Lèyîz nos-åmes bin tchôdes (powezeyes)

Lèyîz nos-åmes bin tchôdes (Leyîz nos åmes bén tchôdes), c' est nouv powezeyes da Nicolas Defrecheux k' ont stî relîtes po fé on ptit live.

Il a parexhou po plou fiesti les deus cints ans d' l' oteur, e djanvî 2025, et po s' sovni des 150 ans di s' moirt, e decimbe 2024.

Eplaidaedje

Il a stî eplaidî e moes d' octôbe 2024 pal Siervice des Lingaedjes do Payis del Federåcion Walonreye-Brussele, k' a stî cweri ces powinmes la dins l' edicion do cintenaire des ouves di Defrecheux eplaideye e 1925 pa Jean Haust et Charles Defrecheux. C' est l' troejhinme pitit live e lingaedje do payis (li deujhinme e walon) k' a rexhou dins l' coleccion « Fureur de Lire » (Araedje di lére). Il a stî saetchî a 5200 egzimplaires.

Ci live la est dné po rén a totes les djins kè l' dimandnut. Insi, il est håyné et cossemé dins totes sôres d' evenmints åtoû do lingaedje walon.

ISBN 978-2-390740-07-0

Contnou

I gn a nouv powinmes dins l' ramexhnêye :

1. Mès deûs Lingadjes
2. On pindèdje di crama
3. Lès Rwènes dè Tchèstê d’ Sêve
4. Fé come li spér
5. Ås p’tits èt ås grands
6. Li neûr pan èt l’ blanke dorêye
7. Çou qu’on pout fé avou d’ l’êwe
8. Dinans-nos l’ min
9. Lèyîz-m’ plorer

Li tecse a stî rmetou dins l' dierinne modêye do sistinme Feller pa les djins del Bibioteke des Pårlers del Walonreye. Li dessén del coviete a stî fwait pa l' årtisse brusselwesse Alice VDM.

Li tite a stî saetchî foû do deujhinme powinme, On pindèdje di crama :

Si vos v’ mêlez di pôves diâles come nos-ôtes,
Hoûtez, mon Diu, li priyîre qui dj’ va fé :
« Po nos-inmer, lèyîz nos-åmes bin tchôdes,
Avoyîz-nos djôye, ovrèdje èt santé.

Live odio

Les powinmes do live ont stî léjhous pa Baptiste Frankinet ey eredjistrés. On les pout schoûter sol waibe Objectif plumes dal Federåcion Walonreye-Brussele u sol waibe Soundcloud.

Hårdêye difoûtrinne

• Aberweter l' pitit live
• Schoûter l' eredjistrumint