Nick Kamen
Nick Kamen, pseudònemo de Ivor Neville Kamen, (Harlow, 15 apriłe 1962 – Łondra, 4 maggio 2021), el ze stà un cantante, muzeghista e modeło britànego.
Biografia
[canbia | canbia el còdaxe]El ga frecuentà ła St. Marks RC Comprehensive School insieme a do dei só sete fradełi, Barry e Chester. Intei i primi ani 80 el ga intraprendesto ła cariera de modeło.
I ani otanta e el suceso
[canbia | canbia el còdaxe]Inte'l 1984 Ray Petri el ga doparà na someja de Kamen par ła covertina de ła revista The Face.[1] El scato el mostrava Nick co na bareta da si, un majon naranson a pistanja alta e ociałi da sołe Ray-Ban: i łavri i zera zbiancà co'l zinco e un soraségio el zera onbrizà de zało. Ironegamente sora de eło ałezava ła scritta "Hot" ("Caldo"), nonostante un zełido inverno łondineze. Nick Kamen el ga razonzesto po' ła notorietà inte'l 1985 grasie a un spot tełevizivo de ła Levi's in cui, dopo èsar entrà inte na łisiara, el se cavava i jeans e ła majeta restando trancuiłamente in boxer a łèzar el zornałe in mezo a nantre parsone.[2][3]
Da łì a poco el ze stà notà da ła cantante statunitense Madonna, che ła ghe n'à intuìo łe potensiałità sia canore che de imàzene e, insieme a'l produtor Stephen Bray, inte'l 1986 el ga desidesto de produrghe un brano scrito da eła mèdema, Each Time You Break My Heart. Ła publegasion de'l singoło ła ghe ga dà łogo a un suceso de vendite, pozisionandose a'l cuinto posto inte ła clasifega britànega e tra łe prime dieze pozision inte łe prensipałe clasifeghe de scuazi tuti i paezi europèi. Na varsion remixata da Shep Pettibone ła zera entrà anca inte łe clasifeghe de Stati Unìi e Canada.[4]
Inte'l 1987 A ga visto ła łuze el só primo àlbun, intitołà senplisemente Nick Kamen. El disco el gera caratarizà da cover de grandi artisti de'l soul e de'l rhythm and blues, tra łe cuałe Win Your Love, brano insizo da Sam Cooke inte'l 1958, e Loving You Is Sweeter Than Ever, varsion azornada de na vecia canson dei Four Tops, che ła ze venjùa fora cofà segondo singoło. Kamen el zera stà consacrà cofà icona de ła mùzega pop de chel parìodo. Ła só indubia prestansa fìzega e el só aspeto gradevołe ga contribuìo mìa poco a crear na imàzene che ła parea fata aposta par atirar l'atension dei teenager, in partegołar modo de seso femenin. Par zonta, in arcuante ocazion, Kamen el sfogiava un look ani Sincuanta a ła Elvis Presley, e in pluzore someje promosionałi che łe ghe venjiva scatàe A se sercava de evidensair e acentuar el pì posibiłe ła somejansa fìzega e de atejamento co el "Re de'l Rock and Roll". Dall'LP Nick Kamen A zera stà estrazesti altri do singołi, el łento Come Softly to Me, refasimento de un suceso dei Fleetwoods, un trio vocałe statunitense séłebre verso ła fine dei ani Sincuanta, e Nobody Else.
A manco de un ano da l'àlbun de debuto, inte'l 1988, A ze venjùo fora Us, disco prevałentemente rezistrà inte i Stati Unìi come el presedente, che'l se avałeva de ła produsion de Patrick Leonard, za produtor anca de Madonna, e de Madonna stesa, prezente inte i cori de'l singoło Tell Me, che'l fazeva da apripista. Altri singołi denji de nota i ze Bring Me Your Love, a vertura de l'àlbun, e Steal Love, co Anne Dudley dei Art of Noise tra i muzeghisti.
Us el ga otenjùo un partegołar suceso in tèrmani de vendite in Itałia, indove paraltro i videoclip de Tell Me e Bring Me Your Love i venjea pasà in continuasion so tuti i canałi tełevizivi e radiofòneghi par mezi. Kamen el zera stra rechiesto par intarviste e aparision. Cuesto ga fato sì che a fine 1988 Nick el publegase soło par l'Itałia el disco de remix Loving You, contenjente l'inedito Don't Hold out e varsion rearanzàe de alguni sucesi dei primi do àlbun.
Inte'l 1989 Kamen el ga insidesto ła canson Turn It Up par ła cołona sonora de'l film de ła Walt Disney Tesoro, mi si sono ristretti i ragazzi de Joe Johnston. Inte i ani otanta inte i tabloid A zera stà reportàe łe só rełasion co łe modełe e atore Talisa Soto e Tatjana Patitz.[5]
I ani novanta e el retiro da łe sene
[canbia | canbia el còdaxe]Ga sevità un parìodo de siłensio che'l ga durà fin a'l 1990, ano che Kamen el ze tornà co un ovo look e sonoridà asé pì maùre de łe presedenti, za udibiłi in I Promised Myself, El singoło che'l presedeva l'àlbun Move Until We Fly. L'àlbun el se moveva inte na direion nova e diversa dai precedenti: a trati małincònego (A se ło nota soratuto in brani come Agony and Ecstasy e You Are) e parfin łibaratorio (come in Oh How Happy), co na title track de łevło ełevà. 'Sto łaoro el scumisiava a mostrar n'altro aspeto de l'interprete, pì fondo, introspetivo e łontan da łe contaminasion tìpeghe de'l pop americanezante e spensierà dei ani Otanta. I altri singołi ciapà i zera Oh How Happy (inte na varsion etarozenea), Looking Good Diving e Agony and Ecstasy. El disco el ga otenjùo un bon suceso a łeveło europèo, soratuto in Itałia, in Zarmania, in Zvesia e inte i Paezi Basi. Oncora uncò Move Until We Fly el vien considarà el disco pì conpleto e maùro de ła só discografia. El singoło I Promised Myself el venjarà de fato reintarpretà inte'l tenpo da pluzori artisti famozi e non, e el sarà reproponesto inte łe radio de tuta Europa, devenjendo a tuti i efeti un evergreen.
Daspò un tour curto de conserti da'l vivo in Europa infrà el 1990 e el 1991, el Move Until We Fly Tour, Nick Kamen el ga fazesto el só rientro a Łondra ciapanodse el zusto tenpo par inbastir e rezistrar un novo łaoro, el cuarto de ła só cariera. Infati inte'l 1992 A ze stà el turno de Whatever, Whenever, àlbun da łe sonoridà desizamente pì visine a'l pop britànego, desizamente manco ełetròneghe dei presedenti, presedùo da'l singoło e da'l video You're Not the Only One, seguìo da'l singoło We'll Never Lose What We Have Found. Nonostante ła minusiozia produsion (l'istso Kamen el ga scrivesto, ga aranzà e produzesto gran parte de'l łaoro), el suceso comersałe el se ga revełà modesto e el ga senjà a tuti i efeti ła fine de ła cariera muzegałe di Kamen, che da'l 1993 fin vanti el ga fato pèrdar łe propie trase , ecesion fata par calche fortuito flash da parte dei paparasi.
Dai ani nonanta ai ani domiłevinti
[canbia | canbia el còdaxe]Nonostante un discreto sèvito da parte de na fanbase, e alguni primi siti non ofisiałi che i ło seguiva, el cantante el se ga retirà conpletamente a vita privada, dedigandose soratuto a ła pitura, a exhibit e a produsion audio e video prevałentemente inte'l senario independente. Ła stanpa ła ze tornada a parlar de łu fra el 1998 e el 2001 par ła só rełasion co l'atora prezentadora tełeviziva Amanda De Cadenet,[5] par ła cuałe el se spostava da Łondra a Los Angeles.
Po' el ze tornà aver notorietà verso el pùblego inte'l 2002 cuando che'l ze aparìo - inte ła só ùltema someja ofisiałe da indosador - so ła covertina de ła revista de moda Vogue[6]. Inte'l 2003 ła boyband zvedeze A*Teens ła ga publegà ła só varsion de I Promised Myself, reportando el brano a'l primo posto de łe clasifeghe de'l só Paeze.
Inte l'ano 2015 l'artista el ga afrontà el łuto par ła morte de'l só fradeło minor Barry.
A setenbre 2018, traverso Instagram, na fanpage de'l cantante ła ga declarà che Nick Kamen el zera in cura par un tumor a ła mégoła osea[7]. Nick Kamen el ze morìo par łe conplicasion de'l cancro el 4 majo 2021, a 59 ani.[8]
Discografia
[canbia | canbia el còdaxe]Àlbun
[canbia | canbia el còdaxe]| Ano | Titoło | Pozision clasifega | Sertifegasion | ||||||
|---|---|---|---|---|---|---|---|---|---|
| Renjo Unìo [9] |
Austria [10] |
Zarmania [11] |
Itałia [12] |
Paezi Basi [13] |
Zvesia [14] |
Zvisara [15] | |||
| 1987 | Nick Kamen | 34 | — | 59 | 5 | 38 | 50 | 12 | |
| 1988 | Us | — | — | — | 2 | — | — | — | |
| 1990 | Move Until We Fly | — | 4 | 44 | 9 | — | 15 | 12 |
|
| 1992 | Whatever, Whenever | — | — | — | — | — | — | — | |
Rancure
[canbia | canbia el còdaxe]- 1988 — Loving You (ITA #7)
- 1991 — Each Time You Break My Heart — 16 Classic Tracks
- 2020 — The Complete Collection (box 6 cd)
Singołi
[canbia | canbia el còdaxe]| Ano | Titoło | Pozision clasifega | Àlbun | ||||||||||
|---|---|---|---|---|---|---|---|---|---|---|---|---|---|
| Renjo Unìo [9] |
Austria [10] |
Canada [17] |
Fransa [18] |
Zarmania [19] |
Irlanda [20] |
Itałia [21] |
Paezi Basi [13] |
Nova Zełanda [22] |
Zvesia [14] |
Zvisara [15] | |||
| 1986 | Each Time You Break My Heart | 5 | 25 | 64 | 8 | 8 | 3 | 2 | 5 | 41 | 6 | 2 | Nick Kamen |
| 1987 | Loving You Is Sweeter Than Ever | 16 | — | — | — | 51 | 18 | 1 | 13 | — | — | 15 | |
| Win Your Love | — | — | — | — | — | — | 5 | — | — | — | — | ||
| Come Softly to Me | — | — | — | — | — | — | 17 | — | — | — | — | ||
| Nobody Else | 47 | — | — | — | — | 19 | — | 97 | — | — | — | ||
| 1988 | Tell Me | 40 | — | — | — | — | — | 1 | 74 | — | — | — | Us |
| Bring Me Your Love | — | — | — | 20 | — | — | 16 | — | — | — | — | ||
| 1989 | Don't Hold Out | — | — | — | — | — | — | 32 | — | — | — | — | Loving You |
| 1990 | I Promised Myself | 50 | 1 | — | 11 | 5 | — | 8 | 4 | — | 1 | 3 | Move Until We Fly |
| Oh How Happy | — | — | — | — | — | — | 37 | — | — | — | — | ||
| Looking Good Diving | — | — | — | — | — | — | — | — | — | — | — | ||
| Agony and Ecstasy | — | — | — | — | — | — | — | — | — | — | — | ||
| 1992 | You're Not the Only One | — | — | — | — | — | — | — | — | — | — | — | Whatever, Whenever |
| We'll Never Lose What We Have Found | — | — | — | — | — | — | — | — | — | — | — | ||
| 2004 | I Promised Myself 2004 | — | — | — | — | — | — | — | 42 | — | — | — | |
Notasion
[canbia | canbia el còdaxe]- ↑ Ognyan Yordanov, Ray Petri - Urban Guerrilla, in Wound Magazine, vol. 1, nº 2, Londra, gennaio 2008, pp. 116-117, ISSN 1755-800X.
- ↑ Spot pubblicitario "Launderette" Archivià il 12 de lujo 2018 in Internet Archive.
- ↑ Stephanie Jenkins-Joan Williams, Clothes & Shoes, UK Television Adverts 1955–1985, 2005
- ↑ David Roberts, British Hit Singles & Albums, Guinness World Records Limited, 19th Edition, p.296, London, 2006, ISBN 978-1-904994-10-7
- ↑ 5,0 5,1 Elisa Porcelluzzi, Nick Kamen, le ex fidanzate/ Talisa Soto, Tatjana Patitz e Amanda de Cadenetilsussidiario.net, 5 maggio 2021. entrada il 5 maggio 2021.
- ↑ Nick Kamen gravemente malato, il messaggio su InstagramDiLei, 10 de setenbre 2018. entrada il 5 de majo 2021.
- ↑ Nick Kamen gravemente malato, il messaggio su Instagram dilei.it
- ↑ Ivan Zingariello, Addio a Nick Kamen, cantante e modello, dai Levi’s alla hit con Madonna Every Time You Break My Heart, in www.spettacolo.eu, 5 maggio 2021.
- ↑ 9,0 9,1 Nick Kamen, Official Charts Company
- ↑ 10,0 10,1 Discographie Nick Kamen, www.austriancharts.at
- ↑ Nick kamen, www.charts.de
- ↑ Top Annuali Album, www.hitparadeitalia.it
- ↑ 13,0 13,1 www.dutchcharts.nl, Discografie Nick Kamen
- ↑ 14,0 14,1 Discography Nick Kamen, www.swedishcharts.com
- ↑ 15,0 15,1 Discographie Nick Kamen, www.swisscharts.com
- ↑ Gold & Platin, www.ifpi.atdata archivio: 8 giugno 2009
- ↑ Library and Archives Canada, www.collectionscanada.gc.cacollectionscanada.gc.ca. entrada il 13 marzo 2020 (archivià dal URL orizenałe il 21 agosto 2014).
- ↑ Discographie Nick Kamen, www.lescharts.com
- ↑ Chartverfolgung, Nick Kamen, www.musicline.demusicline.de. entrada il 13 marzo 2020 (archivià dal URL orizenałe il 4 marzo 2016).
- ↑ The Irish Charts – All There Is to Know, www.irishcharts.ie
- ↑ Nick Kamen, www.hitparadeitalia.it
- ↑ Discography Nick Kamen, www.charts.nz
Voze corełàe
[canbia | canbia el còdaxe]Łinganbi foresti
[canbia | canbia el còdaxe]- Sito ufisałenickkamen.com.
- Kamen, NickTreccani.it – Enciclopedie on line, Istituto de ła Ençiclopedia Italiana.
- Nick KamenLast.fm, CBS Interactive.
- (EN) Nick KamenAllMusic, All Media Network.
- (EN) Nick KamenDiscogs, Zink Media.
- (EN) Nick KamenMusicBrainz, MetaBrainz Foundation.
- (EN) Nick KamenSecondHandSongs.
- (EN) Nick Kamengenius.com.
- (EN) Nick KamenInternet Movie Database, IMDb.com.
| Controło de autorità | VIAF (EN) 76503960 · ISNI (EN) 0000 0000 5515 2176 · El vałore UBOV048266 de SBN no el xe mija bon. · Europeana agent/base/67043 · LCCN (EN) n91065659 · GND (DE) 134422112 · BNF (FR) cb13934649q (data) · WorldCat Identities (EN) n91-065659 |
|---|