Kitaa an tinikangan para han AVE

[[Image:HighSpeedSpain.svg|right|thumb|300px|AVE Pebrero 2008.]]
An '''AVE''', (usa nga acronym han '''Alta Velocidad Española''' nga kon igliteral, "Hataas nga Kalaksi Espanyol" nga napaaliday han pulong ha Kinatsila nga ''ave'' nga nangangahulogan nga "tamsi") amo in usa nga hataas in kalaksi nga tren nga nakaabot hin mga kalaksi nga tubtob 300 ka kilometros ha tagsa oras hin ''dedicated'' nga track.  

Diri ini sugad han iba nga network han mga riles ug tren ha Espanya nga nagamit hin ''broad-gauge'', kay an AVE nagamit hin Europeo nga ''standard gauge'', nga natugot hin direkta nga pagsumpay ha gawas han Espanya ha pagtika-iha.  Ngatanan nga mga tren nga AVE  ginpapamalakad ha yana han [[RENFE]], an Espanyol nga companyiya estado hin riles, pero posible nga iton mga pribado nga mga kompanyiya tugotan pagdumara hin mga linea ha mga sumurunod nga panahon.

==Kasaysayan==
An AVE nagtikang hin serbisyo nga nasumpay han [[Madrid]] ngan [[Sevilla]] dida han [[Abril 21]] [[1992]], nga may distancia hin 471 ka km, nga an oras hin biyahe 2.5 ka oras.

Mayda mga nagsiring nga an gobyerno [[PSOE]] nagpili han Frances nga Alstom nga bid imbes nga an Siemens ug Talgo nga mga bid tungod hin mga  rason nga politikal imbes nga teknikal, pagpahalipay han gobyerno Frances tungod han pagbulig hini hin pagdakop hin mga [[ETA]] nga mga aktibista nga nananago ha tabok han tubtoban o frontera ha Salatan nga Francia. Tungod kay didto ginhimo ha [[Sevilla]] an 1992 ''World's Fair'' amo nga ini an ginpili nga syahan nga linea han AVE, pero mayda mga akusasyon nga an namumuno han gobyerno Espanyol nga hi [[Felipe González]] nga taga-Sevilla nagpabor han iya kalugaringon syudad.

Gingarantiya han AVE hin serbisyo nga maabot han ginkakadto-an ha sulod hin mga 5 minutos han ginpasabot nga oras, ngan nahatag hin bug-os nga pag-uli han bayad kon magsobra an kaatrasar han tren, pero mga 0.16% la  han mga tren an nahaurhe. Dinhe nga bahin, an pagsakto hin oras han AVE maupay kon ginkompara han iba nga mga serbisyo han RENFE, ngan ginkompara ngani han Franses nga sistema TGV.

Iton kalaksi han mga tren han AVE, upod han mga kamamahal nga mga presyo hin ''real property'' ha Madrid amo an rason kon kay-ano an mga nananakay ha Madrid nga napili pag-ukoy ha [[Ciudad Real]], an syahan nga estasyon tikang ha Madrid dida han Linea Madrid-Sevilla.

==Mga Linea==

Ha yana, upat nga linea (o linya) iton sistema han AVE:

*AVE Larga Distancia (''halaba nga kaharayo'') Madrid-Sevilla (Madrid, [[Ciudad Real]], [[Puertollano]], [[Córdoba, Spain|Córdoba]], Sevilla)
*AVE Larga Distancia Madrid-Zaragoza-Lleida (Madrid, [[Guadalajara, Spain|Guadalajara]], [[Calatayud]], [[Zaragoza|Zaragoza]], Lleida)
*AVE Lanzadera (''shuttle'') Madrid-Puertollano (Madrid, Ciudad Real, Puertollano)
*Talgo 200 Madrid-Málaga (Madrid, Ciudad Real, Puertollano, Córdoba, [[Málaga]])

It sentro nga hub han sistema amo an Puerta de Atocha nga estasyon ha Madrid.

==Kitaa Gihapon==

*[[TGV]]
*[[Thalys]]

==Mga Sumpay ha Gawas==

* [http://www.altavelocidad.org/index_en.htm Hagtaas in Kalaksi nga mga tren ha Espanya] {{Webarchive|url=https://web.archive.org/web/20051107225816/http://www.altavelocidad.org/index_en.htm |date=2005-11-07 }}
* [http://www.railfaneurope.net/ave/en-ave.htm AVE nga mga fan nga pakli (kataposan gin-update: 1999)]
* [http://www.renfe.es/ave/index.html AVE R.E.N.F.E.] (ha Espanyol)
{{Commonscat|High speed trains of Spain}}

[[Kaarangay:Tren]]
[[Kaarangay:Panakayan]]
[[Kaarangay:Espanya]]