Rogohein
| Rogohein | ||||||||||||
|---|---|---|---|---|---|---|---|---|---|---|---|---|
 Mecrogohein (Scirpus sylvaticus) Gatčin-lidnas (Leningradan agj, Venälaine Federacii) om heimon tipine erik | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Scírpus L. (1753), nom. cons. | ||||||||||||
|
Rogohein (latin.: Scirpus), mugažo Ozrikhein paginoiš, om äivoččiden i üks'voččiden kazmusiden heim. Mülütadas Saraheinižed-sugukundha. Heim kogoneb läz 50 erikospäi, ned alištudas gibridizacijale.
Ümbrikirjutand
vajehtaHeimon erikod oma levitadud mail'madme päiči Afrikas i Antarktikas, sidä kesken om kuz' erikod Venäman territorijal. Navettäs uitoid, jogiden randoid i suhištoid.
Kazdas sokhiš tahondoiš žomil-rogozikoil. Seikh om but'k vai koumetahkoine, täuz'kaznu oleskeleb 30 santimetraspäi 3,5 metrhasai kortte erikoidme. Änikod oma kaks'suguižed, kazdas tähkikš, ned sätas kändaz-, löuste- vai päkast änikust.
Kävutand
vajehtaPlettäs nenid tegesid rogoheinän lehtesišpäi: sumcäd, puzud, matad, kouruded. Kreptäs plettüd ragoišpäi tegesid. Čaptas rogoheinäd 10..15 santimetras veden pindan päl, heinkus samha vihandad mujud, sügüz'kezal — čomad pakušt mujud. Kuivatas pil'veses kaičemha lehtesen mujud i elastižust.
Voib tehta jauhod kuivatud jurišpäi, om äi trahmalad niiš. Kävutadas poltuseks. Ottas čomamahtoližihe heinkompozicijoihe. Ende ottihe rogoheinäd maižanduses sauvondmaterialaks sidondsubstancijanke (cement, gips). Nügüd'aigan ištutadas heitmähä mahusen erozijad i ezmäižeks kazmuseks elänzoitmaha tahod mecerikoil.
Valitud erikod
vajehta- Scirpus colchicus — Kolhidine rogohein
- Scirpus hainanensis — Hainanine rogohein
- Scirpus lacustris — Järvrogohein
- Scirpus orientalis — Päivnouzmman rogohein
- Scirpus pendulus — Rippui rogohein
- Scirpus radicans — Jurdui rogohein
- Scirpus sylvaticus — Mecrogohein, heimon tipine erik
- Scirpus wichurae — Vihuran rogohein