Synfocity = 356

mail us at : synfo@bsnl.in; synfo@yahoo.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

1st September, 2011

PBS Graduation Service August 25 khan Presbyterian Bible School (PBS) chuan Pi Zaii Hall, Synod Conference Centre-ah Session 22-na Graduation Service an hmang. Graduation Service inkhawm hi Rev. Vanlalzuata, Senior Executive Secretary-in kaihruaiin hunserh a hmang a, Rev. H. Remthangan Presbyterian Bible School-a thawktute, Board member leh zirlaite inhmelhriattirna hun a hmang a, PBS Principal Rev. V. Lawmkiman report a pe bawk. PBS Board member Upa J.H. Ramnghinglovan zirlai pass chhuakte hnenah certificates a hlan a, Rev. Lalrinmawian exam-a ti thate leh class kal kimte hnenah lawmman a hlan a ni. Margaret Malsawmzualin zaiin kalkhawmte a awi a, Rev. Dr. Vanlalnghaka Ralte, PBS Board member-in zir chhuakte tawngtaisakna hun a hmang a, Board member Upa C. Ngurthanmawian fuihna thu a sawi. Rev. H. Biakthansangan lawmthu sawina hun a hmang a, Inkhawm hruaitu Rev. Lalrinmawian malsawmna sawiin Graduation Service inkhawm hi a khar a ni. Presbyterian Bible School hi kum 2004 May thla atangin tan a ni a, a din tan tirh atangin zirlai 706-in an zirchhuak tawh a. Session 22-naah hian zirlai 63 an awm a, chung zinga 48 chuan zir tluan chhuakin an pass a; First Divisionah 9, 2nd. Division-ah 20, 3rd. Division-ah 2, Simple Pass 17 an awm a, Exam lo 9 leh Failed 6 an awm bawk. A titha zual pathumte chu:1st. Position: Lalengmawii Ralte d/o Laldinpuii, Mission Veng Kohhran 2nd.Position: F. Lalrinawma s/o F. Lallianthanga, Khatla East Kohhran 3rd. Position: Lalduhsanga Chhangte s/o C. Siamtluanga, Aizawl Kohhran Presbyterian Bible School atanga zirchhuakte hi rawngbawlna tangkaiah an inhmang zui hlawm a, Missionary leh Social Worker-a tang zui tam tak an awm a, B.Th. leh BD zir zawm thahnem tak an awm tawh a, Synod Revival Speaker zinga tam takin heta tang hian Pathian thu an zir chhuak tawh bawk a ni. Synod Finance Committee vawi 97-na Mizoram Presbyterian Church Synod Finance Committee vawi 97-na chu vawiin khan Synod Committee Room No. 2, Synod Office-ah an thukhawm a,Senior Executive Secretary Rev. Vanlalzuatan Committee a kaihruai a ni. For details, visit www.mizoramsynod.org Kohhran Hmeichhia September 2 & 3 hian Central Kohhran Hmeichhe Committee & World Communion of Reformed Churches (WCRC) te tangkawp buatsaih Festival of Peace, J.M. Lloyds Hall, Synod Office-ah neih a ni dawn a, heta tel tur hian Khawpui chhung Kohhran Hmeichhe Committee leh khawpui pawna kut hnathawktu thenkhatte sawm an ni. Festival of Peace hian a tum ber chu nitin eizawnna (kut hnathawh) lama harsatna leh hmasawnna kawng zawn te, Mizorama kan nunhona kawng lama harsatna kan tawhte thlirhona leh hmachhawp te a ni. Programme phek lehlamah dah a ni. M.Th. Final Year 2010 - 2011 Result Aizawl Theological College hnuaia kum 2010 - 2011 chhunga M.Th. leh B.D. Final Year Result tihchhuah a ni a, result hetiang a ni : M.TH. FINAL YEAR 2010 - 2011 RESULT S/n Name Branch Grade 1. Zoremliana Pachuau New Testament B+ 2. Tunchapbo New Testament B+ 3. Lalrintluanga Theology B 4. Zonunmawia Theology B+ 5. Ellen Hlychho Theology B+ 6. Kamkhotinthang Neihsial Theology B 7. Lalbiakchhunga Pachuau History of Christianity B+ 8. R. Lalrinpuii History of Christianity B+ 9. M. Yoareila History of Christianity B+ 10. Laltlanthanga Zote Missiology B+ 11. Soitinkai Vaiphei Missiology B 12. M. Letkhogin Haokip Missiology B 13. Vijayan K. Missiology B B.D. FINAL YEAR 2010 - 2011 RESULT S/n Name Grade 1. Maka B2. Lalsawmkima B3. Johny Ramthansanga B S/n Name 4. Lalruatfela Rokhum 5. R. Lalremsiama 6. Malsawmtluanga Grade B B B

www.mizoramsynod.org

Beihrual Presbyterian Kohhran chuan vawiin (Sept. 1) atang hian Beihrual thla an hmang tan ang. September 1 - 9 chhung hian Ramthar Hapta hman a ni ang a, September 21 30 hian Kristian Chhungkaw Hapta hman a ni bawk ang, September 30-ah Beihrual Khaikhawmna leh Kharna neih a ni ang. Beihrual hi kum 1918 June thla atanga hman tan a ni a, kum 1925 atangin September thlaah neih thin a ni ta a, kum 1947 atangin Nilai Zan Thupui Bu leh Beihrual Thupui hi bu khata siam tan a ni. Synod Mission Board Secretary Rev. Lalchhuanmawia report ziah Synod Mission Board chanchin leh rawngbawlna tlangpui tih chu www.mizoramsynod.org/download section-ah dah a ni a, hetah hian Synod Mission Board Statistics thar ber (latest) dah tel a ni. Family Guidance & Counselling Centre Vawiin (Sept. 1) tlai dar 6:00 hian Synod Conference Centre, Mission Vengah Family Guidance & Counselling Centre (FG&CC)-in Kohhran Upa te puala Intensive Residential Pastoral Care & Counselling Training Vawi 15-na hawnna inkhawm neih a ni dawn a, Synod Secretary Rev. P.C. Pachhungan Training hawnna neiin thuchah a sawi nghal ang. Tun tum training-a tel tur hian Aizawl khawpui chhung Bial 7 atanga Kohhran 26 te sawm an ni a, Resource Person atan Rev. Zothansanga, Rev. H. Lalchhanhima, Rev. J. Vanlalhnuna, Rev. Lalrinmawia leh Dr. Ruth Lalmuanpuii te an hmang ang. Contd,..

Synod Information & Publicity Department, Synod Office (Third Floor), Mission Veng, Aizawl

Synod hian 1991 atang khan Pastor-te pualin Counselling Training hi a buatsaih thin a, kum 2002 atang khan Lay Leader-te pualin Counselling Training hi buatsiah thin a ni bawk. Lay Leader-te puala Counselling Training tum 14 a buatsaih tawhah Upa 263 hnenah Training Certificate pek an ni tawh a ni. Family Guidance & Counselling Centreah hian chhungkaw thu leh mimal harsatna Counselling neihpui thin a ni a, Main Centre, Mission Vengah hian a din tirh kum 1997 atanga tun thlengin pantu (client) mi 5710 an awm tawh a, kumin 2011 bikah chuan mi 535 hnenah counselling pek tawh an ni. FG&CC Branch, Chanmari-ah a din tirh May 1, 2007 atangin pantu (client) mi 507 an awm tawh a, kumin 2011 biakah chuan mi 203 in an pan tawh bawk a ni. 1 Workshop on the Importance of the Media Ministry September 15 & 16 hian Presbyterian Church of India (PCI) buatsaih Workshop on the Importance of the Media Ministry neih a ni dawn a, Mizoram Synod-in lo thlengin Mission Veng Kohhranah nghah a ni ang. He workshop-a tel tur hian Synod hrang hrang atangin Palai ruat an ni a, an vaiin mi 72 tel tura beisei an ni. Palaite hi Synod Conference Centre, Mission Vengah thlen tir an ni ang. Mizoram Synod aiawha palai turte chu 1. Rev. Lalrinawma 5. Rev. H. Lalchhanhima 2. Rev. B. Sangthanga 6. Rev. Ralthansanga Ralte 3. Rev. Vanlalzuata 7. Upa Dr. C. Nunthara 4. Rev. Dr. Lalhmangaiha 8. Upa Prof. Lianzela Kristian Thalai Pawl w Central KTP chuan March 1 - 4, 2012-a KTP General Conference vawi 54-na, Thenzawl Playground-a neih tur thlengtu puih nan ` 4,00,000/- (Cheng Nuai li) a ruahman a. Sum ruahman chanve ` 2,00,000/- (Cheng Nuai hnih) chu March 6, 2011 khan Central KTP Hruaitute Thenzawlah kalin hlan a lo ni tawh a. August 28, 2011 khan pek hmabak ` 2,00,000/- (Cheng Nuai hnih) chu Thenzawl Field Veng Pastor Quarters-ah Conference Organising Committee kutah hlan leh an ni. Thenzawl Field Veng Bial KTP Meet hmanpui tura kal CKTP hruaitu T/Upa Dr. C. Zarzoliana, Asst. Secretary leh Tv. V.L. Muanchhana, Committee Member ten Conference thlengtu puihna hi an hlan a ni. KTP General Conference thlengtu puihna hi Central KTP Budget a dah lawk thin a ni a; hei bakah hian Branch leh Bial KTP bengvar leh remchang-ten Conference thlengtute hnenah direct-in an pe thin bawk. w September 1 & 2 hian Sihfa Bial huapin Sihfa Kohhranah Leadership Training neih mek a ni a, training neihpui tur hian Pu Lalmuanpuia, KTP Asst. Coordinator leh Pu Lalrohlua, CKTP Committee Member-te an kal. Susamachar Prasaran Programme September 3 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih chhuah a ni ang : Group/Choir/Solo : Vaivakawn Kohhran - Milke Chale; Group/Choir/Solo : The Leprosy Mission Choir - Ham Soup Te He; Sermon : Rev Laltharzuala - Sansar se Prem na karo; Group/Choir/Solo : Champhai Bethel Pastor Bial - Jab Jab Dekho; Group/Choir/Solo : Sihphir Bial - Yeshu Mashi; Solo : Kshama Gude - Mera Jivan Moderator programme September 3 - 15 chhung hian Synod Moderator Rev. C. Lalsangliana leh Synod Secretary Rev. P.C. Pachhunga ten Mission Field tlawhin hun an hmang dawn a, September 3 (Inrinni) hian Aizawl an chhuahsan ang a, September 5 (Thawhtanni) hian Kathmandu an pan ang a, September 6 & 7 hian Kathmandu-ah an cham ang a, September 9 11 chhung Siliguri Mission Field tlawhin hun an hmang ang. September 12 (Thawhtanni) ah Siliguri atangin Guwahati an pan ang a, September 14 (Nilaini) ah Barak Area Committee, Silchar-ah an tel leh ang a, September 15 (Ningani) hian Aizawlah an lo let leh ang.

FESTIVAL OF PEACE
Time Venue
PROGRAMME 2.9.2011 (Zirtawpni) 9:30 - 10:00 am. : 10:00- 10:40 am Chairman : Devotion : Welcome Speech : Introduction : 10:50 - 11:00 am : 11:00 - 11:10 am Short Speech :

: :

September 2-3, 2011 (Zirtawpni & Inrinni) J.M. Lloyd Hall, Synod Office
2) Human trafficking - Mr. Jimmy and Mr. Joseph 3) Domestic violence - Ms. Mimi 4) Sexual Abuse - Ms. V. Vanlalruati 5) Child right - Ms. Lalparmawii 6) Marriage system - Property and Inheritance issues 7) Sex, Sexuality and homosexuality Moderator 3:00 - 3:30 pm 3:30 A hmun 6:00 pm : Ms. Angela Ch. Ralte : TEA BREAK : Women in Black(Silence Protest on all forms of violence in Mizoram) : Sikulpuikawn. : Exposures to Vegetable Markets

Registration Pi Laltlanmawii, Chairman Dr. Lalrinawmi Ralte, Professor, UTC Rev. Lalzuithanga, Exe. Secy i/c Women Pi H. Lalpianthangi, Gen. Secy. TEA BREAK

Dr. Lalchhanhima Ralte, Grace Home, Durtlang 11:10 - 12:10 Pm : PUBLIC HEARING 1 :Production of Life and Livelihood 1) Weavers ( 2 participants from Thenzawl village) 2) Farmers (2 participants from Hortoki village) 3) Vegetable Vendors ( Dr. Lalrindiki Ralte kutah) 4) Quarry workers ( 2 participants from Hlimen village) 5) Bonded labours ( 2 participants from Zanlawn village) 6) Displacement ( 2 participants from Builum village) Moderator : Dr. Lalrindiki Ralte 12:10-1:00 Pm : PUBLIC HEARING 2 : Solidarity of Refugees. 1) Negotiations of Peace 2) Survival strategies 3) Forced immigration 4) Ethnic violence 5) Racism/Casteism/classism/sexism 6) Discrimination of all forms Moderator : Dr. T. Vanlaltlani, ATC. 1:00 - 1:30 pm. : LUNCH BREAK 1:30 - 3:00 pm PUBLIC HEARING 3: Survival of Minorities 1) Human rights violation in Mizoram - Ms. Lalremruati

3.9.2011 (Inrinni) 10:00- 10:30 am Chairman : Pi Khawlvuani, Vice Chairman Devotion : Dr. Lalnghakthuami 10:30 - 11:00 am : Recap - Dr. Hrangthanchhungi 11:00 -11:30 am : TEA BREAK 11:30 -1:00 pm.: Analysis 1) Socio-political aspect - Dr. Lalhnehzovi 2) Economic Assessment - Dr. Hmingthanzuali Chhakchhuak 3) Market system: price, space, permit4) Health Concerns 5) Food Production, Preservation and Livelihood Issues6) Legal Perspectives on Violence Against Women 7) Poverty - Lalhriatpuii Moderator : Dr. Lalrinawmi Ralte Recording Secretary : Dr. Hmingthanzuali Chhakchhuak 1:00 - 1:30 pm : LUNCH BREAK 1:30 : Action Plan Moderator : Pi Lalrinkimi, Co-Ordinator Recording Secretary : Dr. Hrangthanchhungi

Contd,..

Synod Information & Publicity, Synod Office (Synod Conference Centre), T Floor, Mission Veng, Aizawl. op

THUHMA : Kum 1894-ah Chanchintha kan dawng a, kum 1906-ah Harhna tum khatna a lo chhuak a, a tum hnihna mail kum : synfo@bsnl.in; synfo@yahoo.com Phone - 2314648 pawh us at 1913 ah a lo chhuak leh a, ringtu-an pung hle. Mahse hun engemaw chen hnuah harhna chu a lo reh a, Kohhran a lo nguiin a lo chaklo leh ta, rinna kawnga an la ngheh tawk loh avangin han ban leh puk puk te a awm a, khawvel miten nuihzatin Pathian thu awih leh aichhia chuan thal an hua a nia an ti thin. Mahse, mi engemawzat rinnaa mi nghet leh rinawm an awm a, phurna hloh mahse thahnemngaihna hloh lovin an thawk zel a. He Harhna hnua Kohhran han ngui leh chuan mi tam tak hnungtawlhna leh zuaina a siam mai bakah, thawhlawm pawhin a tuar nghal a, 1917-a Tirhkoh tirh chhuah 7 chu thawhlawmin a daih loh avangin an hlawh bi cheng 10 chu cheng 8/- a tihhniam a ni a. Tichuan ringtute intihchak tawnna leh ringlote beihna chu hnapuia neih an duh ta a ni. ( Mizo Kohhran Chanchin Rev. Saiaithanga phek 54-56, 58) BEIHRUAL NEIH A NI TA : Hetih lai hian Mizoram Hmar chan pum pui hi Khasi Synod hnuaiah Presbytery pakhat kan ni a, kum khatah vawi hnih ( March & Oct ) Inkhawmpui an nei thin a, March 15 - 18, 1918 Presbytery Inkhawmpui Aijala neih chuan hetiangin a rel a Kristian Beihrual-na hi June, 1918 a hian lo awm tan turin kan ruat a. Thla chawhma lam chu mahni Kohhran ho tan a, intih chakna tur leh intih thianghlimna leh intih ngah lawkna atan kan hmang theuh ang a, tin, thla chawhnu lam chu ringlote tana hman tur a ni ang, mi hruai hram turin. Tin, Kohhran tin in an thawh-zia dan theuh tur an ngaihtuah ang. (Presby. 1918 No.10, Kristian Tlangau May 1918 phek 94 )

Synfocity =
BEIHRUAL HMAN TAN DAN
- By Laldawnkimi, Archivist, Synod Office

Synod Information & Publicity Department, Synod Office (Third Floor), Mission Veng, Aizawl

Rev. Sandia pawhin hetiang hian hriattirna a chhuah aHmar-Chan Presbytery thil-tih chhiar ilang-in, thil pawimawh em em an ruat a ni. Tun June thla chhung hian Hmarchan khaw-tin-ah Pathian Ram tizau turin leh Isua mi zawng zawng tithianghlim turin kan beirual ang. Hetiang-in tunlai-in India ram pumpui-ah an ti mek a ni. Malsawmna tam tak an hmu tawh a ni. Tin, unaute u, heng thil hi hriatreng a tul a ni. Kan beihrualna hi ti tha tur leh Pathian hming ti-ropui turin, heng thil hi i ti ang u :a) Nashatak-in tawngtai-in Pathian malsawmna kan dil tur a ni, June thla hma pawhin rei fe an. b) Kan ngaihtuah fo tur a ni. c) Kan in-en tur a ni. Kan rilru kan buatshaih tur ani. Sualna zep ilangin malsawmna a dal ang. Isua hnena fel takin kan inpe tur a ni. d) Engtinnge beihrualna hi kan tanpui theih ang, kan ngaihtuah tur ani. Tin, a tumna ber kan hre reng tur a ni. Hapta hnih hmasa chhungin, kohhranho mi ti-harh leh ti-thianghlim turin kan beihram ang. Tin, chu mi hnuah chuan awihlote hnena kal-in kan bei-rual ang. Heng thil pahnih hi kan Pathian duh zawng ani tih kan hria. Taimatakin i ti ang u. Tin, kan Kohhranho tin in malsawmna ropuitak an hmu ang tih kan beisei. Beihrual thatna tur chu tawngtaiin i dil fo ang u. (Kristian Tlangau May 1918 phek 99) Hemi tuma an hman dan Lalhnawka khua Lungsum leh Lalzika khua te chuan an report bawk a, a ngaihnawm hle ( Kristian Tlangau Sept 1918 phek 172, 180) Aizawl hmuna an hman dan report Sandia Sap leh Liangkhaia te ziak hetiang ani: ..... June nikhat zan atang khan inkhawm kan lo tan ta a, Pathian in mal min shawm shak a, keini Kohhran a mawi lovin kan inkhawm chu kan lo hlim ta hle mai a, zan khat zan a pang chuan inkhawm kham lovin kan lo tin ta hial mai a; chumi Kohhran chhunga inkhawm chhung chuan, mi in ah emaw, Biakin ah emaw inkhawm mah ila, kan hlim hle fo thin a, uar hauh lova shawi pawhin hlim reng rengin kan tum tla, tih theih a ni e. Tin, thla chanve a lo ral dawn Pathianni vawi thum zan ah chuan Inpumpekna inkhawm kan nei a Chu mi inpumpekna ah chuan Inpumpekna lehkha an ti a, Pathian hnena kan thu tiam zawng zawng kan lo thlah thlam tawh shi kha chawk harh leh turin In tiam na lekha te tak te mi zawng zawng hnena an shem a. Tin, mi pakhatin Pathian hnena inpek tharna lam thu a shawi a; han ngaih thlak meuh chuan kan Pathian thu awina hi a lo pan deuh tak a lawm maw ! tiin kan in shit theuh mai a Tun hma lam ai kha chuan ka va bei nasha deuh tawh dawn em kan ti rilru theuh a ni. Tin, thu shawi zawh a chuan In-pum-pek thawh-lawm an ti a,thawh-lawm kan upa ten an khawn bawk a, chu tah pawh chuan ni dang ai chuan kan thawh tam zawk theuh a ni awm a, chu mi tum maiah chuan cheng 14/- lai kan ngah a. Tin, chu tah chin a chuan Pathian thu awi lo ho kan bei tan ta a. Mi lian deuh in mi lian deuh an bei a, mi te deuh in mi te deuh kan bei a, nula in nula, tlangval in tlangval, pitar in pitar, putar in putar, naupang in naupang, mahni tum tawk theuh kan bei a. Pathian in chakna min pek avangin tumahin hlau lo leh zak lo leh ning lovin kan bei theuh va: ruah sur chung te pawh hian kan bei zel a kan lawm em em vek a ni........... Khaw hrang hrang atanga Beihrual vanga hming pe thar mi 344 an ni. ( Kristian Tlangau Oct. 1918 phek 194-195) Hetianga June 1918 ah hlawhtling taka an hman avangin October, 1918-a Champhai Hmunhmeltha khuaa Presbytery chuan Beihrualna hi awm leh sela kan ti tlang a, kum 1919 September a ni ang, a tih dan tur chu hmana mi ang bawk khan a ni ang. tiin a rel leh ta a ni ( Presby. Oct. 1918 No.11 ) Ringtuten thahnemngai taka an tawngtaina leh an beihna chu Pathianin mal a sawm a, kum 1919 ah chuan Harhna tum thumna a lo thleng leh ta nghe nghe a nih kha. HMAN HUN : Kum 1918 ah June , 1919 leh 1920 ah September, 1921 ah January ,1922 - 1924 ah April thlaah te hman thina ni a, mumal taka September thla kan hman hi 1925 atangin a nih hmel e. (Presby. Oct. 1920 No.25, Oct. 1921 No.33, Assembly 1925 Jan No. 18) THU ZIR : Standing Com. rel angin kum 1937 atangin ram pum huap thu zir bik siam tan niin a lang, Kan Kohhran kum tin Beihrual hi fel zawka kan tih theih nan Beihrual programme ram pum tan siam ila, kan subject chu Insumna thu lam nise (SC dt.28.6.1937 No.7). Mizoram buai avangin ram pum huap zir tur siam loh tum a awm a, hengah hian mahni Kohhran remchan anga buatsaih leh hman a ni. Hapta hmasa ber Ramthar hapta hi 1981 atanga hman tan a ni a, Hapta lina Kristian Chhungkaw hapta hi 1983 atanga hman tan a ni. Contd,..,

Synod Information & Publicity Department, Synod Office (Third Floor), Mission Veng, Aizawl

BEIHRUAL THLA HMAN DAN TIHDANGLAM RAWTNA : Aizawl West Presbytery-in Beihrual thla hman dan tihdanglam a rawtna chu 2001 Synod chuan tha tiin SEC bawhzui turin a dah a ( 2001 Synod Gen.5) Questionaire-te siama ngaihdan hrang hrangte lakkhawm anih hnuah tihdanglam dan tur hetiang hian rel a ni : 1) Beihrual hi September thlaah hmang zel ila. 2) Tualchhung Kohhranin remchang leh tha atih angin Biak in leh in lamah hman pawlh thin a ni ang. 3) Thupui hi rampum huapin Synod-in ala siam zel ang a, amaherawhchu a thupui leh Bible chang tarlan bakah a kaihhruaina thuziak hi chu tuna kan hman lai aia tawi fel zawka siam tur a ni ang. 4) Mahni Kohhran tan tangkai leh sawt zawka hmang duhte tan zau zawka zalenna pek a ni ang. 5) Kan Kohhran hmalakna pawimawh - Kristian Chhungkua, Ramthar leh vantlang nun siamthatna (Social concern) lam thilte hi hlamchhiah loh tur a ni ang. ( SEC 185: 7; SEC 186:7; SEC 187:29)

KOHHRAN TE HNENA NGENNA

Billy Graham Evangelistic Association chuan William Graham-a Speaker-a hmangin nakkum 2012, February 1719 hian, Celebration of Peace with Will Graham Mizoramah rawn neih an duh a. Kan Synod an rawn dawr a. Mizoram Synod hian hetiang programme hi Mizoram tan \ul leh pawimawh tiin Billy Graham-a ngei pawh hi a lo sawm tawh a. Tun \uma hetianga anmahniin an rawn dawr hi SEC chuan lawmawm a ti a, lawm taka dawngsawngin, he Crusade lo buatsaih tur hian OM a ruat a. OM chuan Organising Committee a din a, Organising Committee chuan Sub-Committee hrang hrangte dina hma lain a buaipui nghal a. Heta tana \awng\aia bul lo \ana mipui thinlung lo buatsaih chu \ul tiin, Prayer Sub-Committee pawh a din a. Hma la nghal turin a ngen nghal bawk a. In Bialah emaw, in Kohhranah emaw, he Crusade puala \awng\ai inkhawmpui lo nei ve turin kan ngen che u a ni. Hetiang \awng\ai inkhawmpui programme hi a hun lo thlen hma hian vawi hnih vawi thum chu lo nei thei ula chuan a \ha hle dawn a, mite thinlung buatsaih a \ul em em si a. Tin, mahni Kohhran \heuhah zing \awng\ai inkhawmah Crusade zawh hma hi chuan \awng\aina thupuia lo neih a \ha hle ang a, kan han ngen nghal bawk che u a. Chu bakah chuan \awng\ai khaidiat (Prayer Chain) emaw, \awng\ai pawl din emaw, \awng\ai inkhawm dang emaw, mahni remchan dan anga lo din a, a theih ang anga \an la turin kan han ngen bawk che u a ni e. Hemi chungchangah hian Prayer Sub-Committee te nen inbe tlangin hma lak a theih chuan a lawmawm hle ang a. Rem in tih tlan chuan mahni bial bakah, bial hnih bial thumte pawha infin a, \awng\ai inkhawmpui neihte a \ha hle ang. He programme hi Mizoramin a mamawh tak pakhat a nih avangin ngaipawimawh a, kan zaa sawtpui tak leh hlawk taka kan hman theih nan theihtawp chhuahin i \awng\aiin \an i la ang u. Prayer Sub-Committee te in lo biakrawn duh chuan heng mite hi biak ni se. 1. Upa Chhawnvunga, Mission Veng 9863381034 2. Upa Hmingthansanga Pachuau, Chhinga Veng 9774582182
REV P PACHHUNGA . .C.

Secretary Mizoram Synod

SYNOD MULTIPURPOSE TRAINING CENTRE HRIATTIRNA

Synod Multipurpose Training Centre, Mission Vengthlang, Aizawl-ah a hnuaia Trade-ah te hian training hawn a ni leh dawn a. A hnuaia hming ziak hnenah hian Kohhran lehkha thil telin dilna thehluh theih a ni e. 1 2. 3. q q q Tailoring (Mipa) : Seat 20 - Course : 15th January - 15th December, 2012 Tailoring (Hmeichhia) : Seat 40 - do Shoe making (Mipa) : Seat 5 - do Dil theih hun chhung : November, 2011 Interview hun : December 13, 2011 (10:00 a.m) Zir tura lakte chu thlatin Stipen Rs. 500/- pek an ni ang. REV. F. LALRINNUNGA Programme Director, Synod Multipurpose Training Centre

Mail us at : synfo@bsnl.in mizoramsynod@gmail.com synfo@yahoo.com

Synod Information & Publicity Phone - 2314648

Synfo