Ludwig van Beethoven

Ludwig van Beethoven (diéjah [ˈbe.to.vɘn]) (dibaptis 17 Désémber, 1770 – 26 Maret, 1827) komponis jeung pianis Jerman . Beethoven dianggap salah saurang komponis agung sapanjang sajarah, sarta mere warna nu dominan dina periode transisi antara era musik klasik jeung musik romantis di musik klasik kulon. Reputasi nu jenius mere inspirasi — sarta dina sababaraha kasus ngintimidasi — ka generasi komponis, musikus jeung pamiarsana.

Ludwig van Beethoven, sakitar taun 1804

Gumelar di Bonn, Jérman, terus pindah ka Vienna, Austria, dina umur 20-an, sarta terus tumetep di dinya, diajar ka Joseph Haydn tur gancang meunang reputasi salaku pianis. Di ahir umur duapuluh taun, aya gangguan dina "pendengaran" sarta terus ngahasilkeun hasil karya sanajan mangrupa awal nu sulit dina kahirupanna. Beethoven salah saurang komponis munggaran nu digawe bebas - nyusun keur konser, ngajual komposisina ka penerbit tur meunang dana dukungan ti nu baleunghar - tinimbang digawe di gereja atawa pangadilan.

Hirup jeung gawe

Pikeun leuwih jéntré ngeunaan jejer ieu, mangga tingal Life and work of Ludwig van Beethoven.

Beethoven lahir di 515 Bongasse, Bonn, Jerman, ti Johann van Beethoven (1740–1792) jeung Magdalena Keverich van Beethoven (1744–1787). Beethoven dibaptis dina 17 Desember, tapi kulawarga jeung guruna Johann Albrechtsberger ngarayakeun tepung taunna dina 16 Desember.

Guru musik munggaran Beethoven nyaéta bapana, salah saurang musikus di pangadilan Electoral di Bonn nu kasar tur teu bisa ditebak. Johann remen balik tengah peuting sarta tuluy ngahudangkeun Ludwig keur ulin jeung manéhna ogé babaturanna. Bakat Beethoven geus diaku waktu umurna masih kénéh bunah. Guru mimiti nu pangpentingna nyaéta Christian Gottlob Neefe. Dina taun 1787 Beethoven ngora indit ka Vienna keur munggaran, di mana manéhna panggih jeung ngondang Mozart. Manéhna kapaksa mulang ka imahna sabab ibuna ngantunkeun ku sabab Tuberculosis. Ibu Beethoven pupus waktu manéhna umur 16, sarta dina manéhna kudu ngurus 2 adina sabab bapana sering mabok ku pangaruh alkohol.

Beethoven pindah ka Vienna dina taun 1792, di mana manéhna diajar keur sabaraha lila ku Joseph Haydn nu ngagantikeun Wolfgang Amadeus Mozart, nu pupus sataun samemehna. Manéhna narima instruksi tambahan ti Johan Georg Albrechtsburger (instruktur pra-ulung Vienna) sarta Antonio Salieri. Beethoven gancang nembongkeun kamampuhna salaku piano virtuoso. Karya mimitina sababaraha nomer "opus", trio piano, dina taun 1795. Manéhna mimiti awalna karir saperti dina sesa hirupna nyaéta: tinimbang gawe di gereja atawa pangadilan (saperti lolobana komponis samemehna), keur kaperluan hirupna tina usaha kombinasi taunan atawa hadiah ti para bangsawa, pangasilan tina tampil di umum, konser, ngajar sarta hasil ngajualan karya-karyana.

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.