1861 – Haji Umar Tall ngarebut Kota Ségou, ngancurkeun kakawasaan Raja Bamana ti Mali.
1865 – Amy Spain, hamba sahaya Amérika, dihukum mati alatan maok ti dununganna; dipercaya minangka éksékusi hukuman mati pamungkas pikeun hamba sahaya awéwé di Amérika.
1891 – Almon Strowger, tukang ngurebkeun ti Topeka, Kansas, maténtkeun Strowger switch, hiji alat nu nungtun kana otomatisasi parnggantian sirkuit telepon.
1906 – Musibah Tambang Courrières, pangparah-parahna musibah tambang di Éropa, nelasan 1.099 panambang di béh kalér Perancis.
1915 – Perang Dunia I: Patempuran Neuve Chapelle dimimitian. Mangrupakeun operasi skala gedé nu munggaran ti Angkatan Perang Inggris dina perang éta.
1922 – Mahatma Gandhi ditahan di India alatan pamungpangan sarta dihukum genep taun panjara, tapi dibébaskeun sabada ampir dua taun alatan operasi usus buntuna.
1933 – Lini 6,4 Mw di Long Beach narajang aréa Los Angeles Gedé, ngakibatkeun 115-120 jalma palastra, sarta karusakan ditaksir kana $40 jutana.
1959 – Perlawanan Tibét: Hariwang kana usaha panyulikan ku Tionghoa, rébuan urang Tibét ngurilingan istana Dalai Lama.
1968 – Perang Viétnam: Patempuran Lima Site 85, nu réngsé dina tanggal 11 di mana 12 urang personil Angkatan Udara AS perlaya.
1969 – Di Memphis, Tennessee, James Earl Ray ngaku salah geus maéhan Martin Luther King, Jr. Kahareupna manéhna gagal ngabatalkeun pangakuanna.
1970 – Perang Viétnam: Kaptén Ernest Medina disidang ku dinas militer AS pikeun kajahatan perang My Lai.
1975 – Perang Viétnam: Kampanyeu Ho Chi Minh: Pasukan Viétnam Kalér nyerang Ban Mê Thuột dina lalampahanna rék ngarebut Saigon dina serangan pamungkas pikeun meunangkeun perang ti Viétnam Kidul.
