德薩斯州

  「德薩斯」跳轉到呢度。想搵其他用法，請睇「德薩斯 (搞清楚)」。

德薩斯州／德克薩斯州（英文：Texas），簡稱德州，舊時華埠報章稱之為德沙士省，係美國南部最大嘅一個州，亦係全美國第二大州，僅次於阿拉斯加州。德州嘅首府係柯士甸。

德薩斯州位置

傳統上德州係以牛仔文化而出名，專門養牛，每年平均輸出超過1600萬隻牛。另外棉花、石油、天然氣亦係德州嘅物產。

洲名來源

州名源自美洲原居民嘅語言，意思係「朋友」同「盟友」。十七世紀嗰時，嚟到呢度嘅西班牙探險家喺同用卡多語嘅哈西尼族人溝通嘅時候，將對方叫自己做「朋友」（táyshaʼ (/tʼajʃaʔ/)）嘅詞語誤以為係當地地名，雖然之後理解咗原意而嘗試更改，但呢一個地名仍然沿用落嚟。雖然地名意思曾經被誤解，但同今日德州嘅座右銘——「友誼」不謀而合。