曹奐
曹奐（奐讀換，粵拼：cou4 wun6；246年—302年），原名曹璜（cou4 wong4），字景明（ging2 ming4），喺燕王曹宇嘅仔，曹操嘅孫[1]。曹奐係曹魏最後一位皇帝，諡號喺魏元帝（ngai6 jyun4 dai3）。
| 曹魏 | |
|---|---|
| 曹魏 皇帝 | |
| 生 | 246年 |
| 死 | 302年 |
| 前任 | 高貴鄉公曹髦 |
| 繼任 | 晉武帝司馬炎 |
| 遞啲名 | |
| 字 | 景明 |
| 諡號 | 元皇帝 |
生平
編輯即位
編輯甘露五年（260年），皇帝曹髦因為討伐司馬昭而畀司馬昭嘅手下成濟殺害。司馬昭揀咗曹奐嚟繼位做皇帝，佢喺六月甲寅日入洛陽拜見皇太后，並喺嗰日登基做皇帝[2]。曹奐實際上冇任何權力，喺大臣同埋軍隊入面冇任何勢力，完全就係司馬昭嘅傀儡。
在位期間
編輯263年，曹魏派大將鄧艾同埋鍾會做低蜀漢[3]。攻蜀期間，曹奐封司馬昭為晉公，相國，加九錫[4]。蜀漢滅亡之後，曹奐又進爵司馬昭為晉王[5]，但司馬昭冇耐就病死咗，爵位由佢個仔司馬炎繼承[6]。
265年，司馬炎逼曹奐將皇位禪讓畀自己，改國號為晉，曹魏滅亡。司馬炎封曹奐做陳留王，並且搬佢去鄴城度住[7][8]，允許佢用皇帝嘅儀仗、用皇家嘅禮儀祭祖、唔使以臣下嚟自稱[9]。曹奐臨走之前，太傅司馬孚握住佢嘅手話：「我到死都係大魏嘅忠臣。」晉惠帝太安元年（302年）曹奐喺許昌死咗，享年五十八歲，諡號元皇帝[10]。
屋企人
編輯參考
編輯引用
編輯- ↑ 《三國志·魏書四·三少帝紀》：陳留王諱奐，字景明，武帝孫，燕王宇子也。
- ↑ 《三國志·魏書四·三少帝紀》高貴鄉公卒，公卿議迎立公。六月甲寅，入于洛陽，見皇太后，是日即皇帝位於太極前殿，大赦，改年，賜民爵及穀帛各有差。
- ↑ 《三國志·魏書四·三少帝紀》：自鄧艾、鍾會率衆伐蜀，所至輙克。是月，蜀主劉禪詣艾降，巴蜀皆平。
- ↑ 《三國志·魏書四·三少帝紀》：景元元年夏六月丙辰，進大將軍司馬文王位為相國，封晉公，增封二郡，并前滿十，加九錫之禮
- ↑ 《三國志·魏書四·三少帝紀》：己卯，進晉公爵為王，封十郡，并前二十。
- ↑ 《三國志·魏書四·三少帝紀》:秋八月辛卯，相國晉王薨。壬辰，晉太子炎紹封襲位
- ↑ 《三國志·魏書四·三少帝紀》：十二月壬戌，天祿永終，歷數在晉。詔羣公卿士具儀設壇于南郊，使使者奉皇帝璽綬冊，禪位于晉嗣王，如漢魏故事。甲子，使使者奉策。遂改次于金墉城，而終館于鄴，時年二十。
- ↑ 《晉書·卷三·帝紀第三》：封魏帝爲陳留王，邑萬戶，居於鄴宮
- ↑ 《晉書·卷三·帝紀第三》：己巳，詔陳留王載天子旌旗，備五時副車，行魏正朔，郊祀天地，禮樂制度皆如魏舊，上書不稱臣。
- ↑ 《魏世譜》：年五十八，太安元年崩，謚曰元皇帝。