BUMASA AT MATUTO

Basahin at unawain ang mga kasunod na paksa. Magtala kung

kinakailangan. Pagkatapos ng pagbasa sa mga ito ay may paglinang na
gawain para sa iyo na muli kong ipapadala pagkatapos.

Kahulugan ng Diskurso
1. Malayang nasasabi ng tao ang kanyang saloobin, kaisipan o ideya
sa kahit sinumang lahi ng tao sa mundo kaya mahalaga ang
pakikipagdiskurso sa buhay ng tao. Nagmula ito sa Middle English
na “discours” na mula sa Medival at Late Latin na “discursus” at
“kumbersasyon.”Sa makalumang kahulugan nito, tumutukoy ito sa
kakayahan ng pagsasaayos ng kaisipan, pamamaraan o pagiging
makatwiran ng isang tao.

2. Ayon naman sa diksyunaryo ni Leo James English (2007) ang

kahulugan ng diskurso ay may kinalaman sa pagsasalita at
pagtatalumpati. Marapat lamang na sabihin na ang diskurso ay
isang pagbibigay ng pagtalakay sa iba’t ibang paksa, pasulat man o
pasalita .Dahil sa diskurso maraming nalaman ang tao mula sa mga
taong nagsisipagsulat ng kani-kanilang mga akda at gayundin sa
mga taong nakipagpalitan-tugon sa pamamagitanng pagsasalita sa
kanilang mga kausap.

3. Ayon sa diksyunaryong Ingles-filipino (1984), ang diskurso ay

nangangahulugang magsulat o magsalita nang may katagalan o
kahabaan.
2. Ayon naman sa Webster’s New World Dictionary (1995), ang
diskurso ay isang
pormal na pagtalakay sa isang paksa, pasulat man o pasalita.

4. Ang diskurso ay pakikipagtalastasan, pakikipag-usap o anumang

paraan ng
pagpapahayag ng ideya tungkol sa isang paksa.

Dalawang Anyo ng Diskurso

1. Pasalita - karaniwang may mga taong nakikinig kaya't ang mga salitang
sinasambit ay may kahalagahan at binibigyan ng pansin. Mahalaga rin sa
aspekto na ito ang paraan ng pagbigkas, tono, diin, kilos, galaw ng kamay,
tinig, tindig at mga iba't ibang aksyon na makakapagpabago sa kahulugan ng
mensahe na nais ipabatid.
 Ito ay anyo ng diskurso kung saan pasalitang nagpapahayag ang isang
tao ng mga ideya, kaisipan at impormasyon na sakop ng kanyang kaalaman
na inihanay sa isang maayos at malinaw na pamamaraan upang magkaroon
ng bago at dagdag na kaalaman ang ibang tao. Layunin nito na
makapagbigay ng impormasyon.
Ito ay anyo ng diskursong nakatuon sa pagbibigay ng isang sapat at
matibay na pagpapaliwanag ng isang isyu o panig upang makahikayat o
makaengganyo ng mambabasa o tagapakinig. Layunin nitong makahikayat ng
tao sa isang isyu o panig.

2. Pasulat - mas matinding pag-iingat ang kinakailangan sa anyong ito.

Sapagkat, sa sandaling ang mga nakasulat ay nabasa ng mga
makakatanggap, hindi na ito maaring baguhin ng manunulat.

Ang pasulat na diskurso ay pagbibigay ng malinaw ng imahen ng isang

tao, bagay, pook, damdamin o teorya upang makalikha ng isang impresyon o
kakintalan. Layunin nitong makalikha ng imahen sa isipan ng kanyang
mambabasa, upang maging sila ay maranasan din ang naranasan ng
manunulat. Halimbawa: Paglalarawan ng pook pasyalan upang makahikayat
ng mga turista.
Dito, isinasambit natin ang mga detalyeng kalakip ng isang partikular
na pangyayari upang maibahagi sa iba ang mga bagay na nagaganap sa atin
o mga bagay na ating nasaksihan. Layunin nitong mailahad ang mga
detalyeng kalakip ng isang pangyayari sa isang maayos at sistematikong
kaayusan.
Sa unang malas, tila iisipin na magkaiba lamang ang pasalita at
pasulat na diskurso sa anyo o pamamaraan ng pagsasagawa.  Maaaring
tama ito dahil kapwa mahalaga sa dalawang anyo ng diskurso ang
kakayahang pangwika at kakayahang komunikatibo.  Ngunit mapag-iiba ang
dalawa sa kanilang mga kahingian.
Ang kakayahang komunikatibo ay tumutukoy sa kakayahang
tekstwal o abilidad na sumulat o magsalita nang may organisasyon o
kohisyon at ang abilidad na magamit ang wika para sa manipulasyon,
imahinasyon o sa paglilinaw ng ideya at maging sa pagtuturo. 
Nangangahulugan ito na ang isang tao ay marunong kung kailan niya dapat
sabihin ang isang bagay o ideya sa isang partikular na tao sa isang angkop
na panahon, lugar at pamamaraan.
Ang kakayahang pangwika ay tumutukoy sa kaalaman sa sistema ng
wika.  Ibig sabihin ay mahusay sa gramatika ang isang tagapagsalita o
manunulat at may kakayahan siyang manipulahin ang wika upang makamit
ang layunin ng diskurso.
Sa pasalitang diskurso, mahalaga ang kakayahang pangwika sa
pakikipag-usap ngunit minsan ay naaapektuhan ang kahulugan kung hindi
bibigyang-pansin ang kalagayang sosyal habang nagaganap ang diskurso
kung kaya’t mahalaga rin ang kakayahang komunikatibo.  Dapat na iangkop
ang sasabihin sa panahon, sa lugar at maging sa taong kausap upang
makamit ang layunin.
Sa pasulat na diskurso, mas nakatuon ang atensyon ng nagsusulat
sa kanyang kakayahang pangwika upang matiyak na malinaw niyang
maipapahayag sa kanyang isinulat ang kanyang mensahe dahil maaaring
maging iba ang pagkaunawa ng tatanggap nito.  Ngunit sa pagsulat, mayroon
ding mga salik na dapat isaalang-alang tulad ng anyo ng sulatin  o format, uri
ng papel at iba pa. Mahalagang wasto ang gramatika dahil ito ay nakasulat at
mayroong ebidensya ng teksto kaya’t maaaring ikapahiya o hindi kaya ay
maging ugat ng gulo.
Konteksto ng diskurso – nagbabago ang anyo at pamamaraan ng
diskurso maging ang daloy nito depende sa konteksto ng diskurso.  Ang
konteksto ay tumutukoy sa oras, espasyo at maging ang taong kasangkot sa
diskurso. Dahil dito, ang konteksto ng diskurso ay nararapat na pagtuonan din
ng pansin dahil maaaring makaapekto ito hindi lamang sa daloy ng
komunikasyon kundi maging ng kalalabasan nito.
Konteksto ng Diskurso
Tumutukoy sa oras, espasyo, at kung sino ang kasangkot sa diskurso.
 Kontekstong Interpersonal. Usapang magkaibigan o malapit ang
kasangkot sa isa’t isa
 Kontekstong Panggrupo. Ang mga kasapi ay may ugnayan dahil
bahagi sila ng isang pangkat tulad ng isang klase
 Kontekstong Pang-organisasyon. Ang mga kasapi ay bahagi ng
isang organisasyon o samahan tulad ng isang kumpanya, sa
pagitan ng pamunuan at ng mga empleyado
 Kontekstong Pangmasa. Sa harap ng malaking grupo ng tao tulad
ng pangangampanya
 Kontekstong Interkultural. Ang mga kasapi ay nabibilang sa
magkakaibang kultural na pangkat
 Kontekstong Pangkasarian. Ang mga kasapi ay nabibilang sa
isang partikular na kasarian tulad ng usapang lalaki.
 
Salik na nakakaapekto sa daloy ng diskurso:
Paksa. Ano ang pinag-uusapan; hindi lahat ng paksa ay angkop sa
lahat ng konteksto dahil may paksang pampersonal, pambansa, pangkultura
o hindi kaya ay pambabae o panlalaki
Layunin. Bawat diskurso ay nagaganap dahil mayroong ninanais ang
mga taong sangkot, dahil dito, iniaangkop nila ang daloy ng diskurso sa
pamamaraang magiging daan sa katuparan ng layunin, maaaring mapabago
ang pananaw ng isang tao, makaimpluwensya, makabenta o iba pa.
Pagsasawika ng Ideya. Ang isang kaisipan ay maaaring maipahayag
sa samu’t saring pamamaraan dahil na rin ang wika ay malikhain at ang
taong may kakayahang pangwika ay maisasagawa ito; kung papaano
ipapahayag ang kaisipan ay makakaapekto sa pagtanggap ng kinakausap.