ING RITU NING PAMANANGGAP

KARING MAGNASANG MI-ORDINAN KING

KASUYUAN ANTIMONG DIAKONO AT PARI
MISA PARA KARING BOKASYON
KARING BANAL A ORDEN

1
2
 ING RITU NING PAMANANGGAP
KARING MAGNASANG MI-ORDINAN KING
KASUYUAN ANTIMONG DIAKONO AT PARI
MISA PARA KARING BOKASYON
KARING BANAL A ORDEN

Panimunan ning

Lubus Kagalang-galang
FLORENTINO G. LAVARIAS, D.D.
Arzobispo Metropolitano ning San Fernando

25 Octubre 2023
alas 6 ning bengi
Chapel of the Mother of Good Counsel
Mother of Good Counsel Seminary

3
ING RITU NING PAMANANGGAP KARING MAGNASANG
MI-ORDINAN KING KASUYUAN ANTIMONG DIAKONO AT PARI

Sidia nang:

REV. MSGR. RICARDO JESÚS T. SERRANO, S.L.D.,

Director, Comisiun ning Liturgia

king saup nang JOHN LORENZO L. EVANGELISTA

para king COMISIUN NING LITURGIA

Arkidiocesis ning San Fernando
Pampanga

20 April 2021

4
 THE PURPOSE OF CANDIDACY TO THE SACRED ORDERS

e Admission to Candidacy rite is celebrated when it has

been established that the intention of those aspiring to Holy
Orders is supported by the necessary quali cations and has
achieved su cient maturity.
(Rites of Ordinations, Appendix II, No. 1)

A person aspiring to the diaconate or presbyterate is not to be

ordained unless he has rst been enrolled among candidates
through the liturgical rite of admission.
(Code of Canon Law, c. 1034, §1)

For her part, in accepting the seminarian who o ers himself

[for candidacy], the Church chooses him and calls him so that
he may prepare to receive Holy Orders in the future. Since it
presupposes a responsible decision on the part of the
seminarian, admission among the candidates for Orders is an
invitation for him to continue with his formation, in
con guring himself to Christ the Shepherd, through a formal
recognition on the part of the Church.
(Ratio Fundamentalis Institutionis Sacerdotalis, 2016)

5
Th
fi
ffi
fi
fi
ff
Commentator:

Kaniting kabengian,
makatipun tamu ngeni antimong metung a balayan
ban pagmasusian tamung mitmung tula at kapasalamatan
ing pamananggap karing magnasang mi-ordinan
king kasuyuan antimong diakono at pari
karing kekatamung kapatad
di John Lorenzo L. Evangelista
Allan Paul L. Mariano
at Jaymark R. Torres.

Kaniting kapagmasusian, ing Banal a Kapulungan

tatanggapan na ing pamidaun dang sarili ding kapatad tamu,
at pipilinan at ausan nala
ban asadia da ing sarili da
king pamananggap karing Banal a Ordin king daratang a panaun.
Ipanalangin ta la ban
ban asundu ra ing pamiyubug da king uangis Cristo,
ing Mayap a Pastul.

Iting liturgia panimunan ne

ning Lubus-kagalanggalang, Florentino G. Lavarias, D.D.
Arzobispo ning San Fernando.

Kambe ring pusung pasalamat

talakad tamu para king dalit a pamuklat ampon prusisyun panlub.

6
 RITUNG PAMAGMULA
PAMUKLAT A DALIT

Nung makatipun no ring tau, ing obispo ampon ding kayang

talasaup painturu la king altar, samantalang mikakanta ya ing dalit
a pamuklat.

Karas na king altar, ing obispo kambe ring kayang talasaup

pugayan de ing altar antimo ing karampatan. Uman ne ing altar, at
insensuan ne, kaibat kambe ring talasaup, munta ya king kayang
luklukan.

TANDA NING KRUS

Kayari ning pamagkanta, ing obispo at ding sablang sisimba

manatili lang makatalakad. Mangurus la kabang ing obispo ngana:

K ing lagyu ning Ibpa, ampon ning Anak,

ampon ning Banal a Espiritu.

Makibat la ring malda:

Amen.

PAMAMUGE

Kaibat ing obispo, makayarap karing tau makayapse ya gamat,

pugayan no ring sablang makatagun, ngana:

I ng kapayapan ning Guinu mantabe kekayu.

Makibat la ring malda:
At keka antimurin.

7
RITU NING KAPANISIAN

Kaibat ning paunang amanu ning misa, ing pari agkatan na la ring
tau ban miganaka karing karelang kasalanan at sumisi kareti king
katahimikan.

Kaluguran kung kapatad kang Cristo,

kanting kabengian,
ing Banal a Kapulungan
tatanggapan na ing pamidaun dang sarili
ding kapatad tamu,
at pipilinan at ausan nala
ban isadia ra ing sarili ra
king pamananggap karing Banal a Ordin.
Iti panagkat ya naman kekatamu
ban isundu tamu ing pamiyubug tamu kang Cristo,
ing Mayap a Pastul.

Kapatad, sisian ta la ring kasalanan tamu,

ba tamung karapatdapat magmasusi
kareting banal a misterio.

Obispo:
Guinu, ika ing alañg añggang pari ning bayung tipan:
Guinu, pakalulu.
Makibat la ring malda:
Guinu, pakalulu.

8
Obispo:
Cristo, ika ing mitalakad kekami
antimong mabie batu
ning banal a templo ning Dios:
Cristo, pakalulu.
Makibat la ring malda:
Cristo, pakalulu.

Obispo:
Guinu, ikang ginaua kekaming kabalen ding banal
ning kayarian ning banua:
Guinu, pakalulu.
Makibat la ring malda:
Guinu, pakalulu.

Ing pari tuñggen ne ing absolusyun:

Ing Dios a lubus mayupaya pakaluluan na katamu
at king pañgapatauad da ring kasalanan tamu,
idala na katamu sana king bie alañg añgga.
Makibat la ring malda:
Amen.

9
LIGAYA

Kaibat, ing obispo panimunan ne ing Ligaya at ding sablang

sisimba magkanta la.

Ing obispo ngana:

L igaya king Dios king kakataskatasan

at king yatu kapayapan
karing taung kayang kaluguran.
Pupurian da ka, parangalan da ka,
sasamban da ka, paligayan da ka.
Pasalamatan da ka, pauli ning maula mung ligaya.
Guinung Dios, Ari ning banua,
Dios Ibpang mayupaya.
Guinu, Anak a bugtung, JesuCristo,
Guinung Dios, Cordero ning Dios, Anak ning Ibpa.
Ikang milalako king kasalanan ning yatu,
pakaluluan mu kami,
ikang milalako king kasalanan ning yatu,
tanggapan mu ing dalangin mi
ikang makalukluk uanan ning Ibpa
pakaluluan mu kami.
Uling ikang bukud kabanal-banalan,
ikang bukud Guinu.
Ikang bukud kakataskatasan, JesuCristo,
kagum ning Banal a Espiritu
king ligaya ning Dios Ibpa.
Amen.

10
PAMUKLAT A PANALANGIN

Ing obispo king makayapseng gamat, ikanta ne o iyagkas:

Manalangin tamu:
Ding malda manalangin lang tahimik kambe ning obispo karing
mapilan a penandit.

Kaibat ing obispo, iyapse na la ring gamat na, ikanta ne o iyagkas

ing panalangin:

O Ibpa,
king tangka mu para king kaligtasan mi,
pigkaluban meng pastul ing balayan mu.
Katmuan me ing Banal a Kapulungan mu
king espiritu ning tetagan-lub ampon lugud.
Mitubud kang karapatdapat a talasuyu ning altar mu
at masigasig dapot mamung katiuala
ning Mayap a Balita mu.

Iti aduan mi king kapamilatan

ning Guinu ming JesúCristong Anak mu,
a mabibie ampon magari kambe mu
king kametungan ning Banal a Espiritu,
Dios, manga man king alang angga.
Makibat la ring malda:
Amen.

11
 LITURGIA NING AMANU
MUMUNANG PAMAMASA

Ing mamasa munta ya king pipamasan para king Mumunang

Pamamasa. Ding sabla lukluk la at makiramdam.

Pamamasang ibat king libru ning profeta Isaias

6:1-2a,3-8
Kanitang banuang kematayan nang Aring Ozias,
ikit ke ing Guinu, makalukluk ya king tutung matas a trono:
ing kauda ning keang manto kakapnuan ne ing santuario.
King kabuntukan na, makatalakad la ring sera nes,
at ngarang kukulait king metung at metung:
“Banal, banal, banal ya ing Guinung Mayupayang tutu.
Mipnu ya ing meto labuad king keang ligaya.”
Ding amba ra ding pasbul ning Templo
tinugun la king katni ra siuala detang kukulait,
at ing kabilugan a Templo mikapnuan yang asuk.
At ngakung sinabi:
“Marok ku bili! Mayari na ku kanini,
uling aku metung ku mung taung marungis a labi
at manuknangan ku
busal da ring taung marungis mu naman labi,
saka ngeni tengalan de rening mata ku ing Ari,
ing Guinung Mayupayang tutu.”
Sinulapo ya kanita ing metung karing sera nes,
lepitan na ku, magdala yang baya a kinua na king altar
king kapamilatan ning metung a sipit.
Tigkil ne iting baya karing labi ku at ngana:
“Lauan mu ngeni, iting baya mitagkil ya karing kekang labi,
ing bakas ding kasalanan mu milako na ngeni,
mipatauaran na ka king kekang pamikasala.”
Kanita ku neman dimdam ing Guinu, nganang sasabi:

12
fi
fi
“Ninu kaya ing itubud ku?
Ninu kaya ing magdala king amanung ipayabut tamu?”
Aku naman mekibat ku,
“Ati ku keni, aku ing itubud mu.”

Ing Amanu ning Guinu

Makibat la ring malda:

Salamat king Dios.

DALIT A PAKIBAT

Ing manimuna king kanta, ikanta ne o iyagkas ing dalit at makibat

la ring malda.

Dalit 139
R. TAIRAN MU KU, GUINU KING BIE KAYABE MU.
ILAPIT MU KU, GUINU KING SIPING MU.
TAIRAN MU KU, O GUINU KING BIE ALANG ANGGA,
KING BIE KAYABE MU.

Balu mu ku pangatau.
E makalingad keka, Guinu.
Balu mu ku isipan.
Balu mu ing sablang daraptan ku, O Guinu. R.

‘Nu ku mo malyaring munta?

‘Nu ku salikut keka.
Mukyat ku man king banuang matas,
at king lalam ning yatu, atyu ka, O Guinu. R.

Ika ing miglalang kaku,

‘bat pa king atyan nang ‘ma ku
At kakung pagmulalan,
ing bie ku kekang lelangan, O Guinu. R.

13
King mabilug kung pusu, pasalamatan daka.
King pamaningat mu atyu kang parati king siping ku, O
Guinu. R.

KADUANG PAMAMASA

Pamamasang ibat king Kadua nang Sulat San Pablo

kang Timoteo
3:10-12, 14-15
Ika balu mu naman ing penaral ku,
ing ugali ku at ing meging parasan ku king bie;
ikit mu nung makananu kung sinalpantaya,
ikit mu ing pamibabata ku, at ing lugud ku;
ing kakung katapatan,
ampon ding pangalupig a delanan ku
angga na ing kasakitan a miras kanaku.
Balu mu ing mengapaliari kanaku
karing miayaliuang lugal antimo karin Antioquia,
Iconio at Listra—
ing heganaganang pamaglupig a delanan ku!
Dapot ing Guinu linigtas na ku kareti ngan.
Inia sukat mu nang atatalus ngeni
king ing ninu pa mang bisang mie mipnung katapatan
kang Jesus, pihu reng ligaligan,
kabang deting tau namang mangarok at mapaglinlang
isulung da nang isulung ing karelang karokan,
maglinlang lang alang patugut karing aliua
at king karelang sarili.
Inia sukat kang e painggulut king sablang apagaralan mu’t
silpantayanan matibe:
e mu kakalinguan nung ninu ring meging talaturu mu,
at nung makananung manibat pa kanitang malati ka
balu mu no ring banal a kasulatan—
14
balu mu king kareti maliari mung apagaralan itang kabiasnan
a painturu king kekang pangaligtas
king kapamilatan ning kasalpantayanan kang Cristo Jesús.

Ing Amanu ning Guinu

Makibat la ring malda:

Salamat king Dios.

ALLELUIA

Alleluia! Alleluia!
Marcos 1:17
Tuki ko kanaku
at aku gauan da kayung magliligo karing tau.

Alleluia! Alleluia!

MAYAP A BALITA

Ing diacono (o ing pari) munta ya king pipamasan kayantabe ring

ministro a magdalang kandila at insenso. Makadaup la ring gamat
na, ikanta ne o iyagkas:

Ing Guinu mantabe ya kekayu.

Makibat la ring malda:
At keka antimurin.

Ing diacono (o ing pari), ikanta ne o iyagkas:

Pamamasang ibat king Mayap a Balita
agpang kang San Lucas
Igulis ne ing tanda ning krus king libru, kaibat king kanuan na,
karing labi na, at king salu na. Ding malda makibat la:
Ligaya keka, O Guinu.

Insensuan ne ing libru at ipasiag ne ing Mayap a Balita.

15
 Lucas 5:1-11

K anitang misan i Jesus,

atiu keta king pasigan
ning Laug ning Genesaret,
pigugumguman de ring taung lalapit kaya
ban makiramdam king amanu ning Dios.
Apansin na lang makasadsad king pasigan
ding aduang bangka.
Ding magliligo kinuldas na la kareti
at kasalukuyan da lang
luluglug ding karelang lambat.
Sinake ya i Jesus king metung karing bangka—
ketang kang Simon—
at inauad na kang Simon
king ilaut neng bagia king pasigan.
Linukluk ya king bangka
at saka na la tiru ding dakal a tau.
Iniang meyari neng migsalita,
sinabi na kang Simon,
“Munta ka banda king malalam,
karin yu la ibaldug ding lambat yu
ba kayung manikuang asan,”
“Maestro,” nganang mekibat Simon,
“kabukas ke pung liligo, ala keng ikua nanu man.
Makanian man alangalang king sinabi yu,
ipabaldug ku la ring lambat.”
Bildug da la pin ding lambat,
at menikua lang asan a tutung dakal,
maibug lang mangasira ding karelang lambat,
inia minaus la karing kayabe rang atiu ketang
metung a bangka
ba lang lumapit at sumaup karela.
16
Iniang deti linapit la,
ikua ra lang kipnuan ding aduang bangka
karing asan,
kulang na mu ing lumbug la.
Kabud ikit nang Simon Pedro ing mepaliari,
siniklaud ya king arapan nang Jesus, at ngana,
“Guinu, dumayu kayu pu kanaku,
uling aku metung kung taung makasalanan.”
Pablasang ya ampon ding kayabe na
mengapamulala la
king keraklan da ring asan a arakap da.
Iti mu naman ing aramdaman da
ri Santiago at i Juan, ding anak nang Zebedeo,
kayabe nang liligo Simon.
Dapot i Jesus sinabi na kang Simon,
“E ka tatakut, manibat ngeni lumigo ka karing tau.”
Sidsad da la kanita ring karelang bangka
king pasigan,
likuan da ing sabla at tinuki la kang Jesus.

Kapupus ning Mayap a Balita, ing diacono (o ing pari) ngana:

Ing Mayap a Balita ning Guinu.
Makibat la ring malda:
Kapurian keka, O Cristo.
Kaibat uman ne ing libru at ñgana king mainang siuala:
King kapamilatan ding amanu ning Mayap a Balita,
mipatauaran la sana ring kasalanan tamu.

HOMILIA

Ing obispo mangamanu ya at munie paganaka karing malda at

karing kandidatu.

17
 ING RITU NING PAMANANGGAP
KARING MAGNASANG MI-ORDINAN
KING KASUYUAN ANTIMONG DIAKONO AT PARI

Commentator:
Saksian tamu ngeni ing Ritu ning Pamananggap karing magnasang
mi-ordinan king kasuyuan antimong diakono at pari.

Ing Director of Formation ning Graduate School of eology

i Reberendo Padre Ely G. Dizon, Jr.,
iprisinta na la ngeni ding magnasang matanggap king kasuyuan
ding Banal a Orden.

Director:
Lumapit la king arapan ding magnasang matanggap king kasuyuan
ding banal a orden:

JOHN LORENZO LINGAT EVANGELISTA

San Vicente Ferrer Parish
Calulut, City of San Fernando, Pampanga

ALLAN PAUL LIANKO MARIANO

Most Holy Name of Jesus Parish
San Roque Bitas, Arayat, Pampanga

JAYMARK ROSETE TORRES

St. Joseph Husband of Mary Parish
Capas, Diocese of Tarlac

Seminarista:
Atiu ku pu keni.

18
Th
PAMANYURI

Ding kandidatu talakad la at sindian da la ring karelang kandila.

Kaibat dang misindian ding karelang kandila, siklaud la.

Ing obispo nganang mangutang:

Pakamalan kung anak,
ding pari, talaturu,
at mangasiua king pangayubug yu,
at ding aliua pang kikilala kekayu,
binie ra ing pamanangu ra,
at pagtiualan mi ing amanu ra.

Antimong pakibat king aus na ning Guinu,

ipangaku yu king isundu yu ing pamagsadia yu
ban kanita maging karapat-dapat kayung mi-ordinan
para king kasuyuan king Banal a Kapulungan?
Makibat la ring kandidatu:
Opu.

Obispo:
Ipangaku yu king isadia yu ing sarili yu,
king isip at kaladua,
ban sumuyung mitmung katapatan
kang Cristong Guinu tamu,
at king Katauan na, ing Banal a Kapulungan?
Makibat la ring kandidatu:
Opu.

19
PAMANANGGAP KARING KANDIDATU:

Talakad la ring kandidatu at tunggal-tunggal lang lumapit arapan

ning obispo at siklaud la.

Ing obispo ngana:

N., ing Indung Banal a Kapulungan
matula nang tatanggapan ing pamipasyag mu
king kapagnasan mu.
Mananu na sanang ing Dios
a migmula king mayap a dapat keka,
ya naman ing miganap kaniti.
Makibat ya ing kandidatu:
Amen.

Commentator:
Talakad tamu pu.

PANALANGIN DING MALDA

Ing obispo ngana:

Kaluguran kung kapatad,
aduan tamu king Dios a Guinu tamu,
ing ibie na ing kalam at bendisyun na
kareting talasuyu na,
a magnasang iyampang ing bie ra,
para king kasuyuan king Banal a Kapulungan.
King balang kayaduanan, ing kekayung ipakibat:

GUINU, PAKIRAMDAMAN MU
ING PANALANGIN MI.
1. Deti sanang kapatad tamu lumapit la kang Cristo
at maging talapatutu na la king yatu,
ipanalangin tamu king Guinu.
20
2. Makisanmetung la sana karing taung susuyuan da
at matimid makiramdam king siuala ning Banal a Espiritu,
ipanalangin tamu king Guinu.

3. Maging talasuyu na la sana ning Banal a Kapulungan

at pasikan king kasalpantayanan ding kapatad da,
kapamilatan ning karelang amanu at alimbaua
a manibatan king turu ning Eukaristiya
a mibubuklud kekatamu,
ipanalangin tamu king Guinu.

4. Parala ya sanang talapagobra ing Guinu king pupul na

at katmuan na la karing kalam ning Banal a Espiritu,
ipanalangin tamu king Guinu.

5. Ding sablang tau,

kamtan da sana ing kaganapan ning kapayapan
hustisya at pamipante-pante,
ipanalangin tamu king Guinu.

6. Ding kapatad tamung magkasakit

a makiyabe king kasakitan nang Cristo,
kamtan da sana ing kalayan at pamipakayap,
ipanalangin tamu king Guinu.

Ing obispo ngana mamupus king panalangin ding malda:

O Guinu, pakiramdaman mu la ring panigapu mi,

at king ganaka mu
mayapan mu lang ! bendisiunan deting anak mu
a magnasang mitagulaling karing sarili ra
king banal a kasuyuan king pamagsilbi keka
at king kekang balayan;
ban kanita magpursigi la king bokasyun da
at kalauat kang Cristong Pari
kambe ning tapat a lugud,

21
agusalan dang karapatdapat
ing obra ning metung a apostol.

Iti yaduan mi
king kapamilatan nang Cristong Guinu mi.

Makibat la ring malda:

Amen.

Commentator:
Antimong tanda ning pamananggap karela,
pasalubungan ta lang palakpakan.

22
 ING LITURGIA NING EUCHARISTIA
PAMAGSADIA KING ALTAR AT KARING AIN

Kapupus ning Liturgia ning Amanu, ing kanta king pamagsadiang-

ain magmula ya. Ding talasaup ning pari king altar ibili da la karing
lugal dang karampatan ding makatuki; ing corporal, ing purificator,
ing kalis, at ing misal.

Sapat a hostia (at alak) ing isadia para king pamakinabang ding
malda. Mas makabaldugan nung ding malda makinabang la karing
hostiang makonsagra king mismung misa at midake king kalis nung
aduan ning pamikatagun. Ing pamakinabang metung yang
malinong uaga ning pamiyaduangan king sakrifisyung
mipapagmasusian.

Binang manayun nung ing pamaki-anib ding malda mipauaga king

kapamilatan ning pamiyaduangan ding mapilan karing sisimba
karing tinape at alak a gamitan king kapagmasusian king
eucharistia, at antimurin ding aliua pang bage a yayampang da para
king pamangailangan ning pisamban at ding pakakalulu.

Ing pari, kabang makatalakad ya king libutad ning altar, kuanan ne

ing paten a
maki-tinape, at itas neng bagya king altar, at sabian na king
mainang siuala:

M ipuri ka, Guinung Dios ning meto sikluban,

uling king kekang kayapan
tinggap mi ya ing tinape a yampang mi keka,
tinapeng bunga ning gabun at pipagalan ning tau,
a para kekami magauang tinape ning bie.
Ibaba ne kanita ning pari ing paten a maki-tinape babo ning
corporal.

Nung alang pamagkanta king Pamagsadiang-ain, ing pari iyagkas

na lang masikan ding amanung deti, at ding malda makibat la:
Mipuri ya ing Dios kapilan man.
23
Ing pari o metung a diacono, itugtug na king kalis ing alak at ing
ditak a danum, kabang sasabian na, king mainang siuala:

K ing kapamilatan ning misterio niting danum

ampon alak mangaintulid kami sanang
mirakayanan
king panga-Dios na anti ning migpakumbaba yang
mekirake king pangatau mi.
Kaibat, kuanan ne ning pari ing kalis at itas neng bagya babo ning
altar at sabian nang maina:

M ipuri ka, Guinung Dios ning meto sikluban,

uling ning kekang kayapan
tinggap mi ya ing alak a yampang mi keka,
alak a ibat karing ubas at pipagalan ning tau,
para kekami magauang inuman ning kaladua.
Ibaba ne kanita ning pari ing kalis babo ning corporal.

Nung alang pamagkanta king Pamagsadiang-ain, ing pari iyagkas

na lang masikan ding amanung deti, at ding malda makibat la:
Mipuri ya ing Dios kapilan man.

Duku ya at sabian na king mainang siuala:

Guinung Dios apamatulan na ka sana niting ain
a daraun mi keka
king mitmung kapanisian ampon kapakumbaban.
Kaibat ing pari tanggapan ne ing insensario at insensuan na la ring
daun. Kaibat ing metung a talasaup insensuan ne ing pari at ding
malda.

Tutuki, ing pari makatalakad dane uanan ning altar, uasan na la

ring gamat na king mainang siuala ngana:

24
U asan mu, O Guinu, ing deuakan ku
at linisan mu ku king kasalanan ku.

Makatalakad libutad ning altar at makayarap karing tau, iyapse na

la ring gamat na at kaibat pidaup na la ngana:

M analangin kayu, kapatad [1],

ban ing daun tamu
matanggap ya arapan ning Dios
Ibpang lubus mayupaya.
Makibat la ring malda:
Tanggapan ne sana ning Guinu iting daun
karing gamat mu,
king ikapuri ampon ikaligaya ning lagyu na,
king ikasaplala tamu
at ning mabilug nang Banal a Kapulungan.

PANALANGIN BABO RING AIN

O Guinu,
tanggapan mu la ring panalangin ampon ain mi.
Pagkaluban meng pari
ing Banal a Kapulungan mu
at papanatilian mu lang tapat
king lugud at kasuyuan da.

Iti aduan mi
king kapamilatan nang Cristong Guinu mi.
Makibat la ring malda:
Amen.

25
 PANALAÑGIN NING KAPURIAN AMPON KAPASALAMATAN
PARA KARING MIYALIUANG PAMAÑGAILAÑGAN
AMPON PAMIKATAGUN II

Ing Dios tairan ne ing Banal a Kapuluñgan

king dalan ning kanauan

PREFASIO
Umpisan ne ning Arzobispo ing Panalañgin ning Kapurian ampon
Kapasalamatan kambe ring makayapse nang gamat, ñganang
midalit o sumabi:

Arzobispo: Ing Guinu mantabe ya kekayu.

Malda: At keka antimurin.

Arzobispo: Itas yu la ring pusu yu.

Malda: Makatas nala king Guinu.

Arzobispo: Pasalamatan taya ing Guinu a Dios tamu.

Malda: Iti karapatdapat ampon matulid.

Kambe ring makayapse nang gamat, ing pari ñganang misundu:

T une pin karapatdapat ampon matulid,

sukat ampon makakabus,
ing pasalamatan da ka king sablang penandit ampon
nu man karin.
O Guinu, banal a Ibpa,
miglalañg king yatu at panibatan ning sablang bie.

E mula kapilan man pepaimburisan

ding lelañgan ning kekang kabiasnan,
nune manatili ka kayagape mi
at ñgeni manigobra para king ikasaplala mi.

26
Kambe ning mayupayang gamat
ampon makayapse takde
tinaid me ing Israel, a Balayan mu,
kekaban ning pamaglakbe na king ilang
king upaya ning Banal a Espiritu;
ñgeni naman antabayanan me
ing Banal a Kapuluñgan mu
kabang maglakbe ya kekaban ning panaun
papunta king tula ning kayarian mu
king kapamilatan nang Cristong Guinu mi.

Ulinita, makiagum kami karing angel ampon banal

midadalit king alañg añggang kapurian
ning ligaya mu:
Banal, Banal, Banal ya ing Guinu, Dios ning upaya.
Mitmu ya ing banua at ing yatu king kekang ligaya.
Hosanna king kakataskatasan.
Nuan ya ing daratang king lagyu ning Guinu.
Hosanna king kakataskatasan.

Ing Arzobispo, makayapse la ring gamat na, ñgana:

P upurian da ka, O Banal a Ibpa,

parati mu kaming antabayanan
king pamaglakbe mi kekaban ning bie.
Pupurian mi ya naman ing Anak mu,
i JesuCristo a atiu busal mi.
Pauli ning lugud na kekami
titipunan na kami king banal a pamisulu-sulu.
Palino ne kekami ing Banal a Kasulatan
at pipirasuan ne ing tinape,
antimo ing depatan na kanita para karing alagad
na karin king Emaus.
27
Ing Arzobispo pidaupan nala ring gamat na at iyatyat nala babo
ring ain, ñgana:

I nia ñgeni ipanigapu mi keka,

O malugud ampon mayupayang Ibpa:
itubud me ing Banal a Espiritu mu
ban lukuban na la reting tinape ampon alak
Ing Arzobispo, pidaupan dala ring gamat na at igulis ne misan king
gamat nang uanan ing tanda ning cruz babo ning tinape ampon
alak, ñgana:

kanita magaua lang katauan ampon ! daya

ning Guinu ming JesuCristo.
Pidaupan nalang pasibayu ring gamat na.

Karing makatuking amanu, ding Amanu ning Guinu miyagkas lang

masala at masikan, agpang king aduan na ning kabaldugan da.

A tatandanan mi pa,
kanitang beñging bayu ya linasa
at midaun king bie na para kekami,
kabang kasulu nala ring disipulo na king apunan,

Kuanan ne ing tinape, at itas neng bagya babo ning altar at ñgana:

kinua ne ing tinape at pepasalamatan na ka.

Pirasu ne ing tinape at dinuang ne karing disipulo na
at ñgana:

Duku yang bagya ing Arzobispo at ñgana:

KUANAN YE ITI, IKAYU ÑGAN,
AT KANAN YE:
ULING ITI YA ING KATAUAN KU,
A MIDAUN PARA KEKAYU.
Ing Arzobispo pakit ne karing tau ing hostiang mekonsagra, ibili ne
king paten. Ing pari siklod ya, at samban ne.

28
Kaibat ñganang misundu:

K aibat ning apunan,

kinua ne ing kalis a mitmung alak

Ing Arzobispo kuanan ne karing adua nang gamat ing kalis, at itas
neng bagya babo ning altar ñgana:
pasibayu na kang pepasalamat ampon pinuri,
binie ne ing kalis karing disipulo na
at ñgana:
Ing Arzobispo duku yang bagya at ñgana:
KUANAN YE ITI, IKAYU ÑGAN,
MINUM KAYU KANITI:
ULING ITI YA ING KALIS NING DAYA KU,
ING DAYA NING BAYU
AMPON ALAÑG AÑGGANG TIPAN,
A MIBUBU PARA KEKAYU
AMPON PARA KARING SABLAÑG TAU
BAN KETA MIPATAUARAN LA
RING KASALANAN.
DAPTAN YU ITI
KING PAMIGAGANAKA YU KANAKU.
Pakit ne ing kalis karing tau, ibili ne babo ning corporal, at siklod
ya, at samban ne.

Kaibat ing Arzobispo ñgana:

Ipasiag ta ya ing misterio ning kasalpantayanan.
Ing Arzobispo at ding malda, ñgara:
Kamatayan mu, O Guinu
kekami yang gaganakan. [Amen.]
Pañgasubli mung mebie
kekami yang pagmasusian. [Amen.]
Paniatang mung maligaya
29
kekami yang panenayan. [Amen.]

Kaibat ñganang misundu kabang makaladlad la ring gamat na:

I nia ñgeni, O Ibpang lubus banal,

pagmasusian mi ya ing pamigaganaka
kang Cristong Anak mu,
king kapamilatan ning pamailasa
ampon kamatayan na king cruz
delakit me king ligaya ning pañgasubling mebie
at likluk me king ligaya king uanan mu.
Añgga na potang datang yang pasibayu
i Cristong Guinu mi,
papasiag mi ya ing maulang dapat ning lugud mu
at daraun mi ya ing tinape ning bie
ampon ing kalis ning alañg añggang kaligatasan.

B alikdan mung mitmung pakalulu

iting pamagdaun ning Banal a Kapuluñgan mu
i Jesus ya mismu ing miyayain king sarili na.
King kapamilatan niting sakrifisyung
penibala na kekami
bubuklat ne ing dalan papunta keka, O Ibpa mi.

O Dios a Ibpa ming mapamakalulu,

ipagkalub me kekami
ing Espiritu ning lugud mu,
ing Espiritu ning Anak mu,
ban mabilang kami ñgeni ampon kapilan pa man
karing anib ning Banal a Kapuluñgan mu
a misulu-sulu king katauan ampon daya na.

30
Konselebrante:

K abang misulu-sulu kami kaniting lamesa,

pasiknañgan mu kami
ikaming anak mung makatipun ñgeni keti,
pasiknañgan mu la lalun lalu na
ring kapatad ming kababayatnan na king bie,
pauli ning kakaluluan ampon kapanamdaman
at mañgasakit a kapagsubukan.
Pasiknañgan mu kami, ikaming pari mu,
kambe nang Francisco, ing Papa mi
at i Florentino, ing Obispo mi.
Misadsad kami sanang mitmung tula
ampon kapanaligan king pamaglakbe mu
at ayaninag mi sana
ing kapanayan a pasulung kekami.

Konselebrante:

G anakan mu la
ring kapatad mi,
a pepainaua na king kapayapan nang Cristo
at ding sablang meañgu na bie,
a bukud mung ika ing makibalu
king kasalpantayanan da.
Layun pamatulan mu lang tañgal
king sala ning lupa mu.
Tairan mu la king kaganapan ning bie
king ligaya ning pañgasubling mebie.

31
P otang miras na kami king sepu
ning pamaglakbe mi keti king yatu,
matula mu kami sanang tañggapan
king maligaya mung kakarinan banua,
nung nu kami manuknañgan kambe mu
mañgga man king alañg añgga.

K arin, kambe nang Maria,

ing nuan a Virgen a Indu ning Dios,
kambe nang San Jose, ing esposo na,
kambe ring apostol, ding martir,
kambe nang San Fernando, Beato Pedro Zuñiga,
at ding sablang banal,
purian ampon paligayan da ka
Pidaupan nala ring gamat na.
king kapamilatan nang JesúCristong Anak mu.

Kuanan ne ing kalis at ing paten a maki-hostia, itas nala, ñgana:

K ing kapamilatan na, kambe na, ampon kaya,

kagum ning Banal a Espiritu,
O Dios, Ibpang lubus mayupaya,
sablang parangal ampon ligaya keka
mañgga man king alañg añgga.
Makibat la ring malda:
Amen.

32
 RITU NING PAMAKINABANG

IBPA MI

Ing Arzobispo ibili nala king altar ding kalis at paten, kaibat ñgana:

K ang Cristo tiñggap ta ya ing Espiritu

ning pañgayampun.
Ñgeni antimong Anak ning Dios
mañgangas tamung sabian:
Ing Arzobispo iyapse na la ring gamat na at ñganang misundu
kambe ding tau:

I bpa mi, a atiu banua,

misamban ya ing lagyu mu,
datang kekami ing kayarian mu,
mipamintuan ing lub mu keti sulip anti banua.
Ing kakanan mi king aldo-aldo
ibie mu kekami king aldo ñgeni:
ampon ipatauad mu kekami ring sala mi keka,
anti ing pamamatauad mi karing mikasala kekami;
mañga e mu kami ipaysaul king tuksu
nune ikabus mu kami king marok.

Makayapse la pa murin ding gamat na, isundu neng dili na ing

makatuking panalañgin:

I kabus mu kami king sablañg marok, O Ibpa,

malugud mung ipagkalub
ing kapayapan king panaun mi,
ban king kasaupan ning pakalulu mu,
mitimaua kaming parati
king pamanalipan ning kasalanan,
at mikabius kaming alañg kasasagkulan
king sablañg kaligaligan
kabang panayan ampon pagsadyan mi
ing paniatang nang mitmung ligaya
33
ning talapangabus mi,
I Jesu Cristo.
Pidaupan nala ring gamat na. Ding tau (kambe ning pari) uakasan
deng masikan ing panalañgin:
Uling keka ing kayarian,
at ing kayupayan ampon ing ligaya,
mañgga man king alañg añgga.

RITU NING KAPAYAPAN

O Dios a Ibpa mi,

ing Guinu ming JesuCristo,
sinabi na karing apostol na:
ing kapayapan lalakuan ku kekayu,
ing kapayapan ku babie ku kekayu.
E mu la sana babalikdan ding kasalanan mi
nune ing pansinan mu ing kasalpantayanan
ning Banal a Kapuluñgan mu,
at pamayapan ampon pisanmetungan me
agpang king kaburian mu,
ikang mabibie ampon mag-ari
mañgga man king alañg añgga.
Makibat la ring malda:
Amen.

Ing Arzobispo iyapse nala at kaibat pidaupan ding gamat na,

ñganang mituglung:

I ng kapayapan ning Guinu

mantabe sana kapilan man kekayu.
Makibat la ring malda:
At keka antimurin.

34
Kaibat, ing Arzobispo ñganang miragdag: (o nung ating diakono,
ing diakono ñgana:)

I yampang ta ya ing uaga ning kapayapan king

metung at metung.
Ding sabla pakit lang piyugalian a tanda ning pamikalugud ampon
kapayapan king metung at metung.

PAMAMIRASU KING TINAPE

Ing pari ibie nia naman iting tanda ning kapayapan karing talasaup
na; kaibat kuanan ne ing hostia at pirasuan ne babo ning paten, at
ing malating kapirasu ibaldug ne king kalis at sabian nang maina:
Iting pamiyabe ning Katauan ampon Daya
ning Guinu tamung JesuCristo
ipagkalub na sana ing bie alañg añgga
kekatamung sablañg tañggap kaya.

Kabang mararapat ing pamamirasung hostia ing makatuki mikanta

ya o miyagkas:

C ordero ning Dios,

a milalako king kasalanan ning yatu,
pakaluluan mu kami.
Cordero ning Dios,
a milalako king kasalanan ning yatu
pakaluluan mu kami.
Cordero ning Dios,
a milalako king kasalanan ning yatu,
ibie mu kekami ing kapayapan.

35
PANSARILI NANG PAMAGSADIA NING PARI

Kaibat ing pari, pidaupan na la ding gamat na, sabian nang maina:

O Guinu ming JesuCristo, Anak ning Dios a mabie,

king kaburian ning Ibpa,
at kasaupan ning Banal a Espiritu,
king kamatayan mu biniayan me ing yatu.
King uli ning kabanal-banalan a Katauan ampon Daya mu
ikabus mu ku king sablañg kasalanan ampon deuakan ku,
papanatilian mu kung tapat karing kautusan mu
mañga e mu paintulut ing mikauani ku keka kapilan man.

o kaya:

O Guinu ming JesuCristo

bista man e ku karapatdapat
mangan king Katauan mu at minum king Daya mu
makanian man, king uli ning lugud ampon pakalulu mu
makapaldan ya sana kanaku.

PAMAKINABANG

Ing pari siklod ya, katalakad na, kuanan ne ing hostia, itas neng
bagya king paten at makayarap ya karing tau, king masikan a siula

Ñ io ing Cordero ning Dios,

nio ing milalako king kasalanan ning yatu.
Nuan la ring mayayaus king apunan ning Cordero.
At idagdag nang misan mu kambe da ring tau:
O Guinu, e ku matampang tañggap keka,
dapot iyagkas miya ing amanu mu, kumayap na ku.

Ing pari, makayarap ya king altar, king mainang siuala, ñgana:

Ing Katauan nang Cristo
isadsad na ku sana añgga king bie alañg añgga.

36
Magalañg neng kanan ing Katauan nang Cristo, kaibat kuanan ne
ing kalis, at king mainang siuala, ñgana:
Ing Daya nang Cristo
isadsad na ku sana añgga king bie alañg añgga.

King mitmung kagalañgan inuman na ing Daya nang Cristo.

Kaibat na nita idala ne ing paten o isanu pa man karatunan ding

hostia para karing tau at munta ya karing makinabang. Kuanan ne
ing hostia para king balañg metung, itas neng bagya, pakit ne king
tatañggap, at ñgana:
Ing Katauan nang Cristo.
Makibat ya ing makinabang
Amen.
at tañggapan ne.
Ing uaga ning komunion lakuas yang kompletu potang miyabie ya
lalam ding aduang aske, anti ning ing uaga ning pamisulusulu king
eucharistia lalu yang masalañg mayayakit king aske ning tinape at
alak. Ing kapagnasan nang Cristo king ing bayu at alañg añggang
kasunduan mipatibayan ya king keyang daya lalu yang mipapasiag
masalese antimurin ing kabaldugan na ning pamisulusulu king
eucharistia ila ning pamisulusulu karin banua. [3]

Makanian mu naman ing daptan ning diakono nung papakinabang

ya.

Nung atin makinabang lalam ding aduang aske mipamasala king

sarili nang biluñgan ing paralan para kaniti. Iduang ne ing kalis, ing
pari ñgana:
Ing Daya nang Cristo.
Makibat ya ing makinabang
Amen.
at minum ya.

Ing diakono at ding aliuang ministro maliari lang tañggap

pamakinabang ibat king kalis. [4]

37
DALIT PAMAKINABANG

Ustung mekinabang ne ing pari, maumpisa neng agad ing kanta

para pamakinabang. Kayari ning pamakinabang, ing pari/diakono
linisan nala ring gamit, nung maliari linisan la king lamesa king
gilid. Kabang lilinisan nala ñgana king mainang siuala:
O Guinu, tañggapan ku la sana
reting kalam mu king malinis a pusu.
Pagdala ra ku sanang kapaldanan ampon sikanan,
ñgeni ampon kapilan man.

PAMUPUS A PANALANGIN

Kaibat, talakad ya arapan ning luklukan na, ing obispo ngana:

Manalangin tamu:
Ding malda manalangin lang tahimik kambe ning obispo karing
mapilan a penandit. Kaibat ing obispo iyapse na la ring gamat na at
ikanta ne o iyagkas ing panalangin:

O Guinu, pakiramdaman mu la ring panalangin

ding binayu mu kaniting tinape ning banua
king banal a lamesa mu.
King kapamilatan ning Sakramentu ning lugud,
palabungan mu la ring bini a inasik mu
king asikan ning Banal a Kapulungan mu;
at dákal la sana ring magnasang sumuyu keka
kapamilatan ning pamagtagulaling da king sarili ra
king pamanyuyu karing kapatad da.

Iti aduan mi king kapamilatan

nang Cristong Guinu mi.
Makibat la ring malda:
Amen.

38
PAMUPUS AT BENDISYUN

Ing obispo, makayarap ya karing tau, at iladlad no ring gamat na,

ngana:
Ing Guinu mantabe ya kekayu.
Malda:
At keka antimurin

Obispo:
Mipuri ya ing lagyu ning Guinu.
Malda:
Ngeni ampon kapilan man.

Obispo:
Ing kasaupan tamu atiu king lagyu ning Guinu.
Malda:
A ginaua king banua ampon yatu.

Kaibat ing obispo tanggapan ne ing baculo na at bendisyunan na la

ding tau:
Bendisyunan na kayu ning Dios a lubus mayupaya,
ing ! Ibpa, ampon ing ! Anak,
ampon ing ! Banal a Espiritu.
Makibat la ring malda
Amen.

PAMITUBUD

Ing diakono o ing obispo, kabang makadaup la ding gamat na,

ikanta ne ing pamitubud:
Ume kayu king kapayapan.
Makibat la ring malda
Salamat king Dios!
Kaibat ing obispo uman ne ing altar, antimo king pamagmula.
Katataulian kaibat nang depatan ing karampatan a kagalangan,
kambe ding keyang talasaup, painturu la king sakristiya.

39