Mga Etika Ng Ministeryo

Kabanata 1

Bakit ang Etika?

…ay upang maalaman mo kung paano ang dapat sa mga tao na UGALIIN NILA sa bahay ng Dios…

1 Timoteo 3:15

Ang mga ministro ay sumasailalim ng maraming pasanin. Ang pasaning pinansiyal, pasanin sa pamilya at ang pasanin ng inaasahan ng mga tao at ito ay ilan lamang sa mga kailangan ng ministeryo. Ang mga pasanin sa mga gawain ng Panginoon ay kadalasang nagiging sanhi ng di tamang kilos ng mga pastor.

Sa ministeryo, ang hindi tamang kilos ay lilikha ng maling paglalarawan kung ano ang ating pinaninindigan sa ministeryo. Walang oras sa kasaysayan ng Kristiyanismo na ang pag-uugali at pamamaraan ng buhay ng ministro ay sumasailalim ng lubos na pagsusuri. Tayo na tinawag sa ministeryong ito ay dapat ipaglaban upang mapanatili ang tiyak na pamantayan. Pinanonood tayo ng mundo, umaasang makakakita ng kamalian upang tayo ay usigin nila. Kaya nga nasabi ni Pablo na ang mga ministro ay dapat magkaroon ng mabuting patotoo kahit sa mga hindi naniniwala.

Bukod dito’y dapat din namang siya’y magkaroon ng mabuting patotoo ng nangasa labas, baka mahulog sa kapintasan at silo ng diablo.

1 Timoteo 3:7

Kung tinawag ng Diyos ang tao, tinawag Niya itong una upang sumunod sa Kanya, at matapos ay matuto sa Kanya. Hindi tayo dapat huminto sa pag-aaral. Ang ministeryo ay isang mahabang daan ng patuloy na edukasyon. Isa sa mga bagay na itinuro ni Pablo sa atin ay ang matutuhan ang kanyang pamamaraan ng buhay. Sa ibang salita, dapat nating sundin ang tuntunin ng moralidad na nag-impluwensya sa kanyang kilos bilang ministro.

Nguni’t sinunod mo ang aking aral, UGALI, akala….

2 Timoteo 3:10

Ano ngayon ang ministerial na etika? Ito ang mga pamantayan, prinsipyo, at malawak na patnubay na dapat nating sundin sa ministeryo. Ang prinsipyo ng etiko ay matuwid, matibay, makatarungan, walang kapintasan at puno ng katapatan.

Sa kabilang dako, ang asal na walang etika ay masagwa, may kinikilingan, hindi tama, walang dangal, kahina-hinala, walang prinsipyo at maaaring hindi tuwid.

Kung Hindi Ano ang Etika

Ang etika ay isang patnubay at hindi lubusang batas. Hindi ito ang batas ng Diyos. Ang etika ay hindi ebanghelyo at makikita mong ang ilan dito ay hindi maaring isagawa sa ibat-ibang panahon ng ministeryo. Subali’t, ito ay kadalasang isang tulong sa patnubay sa pagsasagawa ng ministeryo. Ang hindi nabubuhay sang ayon sa ilan sa mga etikang ito ay hindi naman kasalanan. Ito ay mga kaisipang tinutulungan tayo na magampanan ang ating mga ministeryo. Ipinakikita ko ang mga patnubay ng Biblia upang tulungan ang mga ministro na mabuhay at manglingkod ng may katalinuhan.

Ang aking dalangin ay matagpuan ninyo sa loob ng mga pahinang ito, ang ilang mga bagay na makatutulong sa pagtuturo ng kabanalan, naikaw-ang tao ng Diyos- ay maging sakdal, tinuruang lubos sa lahat ng mga gawang mabuti. (2 Timoteo3:17)

Kabanata 2

Mga Etika Para sa Pinuno

May isang kasamaan, na nakita ko sa ilalim ng araw na tila kamalian na nanggagaling sa pinuno:

Eclesiastes 10:5

Sa anumang simbahan, isang tao lamang ang pinuno o nakatatandang ministro. Ang mga mabubuting bagay ay maaring manggaling sa pinuno, ngunit ang kamalian ay maari din maggaling sa antas na ito.

Ang pinuno ang may pananaw sa kinabukasan ng simbahan. Upang ito ay maging higit na mabunga, dapat tanggapin ng pinuno na hindi niya kayang gumawa ng mag-isa. Kailangan niyang gumawa kasama ang pangkat ng mga tao. Ang pananatili ng pangkat na ito ang nagiging dahilan na siya ay maging pinuno.

Ang kasanayan sa pagiging pinuno ay isang kasanayan ng pangunguna ng pangkat. Upang makabuo ng isang mainam na pangkat at patakbuhin itong mabuti, ang pinuno ay dapat bumuo ng malapit na relasyong panggawain sa mga kasamahan at mga nakababatang ministro. Ibahagi ang pasanin ng ministeryo sa bawa’t isa at ikaw ay magiging higit na mahusay at masaganang tao.

Ang pagiging matagumpay na Pinuno ay nangangailangan ng pagtitiwala sa mga tao na sapat na upang ibahagi ang iyong dakilang responsibilidad. May mga namumuno ng mga simbahan na walang etika sa kanilang kakayahan bilang lider ng pangkat. Ang kanilang kawalan ng etika ay nagiging sanhi ng paghihiwalay ng mga pangkat at mga simbahan.

Ang pangkat na naghihiwalay sa ilang taon ay hindi magiging malaki. Ang pagbuwag ng pangkat ng mga pastor ay isa sa mga suliraning ng mga