DRAFT

SESOTHO PUO YA TLATSETSO YA

PELE
DIPALEKGUTSHWE
PELO E JA SERATI
 Ketellapele
Manollo ya dipalekgutshwe tse ntjha ho ya ka circular E8 of 2022 moo ho
phatlaladitsweng dipalekgutshwe tse tla balwa ho tloha ka 2023. Tsona ke tse
latelang:
Molato lebitleng MM Mpembe
Ha a llelwe ME Makhapha
Tshukudu MM Mpembe
Boiphetetso NA Mpembe
Bitla la kgomo ke molomo NA Mpembe
Koloi NA Mpembe
E seng kajeno, empa hosane MM Mpembe
Phokojwe ho phela e diretsana NA Mpembe
 Ditebello
Ho tseba tse latelang:
• Tsela ya ho itokisetsa dihlahlobo.
• Boitokisetso ba letsatsi la hlahlobo.
• Dikgato tsa dipotso.
• Mantswe a sebediswang dipotsong.
• Tsela e nepahetseng ya ho ithuta ho manolla.
palekgutshwe.
• Makgetha a dipalekgutshwe.
• Manollo ya palekgutshwe ka nngwe.
• Qetellong o tla fuwa mesebetsi ya boikwetliso o
be o itshwaye.
 Tsela ya ho itokisetsa dihlahlobo
• Arola mosebetsi dikotwana.
• Phomola ha o ntse o sebetsa.
• Hlophisa disebediswa mohlala: pene.
• Itshepe ka nako tsohle.
• Sebedisa mebala e fapaneng ha o bala.
• Boeletsa mosebetsi wa hao.
• Thusana le baithuti ba bang.
• Balla hodimo e le hore o eketse kutlwisiso.
• Iphe nako e lekaneng ya ho robala.
• Eja dijo tse ahang mmele.
 Ka letsatsi la hlahlobo
• Tsoha ka nako ho ipha nako ya ho ikgopotsa
• Etsa mekgwaritso ho ikgopotsa.
• Imamele hantle bakeng sa pampiri o tla e ngola
• Fihla ka nako ntlong ya hlahlobo.
• Ema hole le metswalle ele ho phema pherekano.
• Bala ditaele tsa dipotso ka hloko.
• Kgetha dipotso ka hloko pele o araba.
• Sheba matshwao a potso a tla o thusa ho tseba
bolelele ba karabo.
 Tsela eo dipotso di ralwang ka yona
Dikgato tse hlano tsa dipotso

Kgato 1 Dipotso tse totobetseng mohlala:

bolela/fana/hlahisa/hlwaya/lokodisa/pheta.

Kgato 2 Dipotso tse batlang tlhophobotjha mohlala:hlalosa

sesosa/akaretsa/kgutsufatsa/hlalosa/hlophisa/
hlopha/ akaretsa dintlha/bolela molemo/bobe
/fana ka setshwantsho.

Kgato 3 Dipotso tse hlokang kakanyo mohlala: hlahisa

sepheo/bapisa hore na o utlwisisang/ hlalosa…
jwang/ bolela …jwang.

Kgato 4 Dipotso tse hlokang tekolobotjha mohlala

sekaseka/qoqa/seholla.

Kgato 5 Dipotso tse hlokang ho ananela mohlala:

ananela/o ka etsa jwang/ o ka ikutlwa jwang.
 Mantswe a sebediswang dipotsong le se
lebelletsweng
Lekola O sheba qotso kapa seratswana ka
kelohloko le kutlwisiso.

Hlahloba O tsepamisa maikutlo qotsong kapa

seratswaneng hore o kgone ho hlwaya dipha
(diphoso) le dintle tse fuperweng.
Sekaseka O tsenkolla qotso kapa seratswana hore o
hlakise dikarolo tse itseng
Tshohla O qoqa ka qotso kapa seratswana ka
botebo hore o hlakise dikarolo tse itseng
Ho ntsha/fana ka O fana ka maikutlo a hao mabapi le se
maikutlo botswang
O dumellana le se itseng O fana ka maikutlo a dumellanang kapa a
tiisang seo o botswang ka sona
O hanana le se itseng O fana ka maikutlo a hananang kapa a
phehisanang le seo o botswang ka sona
 Mantswe a sebediswang dipotsong le se
lebelletsweng
Akaretsa Fana ka kgutsufatso ya dintlha tsa
bohlokwa tsa seo o butsitsweng ka
sona
Ho una Ho fumana/ ho kgola molemo o
itseng
Ho qholotsa Ho tsosa/ ho hlahisa
Mohopolo ya Ke tabataba/ mooko wa seo ho
sehloho buuwang ka sona
Mohopolo o Ke tajana e tshehetsang taba/mooko
tshehetsang wa seo ho buuwang ka sona
 Manollo ya palekgutshwe
Sehlooho Na sehlooho se dumellana
le ditaba tsa palekgutshwe
Poloto Tlhekelo, kgolo ya
diketsahalo, tharahano,
sehlohlolo, sephetho se sa
lebellwang, mothipoloho,
phethelo
Kgohlano Kgohlano e ka ntle le
kgohlano e ka hare
Mookotaba/ Tabakgolo ya palekgutshwe
Molaetsa
 Manollo ya palekgutshwe
Baphetwa Baphetwa ba sehlooho-
Mefuta ya baphetwa Molwantshuwa
Molwantshi
Baphetwa ba tlatsetso
Monamodi
Bahlohlelletsi
Mophetwa ya tjhitja/ mophetwa ya
sephara/ mophetwa ya sepapetlwa

Sehalo le maikutlo Sehalo- Maikutlo a mongodi

Maikutlo- maikutlo a mmadi ka mora
ho bala palekgutshwe

Thuto le molaetsa Thuto kapa molaetsa ke se unwang ke

mmadi ka mora ho bala palekgutshwe
 Palekgutshwe 1- Molato lebitleng
• Sehlooho- Se dumellana le dikahare,mma Thapelo o
itlhahisa le ho ipolela hore ke mmae lebitleng la Thapelo
mohla lepato la Thapelo.
• Mookotaba- Batswadi ba balehelang boikarabello ba ho
hodisa bana ba bona.
• Baphetwa-
Baphetwa ba sehlooho:molwantshuwa ke Thapelo ha
Molwantshi e le Mme wa Thapelo.
Baphetwa ba tlatsetso:Bathusi ba thusang
molwantshuwa ke Nkgono,Mokganni,Mofetakatsela
Bahlohlelletsi- ke bana ba nkgono.
• Theho ya mabitso: Thapelo, lebitso le dumellana le
tsohle tse etsahalang ho yena, o phela mohaung wa ba
bang, le mohla a tla tsoha a hlokahetse o ile a etsa
thapelo.
 Molato lebitleng- MM Mpembe
• Semelo sa baphetwa: Mofetakatsela, nkgono le
mokganni wa bese bana le semelo se setle sa
kamohelo, mohau le kutlwelobohloko. Ha bana
ba nkgono bona ba hloka mohau.
• Poloto
-Tlhekelo- Tikoloho- Motse setoropo, mophetwa wa
sehlooho Thapelo,tlhase ya morusu ke tahlo ya
Thapelo ke motswadi wa hae.
-Kgolo ya diketsahalo- Ho hlokahala ha nkgono,
teleko ya Thapelo ke bana ba nkgono, o thuswa ke
mokganni ka tjhelete le ho tholwa ke mofetakatsela.
 Molato lebitleng
- Tharahano- Thapelo o fetoha mokopakopa, o
phela mmileng.
-Mothinya o sa lebellwang- Lefu la Thapelo
-Kgohlano- E ka ntle: Thapelo le mmae, ho
nyamela ha ntata Thapelo, Thapelo o tejelwa ke
bana ba nkgono, Thapelo a sotlwa ke tlhaho.
E ka hare: Ho mme wa Thapelo ka ho lahla
Thapelo.
 Molato lebitleng
- Mothipoloho: Thapelo o nkwa ke mofetakatsela o mo
isa ha hae o mofa tsohle.
- Tharollo:Lefu la Thapelo, mmae o a hlaha.
• Ntlhakemo ya mongodi-Maemo a matle a phedisano,
Nkgono o thusa Thapelo, Mokganni o fa Thapelo
tjhelete, Mofetakatsela o itholla Thapelo.
• Setaele,kgetho ya mantswe le tshebediso ya
puo:kgetho e tlwaelehileng ya mantswe a sejwalejwale
mohlala: dikhathebokoso, bese jj.
• Sehalo le maikutlo: Sehalo ke sa kutlwelobohloko, ha
maikutlo e le a bohloko le kgauhelo.
• Thuto le molaetsa:Bokgopo ha bo na mokoka le hore
motho ke motho ka batho ba bang.
 Palekgutshwe 2: Ha a llelwe- ME Makhapha
• Sehlooho: Se tsamaellana le ditaba, Maphesha o qetella a
phesha.
• Mokotaba: Ditlamorao tsa meharo.
• Poloto
- Tlhekelo: Tikoloho ya makeisheneng mohlala
makhanselara, bomajoro jj, baphetwa ba sehlooho:
Maphesha le Setlabolane, tlhase ya morusu: ho tsekisana
ditulo masepaleng.
- Kgolo ya diketsahalo:Maphesha o tseka setulo sa bomajoro
feela ha a se fumane o rera ho ketola Setlabolane.
- Tharahano:Maphesha o rera merusu a sebedisa Honye, ha
yena a rera ho ya ipata bohweng.
- Sehlohlolo:Merusu e a etsahala, tshenyeho eba kgolo.
 Ha a llelwe
• Tharollo/Phethelo: Maphesha o fumana kotsi ya koloi
e mo siyang a hloka maoto, Honye o furalla Maphesha.
• Baphetwa:Ba sehlooho- Molwantshuwa e leng
Setlabolane, molwantshi ke Maphesha, ba tlatsetso-
mothusi e leng Honye.
• Theho ya mabitso- Maphesha o qetella a phesha,
Honye o iphapanyetsa Maphesha ka mokgwa wa ho
honyela, Setlabolane o ipabola ka ho hlodisa bao a
qothisanang lehlokwa le bona ka mesebetsi ya hae.
• Semelo sa baphetwa:Maphesha o lefufa,o mona, o
pelo e mpe ebile ke mohlohlelletsi.Honye o ekeha ha
bobebe, ha a na boikemelo.
 Ha a llelwe
• Kgohlano:Ya ka ntle- setjhaba le majoro, Maphesha le
Setlabolane. Ya ka hare- Maphesha o lwantshana le
maikutlo a ho tseka setulo le maikutlo a ho balehela
bohweng, Honye ha a qetella a ipatela Maphesha.
• Ntlhakemo ya mongodi- Meharo ha ho mohla e tla
tswalla monga o na katleho.
• Setaelo, kgetho ya mantswe le tshebediso ya puo:
Dipolelo tse utlwisisehang tse thusang mmadi ho ka
fumana mookataba ka bobebe.
• Sehalo le maikutlo: Sehalo- qenehelo , maikutlo ke a
kutlwelobohloko.
• Thuto le molaetsa: Mona le meharo ha di ise motho
katlehong ya mofuta ofe kapa ofe.
Palekgutshwe 3: Tshukudu – MM Mpembe

• Sehlooho: Se tsamaellana le ditaba mmadi o bona

tlhekefetso ya ditshukudu serapeng sa diphoofolo.
• Mookotaba: Tlhekefetso e sehloho diphoofolong.
• Poloto:
- Tlhekelo: Tikoloho ke ya ditoropong serapeng sa
diphoofolo, mehla ke ya moraorao ya thekenoloji,tlhahiso
ya mophetwa wa sehlooho e leng mohlokomedi wa serapa
sa diphoofolo, tlhase ya morusu ke polao ya ditshukudu.
- Kgolo ya diketsahalo- Polao ya tshukudu ke bo Lefito
Tjobolo.
- Tharahano- Tsambe ha a le kgotla a nyenyefatswa ke
motjhotjhisi.
- Sehlohlolo:Tjobolo o hlola nyewe ka thuso ya motjhotjhisi.
 Tshukudu
• Mothinya o sa lebellwang: Ho tswa ha Tsambe ka kgotla a
lla ka mora ho hoboswa ke motjhotjhisi.
• Tharollo/phethelo: Ho phonyoha ha Tjobolo lekgotleng la
dinyewe.
• Kgohlano: Kgohlano e ka ntle- Tjobolo le tlhaho, Tsambe le
motjhotjhisi wa dinyewe.
• Baphetwa: Ba sehlooho- Molwantshuwa mosireletsi wa
serapa sa diphoofolo., molwantshi ke Lefito Tjobolo ya
tsomang le ho bolaya tshukudu.
Ba tlatsetso- Monamodi keTsambe mohahlaudi
• Semelo sa baphetwa-Molebedi wa serapa sa diphoofolo o
sebete, Lefito Tjobolo ke leshodu, mmolai le lemenemene,
Tshambe o bohlale empa ha a na sebete le boikemelo.
 Tshukudu
• Ntlhakemo ya mongodi: Diphoofolo mmoho le tlhaho
ka kakaretso di lokela ho sireletswa le ho hlokomelwa.
• Setaele, kgetho ya mantshwe le tshebediso ya puo:
Mongodi o ngotse ka bokgeleke a sebedisa karaburetso
le mekgabiso ya puo e le ho natefisa puo ya hae.
• Sehalo le maikutlo: Sehalo- kgalefo, maikutlo ke a
qenehelo le kutlwelobohloko.
• Thuto le molaetsa: Ho hlokomedisa setjhaba bobe ba
ho hlekefetsa le ho bolaya diphoofolo. Senola
bomenemene makgotleng a dinyewe.
 Palekgutshwe 4: Boiphetetso-
NA Mpembe

• Sehlooho- Se tsamaellana hantle le ditaba tsa

palekgutshwe, hoba di bua ka boiphetetso ba
Rasentle ho mosadi wa hae.
• Mookotaba- Manganga ha a thuse ka letho.
• Poloto
- Tlhekelo:Tikoloho ke ya ditoropong motseng wa
Ditamating,nako ke ya tokoloho, baphetwa ba
sehlooho ba hlahella e le Rasentle le Mmasentle.
Tlhase ya morusu ke ho se dumellane ka tekanyo ya
malapa.
 Boiphetetso
• Kgolo ya diketsahalo: Ho teneha ha Rasentle,
ho ya jwaleng le ho ratana le Mmamokete.
• Tharahano: Rasentle o furalla lelapa o dula ha
Mmamokete.
• Sehlohlolo: Rasentle o thatafetse pelo ha a sa
batla ho kgutlela hae.
• Tharollo/phethelo: Mmasentle o ipona
molato o leka ho kopa tswarelo.
• Kgohlano: Ya ka ntle- Rasentle le Mmasentle.
 Boiphethetso
• Baphetwa: Ba sehlooho- Molwantshuwa e leng Rasentle,
Molwantshi Mmasentle. Ba tlatsetso –bahlohlelletsi e leng
Kapoko, ha moeletsi e le Rafube.
• Ntlhakemo ya mongodi: Ho bohlokwa ho balekane
lenyalong ho etsa tekano ya malapa ekasitana le ho
mamelana kapa hona ho jarisana.
• Semelo sa baphetwa:Rasentle o tletse kgalefo le ho
teneha. Mmasentle o na le boikokobetso, o tseba ho ipona
diphoso ekasitana le ho kopa tshwarelo.
• Setaele, kgetho ya mantswe le tshebediso ya puo: Puo ke
e bonolo e tswakileng le maele ekasitana le mekgabiso ya
puo.
• Sehalo le maikutlo: Sehalo- qenehelo ha maikutlo e le
kutlwelobohloko.
• Thuto le molaetsa: Batho ba babedi bao e leng balekane ba
hloka ho phedisana ka ho mamellana le ho utlwelana kapa
hona ho jarellana mefokolo.
 Palekgutshwe 5: Bitla la kgomo ke
molomo – NA Mpembe
• Sehlooho-:Se nyallana le ditaba, ho jewa kgomo e shweleng.
• Mookotaba-: Ditlamorao tse bosula tse tliswang ke ho se mamele
dikeletso kapa kgalemelo.
• Poloto
-Tlhekelo- :Tikoloho ke ya mapolasing,mophetwa
wa sehlooho Sebanteu o a hlahella, tlhase ya morusu
ke ho epela kgomo e shweleng.
-Kgolo ya diketsahalo- :Banna ba mamela Rakilekile le
Sebanteu ba epela kgomo ka lekgonono.
- Tharahano:Ke moo Mmasebanteu a eletsang Sebanteu ka taba ya
kgomo e shweleng, Sebanteu o shebane le papa e senang dijelello,
o etsa qeto ya ho ya tjhekolla kgomo.
 Bitla la kgomo ke molomo- NA Mpembe
- Sehlohlolo: Sebanteu le bara ka mokgorong ba besitse nama
ya kgomo e shweleng.
- Phethelo: Sebanteu le bara ba lekgatheng la lefu kamora
ho ja nama ya kgomo e shweleng.
• Baphetwa: ba sehlooho- Molwantshuwa ke Sebanteu,
mohanyetsi wa hae ke Mmasebanteu. Baphetwa ba tlatsetso
ke Sankwela, Rakidikidi le bara ba Sebanteu.
• Semelo sa baphetwa: Sebanteu ha ana nnete,o meharo,ke
moikaketsi o boetse o manganga.Mmasebanteu o nka
dikeletso, ebile o pelo e ntle.
• Kgohlano: Kgohlano ya ka ntle e hlahella moo basebetsi ba sa
utlwane ka ho epela kgomo le moo Sebanteu le
Mmasebanteu ba sa utlwaneng ka ho ja kgomo e shweleng.
Kgohlano ya ka hare ke moo Sebanteu a tjamelaneng le ho ja
papa e senang dijelello.
 Bitla la kgomo ke molomo
• Ntlhakemo ya mongodi: Ditlamorao tse bosula
tse tliswang ke meharo le ho se mamele.
• Setaele, kgetho ya mantshwe le tshebediso ya
puo:Kgetho ke e bobebe sebakeng sa ho fetisa
molaetsa, mantswe ke a tlwaelehileng jwalo ka
borakefese, vene jj.
• Sehalo le maikutlo: Sehalo ke sa keketehiso le
maikutlo a kutlwelobohloko.
• Thuto le molaetsa:Ho kgala, boikaketsi le ho
hloka boikarabelo di tlisa ditlamorao tse bosula.
 Palekgutswe 6: Koloi –NA Mpembe
• Sehlooho: Se tsamaellana le ditaba hobane dikahare di bua ka
boitshwaro bo ileng ba fetoha ka mora ho reka koloi.
• Mookotaba: Ntho e nngwe le e nngwe e etswang ho feta
tekano e ya senya.
- Tlhekelo: Tikoloho ke ya toropong ho buuwa ka makoloi le
diunibesithi, nako ke mehla ya Tswelopele, mophetwa wa
sehlooho o ya hlahella e leng, Lejweleputswa. Tlhase ya
morusu ke lerato la koloi.
- Kgolong ya diketsahalo: Lejweleputswa o reka koloi, o nyala
Matshidiso, o ba le bana.
- Sehlohlolo:Bophelo bo a fetoha, Lejweleputswa o furalla
lelapa, o ya tawa,ha a sa tsotella mosebetsi.
- Tharollo/Phethelo:Matshediso o lwana le Lejweleputswa o
nyatsa boitshwaro ba monna ho fihlella ho kenella sepolesa.
 Koloi
• Kgohlano:E ka ntle e dipakeng tsa Lejweleputswa le
Matshediso hape dipakeng tsa Lejweleputswa le Sefi.
Kgohlano ya ka hare ke ya Matshediso ka ho fetoha ha monna
wa hae.
• Baphetwa: Ba sehlooho ke Molwantshuwa Lejweleputswa le
monamodi e leng mohatsae Matshediso. Mophetwa wa
tlatsetso ke Sefi eo e leng moeletsi.
• Semelo sa baphetwa: Lejweleputswa o hlolwa ke thoriso,o
nkeha ha bobebe o bile o rata ho kgotsofatsa metswalle a sa
natse bophelo ba hae. Matshediso o lerato hape o na le
qenehelo.
• Theho ya mabitso: Mongodi o atlehile ka ha a reheletse
Lejweleputswa ka toropo e kgolo Lejweleputswa moo ho
fumanwang dintho tse ntle le tse mpe. Sefi yena o ile a
lemosa Lejweleputswa ka dimpe tse tliswang ke koloi, sefi sa
fela sa mo pitla.
 Koloi
• Ntlhakemo ya mongodi: Ho se mamele
dikeletso ho latelwa ke maswabi.
• Setaele. Kgetho ya mantswe le tshebediso ya
puo: Mongodi o kgethile mantswe a thusang
mmadi ho utlwisisa ha bobebe molaetsa wa
pale.
• Sehalo le maikutlo: Sehalo ke sa tshwabo
maikutlo ke a kgalefo.
• Thuto le molaetsa: Ntho tsohle di lokela ho
etswa ka tekano ho seng jwalo masisapelo a
tla latela.
Palekgutshwe 7- E seng kajeno, empa
hosane
• Sehlooho: Se dumellana le dikahare,thuto ya lapeng ya
ho se etse dintho kajeno empa hosane e ya phethiswa.
• Mookotaba: Batswadi ba rutang bana ba bona dintho
tse sa lokang.
• Poloto
- Tlhekelo:Nako ke ya tokoloho/ditokelo,baphetwa ba
sehlooho ba ya hlahella e leng Moleko Ntwahae le
Phala.Tlhase ya morusu ke ho se atlehe ha Selallane
ditlhahlobong.
- Kgolo ya diketsahalo: Moleko o batla Phala ho
Prinsipala ka ditaba tsa mora wa hae.
- Tharahano: Ho fihla ha Phahla ka kantorong ya
Prinsipala, tlhaselo ya Phala ke Moleko le Selallane.
 E seng kajeno, empa hosane
• Sehlohlolo: Matitjhere a mang a kenella ho tla
thusa Phala ka ho paka hore Selallane ha a
etse dintho ho ya ka molao.
• Mothipoloho: Selallane o nka qeto ya ho kopa
tswarelo ho titjhere Phala.
• Mothinya o sa lebellwang: Selallane o otla
ntatae ka setebele.
• Tharollo/Phethelo:Selallane o kopa tshwarelo
o otla ntatae , ntatae o a shwa.
 E seng kajeno empa hosane
• Baphetwa: Ba sehlooho- Moleko Ntwahae le Selallane ke
balwantshi, ha Phala e le Molwantshuwa. Baphetwa ba tlatletso ke
Prinsipale le matitjhere ao ona e leng banamodi.
• Semelo sa baphetwa: Moleko o hloka tsebo, o lefufa. Selallane o
rata ho tlaleha ditaba, o tseba ho nka boikarabelo diphosong tsa
hae. Ke mophetwa ya tjhitja.
• Theho ya mabitso: Moleko Ntwahae o leka batho ba bang.
Selallane o lla ho ntatae ka tsohle tse etsahalang sekolong.
• Ntlhakemo ya mongodi: Ke kgodiso e fosahetseng ya bana
papisong le maemo a thuto dikolong.
• Setaele, kgetho ya mantswe le tshebediso ya puo: Puo e bobebe, a
sebedisa mantswe a tlwaelehileng a jwalo ka prinsipala, tlelase jj.
• Sehalo le maikutlo: Sehalo ke sa ntwa le boinyatso, maikutlo ke a
bohloko.
• Thuto le molaetsa: ditokelo di tsamaya le boikarabelo.
 Palekgutswe 8- Phokojwe ho phela e
diretsana
• Sehlooho: Maele ana a dumellana le dikahare ka ha
dikahare di bontsha hore batho ba Bombela ba sebetsa ka
thata ho fetola maphelo a bona.
• Mookotaba: Batho ba lokela ho sebetsa ka thata ho
iphedisa.
• Poloto
- Tlhekelo: Tikoloho ke motse seteropo, baphetwa ba
sehlooho ba a hlahella,tlhase ya morusu ke ha basebetsi ba
fellwa ke mosebetsi.
- Kgolo ya diketsahalo: boikitlaetso ba ho fetola maemo a
moruo.
- Phethelo: Bofuma bo a fokotseha, batho ba fumana
mesebetsi.
 DRAFT
Phokojwe ho phela e diretsana
• Baphetwa: Baphetwa ba sehlooho ke Samadula le
Tefo, ha baphetwa ba
tlatsetso e leng bathusi ke bara ba Samadula.
• Semelo sa baphetwa: Samadula le Tefo ke banna ba nang
le tjhebelopele le lerato, ke banna ba sa itjhebang ba le
bang, ba rata ho bona katleho ho batho bohle.
• Ntlhakemo ya mongodi: Ntshetsopele ya maemo a matle
a phedisano. Phokotseho ya bofuma le theho ya
mesebetsi.
• Setaele, kgetho ya mantswe le tshebediso ya puo: Puo
ke e tlwaelehileng ya sejwalejwale, difaboriki, ditliliniki jj.
• Sehalo le maikutlo: Sehalo ke sa thabo, maikutlo ke a
kgotsofalo.
• Thuto le molaetsa: Tshebedisano mmoho e tlisa katleho.