சூலை

ஜூலை கிரெகொரியின் நாட்காட்டியின் ஏழாவது மாதமாகும். இம்மாதம் 31 நாட்களை பெற்றுள்ளது. ரோமானிய மன்னர் ஜுலியஸ் சீசரிடமிருந்து இம்மாதத்தின் பெயர் பெறப்பட்டுள்ளது.

ஜூலை நிகழ்வுகள்

ஜூலை மாதம் ஈழத்தமிழரின் வரலாற்றில் வரலாற்றுத் துன்பங்களையும் பாரிய வெற்றிகளையும் பெற்றுக்கொண்டது இந்த மாதத்தில் தான்.

• 1957 ஜூலை 26: 1957 - இலங்கைப் பிரதமர் எஸ். டபிள்யூ. ஆர். டி. பண்டாரநாயக்காவுக்கும் இலங்கைத் தமிழரசுக் கட்சித் தலைவர் எஸ். ஜே. வி. செல்வநாயகம் அவர்களுக்கும் இடையே ஒப்பந்தம் கைச்சாத்திடப்பட்டது. இது பின்னர் சிங்களத்தரப்பால் நிராகரிக்கப்பட்டது.
• 1975 ஜூலை 27: விடுதலைப்புலிகளின் முதலாவது ஆயுதத் தாக்குதல் நடத்தப்பட்டது. யாழ்ப்பாணம் மாநகரத் தலைவர் அல்பிரட் துரையப்பா சுட்டுக் கொல்லப்பட்டார்.
• 1983: கறுப்பு ஜூலை:இலங்கைத் தமிழர் இனப்படுகொலை செய்யப்பட்டனர்.
• 1985 ஜூலை 5: விடுதலைப் புலிகளின் முதல் கரும்புலித் தாக்குதல் நெல்லியடியில் இடம்பெற்றது.
• 1987 ஜூலை 29: இலங்கை இனப்பிரச்சினைக்கான தீர்வாக இலங்கை - இந்திய ஒப்பந்தம் கொழும்பில் கைச்சாத்திடப்பட்டது.
• 1990 ஜூலை 11: கொக்காவில் இராணுவ முகாம் தாக்கியழிக்கப்பட்டது.
• 1993 ஜூலை 25: மணலாறு மண்கிண்டிமலை இராணுவ முகாம் தாக்கியழிக்கப்பட்டது.
• 2001 ஜூலை 24: பண்டாரநாயக்க சர்வதேச விமான நிலையம் விடுதலைப் புலிகளினால் தாக்கப்பட்டதில் பல விமானங்கள் அழிக்கப்பட்டதுடன் பலர் கொல்லப்பட்டனர்.

வெளி இணைப்புகள்

• மறக்க முடியாத யூலைகள்