Virginioanschn opossum
| Virginioanschn opossum | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| Taxonomische indêlienge | |||||||||||||||
| |||||||||||||||
| Sôorte | |||||||||||||||
| Didelphis virginiana Kerr, 1792 |
De Virginioanschn opossum, ook wel bekend lik de Nôord-Amerikoanschn opossum (Didelphis virginiana) is e budelbêeste uut de familie van d' opossums of budelrattn (Didelphidae), de grotste sôorte van de familie. Ze leevn in Nôord- en Middn-Amerika. 't Is den ênigstn opossum die te nôordn van Mexico leeft en 't is de mêest nôordelike budelbêeste ter weireld. Achter de kolonisoasje van d' Europeoann hèn z' hunder leefgebied verre kunn uitbreidn.
De Virginioanschn opossum is e solitaire nachtbêeste die zo grôot komt of e katte, moa ze kunn wel styf in grotte varieern. Hunder pels is dof grysachtig bruun, met uutzoenderienge van hunder oanzichte die wit is. Opossums hèn lange, kletse grypsteirtn, die kunn gebruukt wordn vo takkn te grypn en klêene vôorwerpn te droagn. Ook hunder ôorn zyn kletse en z' hèn e lange, platte neuze. Opossums hèn 50 tandn, mêer of gelyk wa vor andere Nôord-Amerikoansche landzoogbêeste. 't Zyn alleseters.
On z' hunder bedreigd foeln, probeern opossums te vluchtn of toogn z' hunder tandn en zettn z' hunder vacht rechte vo der grotter uut te zien. Ot da nie werkt en on ze benowd zyn, leggn z' hunder nere en doen ze juste lik of dan ze dôod zyn, wat da typisch is vor opossums.
-
Virginioansche opossums voeln hunder thuus in de stad -
Moeder droagt heur joungsjes ip heur rik -
Oppossums doen lik of dan ze dôod zyn on ze benowd zyn
|
Ofbeeldiengn die ier by passn ku je vien in de categorie Didelphis virginiana van Wikimedia Commons. |