陳壽
陳壽（233年—297年），字承祚，係蜀漢同西晉嘅史學家，係廿四史入面《三國志》嘅作者。佢本身係巴西安漢（而家嘅四川南充）人，當時人話佢叻講故仔，係良史之才。
一生
[編輯]後生嗰陣勤學，拜譙周為師，當時同輩話佢同李密好似子游同子夏、文立係顏回、羅憲係子貢，之後做蜀漢觀閣令史，佢唔順當時權臣黃皓，周時被朝廷怒同降職，蜀漢滅亡之後入晉，畀羅憲推薦自己，張華睇重自身才華就被佢舉孝廉，任佐著作郎，補陽平令。
之後張華俾佢推薦做中書郎，忌張華嘅荀勗憎陳壽，計劃叫吏部調佢做長廣太守，陳壽話佢老母老咗就唔做，杜預去守荊州前，有同晉武帝司馬炎推薦佢，最終朝廷畀佢做御史治書。
陳壽老母死嗰陣，照佢遺囑去洛陽埋葬，但係畀人爭議降職，佢老師譙周話佢：「呢一定係才學成名，但係呢當官會受侮辱同損失，不過唔一定係呢嘅不幸，必定要多慎啲。」以後陳壽仲係降職，同譙周話嘅一樣，幾年後，朝廷畀佢做太子中庶子冇到任。
同埋蜀漢名臣出身嘅王崇、壽良、李密、李驤同杜烈係親密關係，畀人話係梁、益兩州有代表性嘅俊傑，入晉後各個開始陌生同唔啱，陳壽同壽良、李驤嗌到互相誣衊，都畀杜烈嚴厲批評，得一個王崇溫和嗻，不分彼此，仲同大家保持親密。
著作
[編輯]佢作嘅《蜀相諸葛亮集》上奏朝廷，得到著作郎一職，領本郡中正；有《益都耆舊傳》十篇畀文立攞去俾晉武帝司馬炎睇，受到嘉獎；同作《古國志》五十篇。
三國志
[編輯]《三國志》係佢成名作，有六十六篇，寫咗魏蜀吳三國歷史，俾大家歌頌讚賞，當時夏侯湛睇咗佢呢本書嘅《魏志》之後就毀咗自身作嘅《魏書》。佢同僚張華話：「編篡本朝歷史嘅大任應該留畀佢做。」
佢死後俾梁州大中正尚書郎范頵上書畀皇帝，讚《三國志》呢本書「辭多勸誡，明乎得失，有益風化」，以求搵人記錄，除咗一篇《敘錄》失傳之外，宜家有六十五篇流傳世間。
南朝梁嘅劉勰係佢《文心雕龍·史傳》都話：「唯陳壽三志，文質辨洽，荀、張比之於遷、固，非妄譽也。」
爭議
[編輯]《晉書》記佢同丁儀、丁廙兩兄弟嘅仔收立傳費，話：「可覓千斛米見與，當為尊公作佳傳。」但係佢哋拒絕咗，陳壽竟唔同佢哋兄弟高名聲立傳。據《三國志·魏書·任城陳蕭王傳》記嘅話，陳壽出生前13年（220年）曹丕抄嗮丁氏兄弟同全家男丁，根本冇後世，如果用呢個說話，就晉書記嘅係假嘅。但陳壽係《三國志》作者，所以呢講法唔足確切證據。有人信丁儀遺孀嘅著作《寡婦賦》嘅「抱弱子以自慰」一話，認為丁氏兄弟同男性被殺，但係未必牽連男嗣。呢個講法係存疑嘅，因為《寡婦賦》未必係丁儀遺孀所作嘅，講嘅都未必係丁儀遺孀。
潘眉《三國志考證》指出丁儀、丁廙唔係高官同冇大功，又奪嫡唔成，係曹魏罪人，就係唔得立傳嘅原因。王鳴盛《十七史商榷》寫嘅：「丁儀、丁廙巧佞之猶，安得立傳？」朱彝尊仲話：「（陳）壽於魏文士，惟為王粲、衛覬等五人立傳，粲取其興造制度，覬取其多識典故，若徐幹、陳琳、阮瑀、應瑒、劉楨，僅於《粲傳》附書。彼丁儀、丁廙何獨當立傳乎？造此謗者，亦未明壽作史之大凡矣。」話丁氏兄弟好少事蹟講，就冇同佢哋立傳。