Wikipédia

Thomas Stamford Raffles

Sir Thomas Stamford Bingley Raffles nyaéta salah sahiji Gubernur-Jéndral Hindia-Walanda (gumelar di Jamaica, 6 Juli 1781 – maot di London Inggris, 5 Juli 1826 dina umur 44 taun).[1][2] Kasohor salaku warga nagara Inggris nu ngadegkeun karajaan panggedéna di sakuliah dunya.[1]
Bapana nyaéta Kaptén Benjamin Raffles nu kalibet dina kagiatan dagang budak beulian di pulo Karibian.[1] Raffles ditinggalkeun maot ku bapana nalika umur 15 taun.[1] ti saprak harita, Raffles langsung digawé di London pikeun Perusahaan Hindia Timur Britania, salah sahiji perusahaan dagang satengah pamaréntah nu miboga peran nalika Inggris naklukkeun nagri-nagri lianna.[1]
Taun 1805 Raffles dikirim ka pulo nu kiwari kasohor minangka Penang di Malaysia.[1] Harita mah éta pulo téh ngaranna Pulo Pangeran Wales.[1] Raffles diangkat jadi Letnan Gubernur Jawa dina taun 1811.[1] Nalika pamaréntahanana, loba hal nu diropéa saperti introduksi otonomi nu kawatesanan, ngeureunkeun kagiatan ngadagangkeun budak beulian, reformasi sistem pertahanan pamaréntah Walanda, nalungtik sasatoan jeung tutuwuhan nu aya di Indonesia, nalungtik titinggal kuno saperti Candi Borobudur jeung Candi Prambanan, jeung sajabana.[1]
Hasil panalungtikanana di pulo Jawa dituliskeun dina buku nu juduna History of Java nu nétélakeun ngeunaan sajarah pulo Jawa.[2] Dina panalungtikanana Raffles dibantuan ku James Crawfurd jeung Kolonel Colin Mackenzie.[1]
Garwa Raffles, Olivia Marianne tilar dunya dina tanggal 26 November 1814 di Buitenzorg tur dimakamkeun di Batavia perenahna nu kiwari dijadikeun Museum Prasasti.[1] Di Kebun Raya Bogor diwangun monumén pikeun miéling Olivia Marianne.[1]
Taun 1815 Raffles balik deui ka Inggris sanggeus Jawa dikawasa deui ku Walanda.[1] Taun 1817 Raffles nulis jeung medalkeun buku History of Java.[2]
Di Inggris, Raffles ngadegkeun Zoological Society of London tur jadi pupuhu munggaranana.[1] Raffles ngantunkeun sapoé saméméh milangkalana nu ka-45 ping 5 Juli 1826 alatan apoplexy atawa struk.[2]

Raffles

Referensi

édit
  1. ↑ a b c d e f g h i j k l m n Sir Thomas Stamford Archived 2012-01-02 di Wayback Machine (Diakses tanggal 9 Nopember) (id)
  2. ↑ a b c d Biografi Raffles Archived 2013-03-29 di Wayback Machine (Diakses tanggal 9 Nopember) (en)


  Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.
Dicomot ti "https://su.wikipedia.org/w/index.php?title=Thomas_Stamford_Raffles&oldid=654934"