective. Greenwood Press. p. 133. ISBN 0313333041.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |