张之洞
张之洞（1837年9月2号－1909年10月4号），字孝达，一字香涛，号香岩，又号壶公、无竞居士，晚年自号抱冰。直隶南皮（今河北南皮）人。清道光十七年八月初三来勒贵州出生，之后一直来勒贵州生活，所以讲一口西南官话。咸丰二年（1852年）十六岁，考科举，中顺天府解元，同治二年（1863年）廿七岁中进士第三名探花，授翰林院编修，之后担当过任教习、侍读、侍讲、内阁学士、山西巡抚、两广总督、湖广总督、两江总督（侪是署理，呒实授）、军机大臣等职，官当到体仁阁大学士。
事迹
编辑张之洞来勒年轻辰光，是一个清流派个中心任务，后头思维发生变化，变成功洋务派个中坚人物，鼓吹“中学为体，西学为用”。伊比较关注教育搭治安问题，开创满洲帝国近代个警察制度，也对清末教育搭社会发展有邪气大个影响。来勒武汉个辰光，还创办汉阳铁厂、大冶铁矿、湖北枪炮厂等近代工厂。庚子拳乱辰光，伊搭两江总督刘坤一一道，帮驻上海各国领事议订“东南互保”，让帝国东南方面逃过一劫。