Lêng-goân gûi-ki
(Tùi Chio̍h-iû gûi-ki choán--lâi)
Lêng-goân gûi-ki sī kóng in-ūi lêng-goân kiong-èng khiàm-khoeh ia̍h-sī kè-siàu tiòng-koân só͘ lâi éng-hióng keng-chè, thong-siông khan-liân tio̍h chio̍h-iû tiān-le̍k ia̍h kî-thaⁿ chū-jiân chu-goân ê khiàm-khoeh. Lêng-goân gûi-ki thong-siông ē tì-sú keng-chè hiu-khek. Chē-chē tu̍t-jiân-kan hoat-seng ê keng-chè soe-thè thong-siông chiū sī lêng-goân gûi-ki só͘ ín-khí ê. Sū-si̍t-siōng, tiān-le̍k ê seng-sán kè-siàu ê tiòng-koân tì-sú seng-sán sêng-pún ê cheng-ka. Khì-chhia ia̍h kî-thaⁿ kau-thong kang-kū só͘ sú-iōng ê chio̍h-iû sán-phín kè-siàu ê tiòng-koân kàng-kē liáu siau-hùi-chiá ê sìn-sim kap cheng-ka liáu in-ê khai-siau.