Rustam Shaymardanov

Rustam Shaymardnonov
Shaxsiy maʼlumot
Toʻliq ismi	Rustam Shaymardnonov
Tavallud sanasi	4-sentyabr 1976-yil (48 yosh)
Tavallud joyi	Oʻzbekiston
Boʻyi	174 cm (5 ft 8 1⁄2 in)
Ampluasi	Himoyachi
Professional faoliyati*
Yillar	Jamoa
1996—1997	Doʻstlik
1998—1999	Paxtakor
2000—2002	Doʻstlik
2002—2005	Esil Bogatir
2005	Jetisu
2006	Metallurg Bekobod
2006—2007	Qizilqum
2007	FC Atyrau
2008	OTMK
2009	Metallurg Bekobod
Milliy terma jamoa
1997—2000	Oʻzbekiston
	*Professional klublardagi gollari (ichki chempionat)

Vikipediyada shunday familiyali boshqa shaxslar haqida ham maqolalar mavjud, qarang: Shaymardanov.

Rustam Shaymardanov (ruscha: Шаймарданов, Рустам; 1976-yil 4-sentyabrda tugʻilgan) – oʻzbekistonlik sobiq professional futbolchi, faoliyati davomida oʻng qanot himoyachisi ampulasida oʻynagan. Oʻzbekiston terma jamoasi sobiq aʼzosi^[1].

Faoliyati

Rustam Oʻzbekiston oliy divizionidagi debyutini 1996-yili Toshkent viloyatining „Doʻstlik“ klubida oʻtkazgan. 1998-yilda „Paxtakor“ (Toshkent) klubiga oʻtib, ikki mavsum davomida oʻynagan va 1998-yilgi mavsumda mamlakat chempioni boʻlgan. 2000-yil „Doʻstlik“ jamoasi tarkibi qaytgan va yana ikki yarim mavsum oʻynagan. 2000-yilgi mavsumda Oʻzbekiston kubogi sohibi mamlakat chempioni boʻlgan.

2002-yilning yozida Rustam Qozogʻistonning „Esil-Bogatyr“ (Petropavlovsk) klubiga oʻtgan va u yerda toʻliq boʻlmagan toʻrt mavsum davomida oʻynagan. 2003-yil Qozogʻiston kubogining yarim finalida oʻynagan. 2005-yilning kuzida Qozogʻistonning boshqa bir klubi, „Jetisu“ (Toldiqoʻrgʻon) jamoasida oʻynagan. Vataniga qaytgach, „Metallurg“ (Bekobod) va „Qizilqum“ (Zarafshon) jamoalarida toʻp surgan boʻlsa, 2007-yilning kuzida yana Qozogʻistonda qaytgan va „Atirau“ jamoasida oʻynagan.

2008-yilgi mavsumda AGMK (Olamliq) tarkibida oʻynagan. Rustam mavsum davomida 28 ta uchrashuvda 10 ta sariq va bitta qizil kartochka olib, chempionatning eng qoʻpol oʻyinchilaridan biriga aylangan^[2]. Faoliyatining oxirida „Metallurg“ (Bekobod) va „Soʻgʻdiyona“ (Jizzax) klublarida toʻp surgan.

Oʻzbekiston oliy divizionida jami 251 ta oʻyin oʻtkazib, bitta gol urgan; Qozogʻiston oliy divizionida 76 oʻyin oʻtkazgan.

Oʻzbekiston milliy terma jamoasi safida 1997-yil 9-mayda Jahon chempionati saralash turniri doirasida Yamanga qarshi birinchi oʻyinni oʻtkazgan. 1998-yilgi Osiyo oʻyinlari ishtirokchisi, turnirda 2 ta oʻyin oʻtkazgan va uning jamoasi chorak finalga chiqqan. U 1997—2000-yillarda terma jamoa safida jami 21 ta oʻyin oʻtkazgan.