Afrika-bontpaling
Die Afrika-bontpaling (Anguilla bengalensis labiata) is 'n varswater vis wat voorkom in die Zambezi- en die Saveriviere aan die ooskus van Suider-Afrika. Hulle kom ook voor verder noordwaarts in Oos-Afrika.
| Afrika-bontpaling | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | |
| Subspesie: | A. b. labiata
|
| Trinomiale naam | |
| Anguilla bengalensis labiata (W. K. H. Peters, 1852)
| |
In Engels staan die vis bekend as die African mottled eel terwyl hengelaars doodgewoon van die paling praat.
Voorkoms
wysigDie kop is vlesig, met oë ver voor; die bek is groot en voor geplaas, met dik lippe. Die profiel is reguit, die kop en lyf is ewe dik.
Daar is baie fyn raspertande in beide die bo- en onderkaak.
Die rugvin begin halfpad tussen die borsvin en die anus, en loop reg rondom die lyf se lengte, om die stertvin en die anale vin in te sluit, en eindig net agter die anus. Die borsvin is gepaard, swak ontwikkel en sit net agter die klein kiefopeninge.
Die vis se vorm is tipies slangagtig – silindries en lank.
Die vis wissel in kleur van lig tot donker olyf/geel bruin bo-op, met silwer/wit onder. Donker bruin/swart vlekke of kolle kom oor die gekleurde dele voor.
Die skubbe is mikroskopies klein in ‘n dik slymlaag.
Habitat
wysigDie teelgebied van varswater-palings is die westelike Indiese Oseaan oos van Madagaskar.
Sodra hulle volwasse begin raak, trek hulle uit die varswater-stelsels, soos riviere, terug see toe. Hulle broei dan uit in die see, gedurende die maande van Desember en Januarie. Daarna word die jong palingvissies deur die Agulhasstroom teen die suidooskus van Afrika afgevoer.
Varswater wat uit ons riviere see-in vloei, is die sneller wat hulle in die riviere laat inbeweeg. Jaarliks, in Januarie en Februarie se omgewing, migreer hul weer land in.
Hulle oorkom moeilike struikelblokke en vorder tot so ver as die Karibadam in die Zambezirivier. Die mannetjies bly dan agt tot tien jaar lank in die varswater, terwyl die wyfies vyftien tot twintig jaar daarin vertoef.
Hulle kan ook, nes die Baber en Vundu, redelike afstande oor land beweeg, veral as hul lyf en stert natterig bly van dou en/of reënwater op gras.
Hulle bly in enige water waar genoeg skuilplek is maar verkies rotserige diep water, of poele met goeie skuilplekke; veral waar baie obstruksies, soos boomstompe, voorkom.
Hengel vir Paling
wysigDie Afrika-bontpaling is ‘n gewilde hengelvis. Hulle word tot 1.45 m lank en is een van die groter paling spesies. Dit is die dominante spesie in die Zambezirivier. Die Suid-Afrikaanse Hengelrekord is 20.638 kg. Hulle word tot ongeveer 25 kg groot; die algemene grootte is van 10 tot 15 kg.
Nes die Skerptandbaber en Vundu eet palings enige vleis- en visaas, sowel as erdwurms en groter insekte.
Groenpaddas, klein voëltjies, dagoud kuikens, bebroeide kuikens.[1] hoenderderms en klein vissies is egter 'n paling se gunstelingkos.
Gebruik sterk hengelgereedskap. Wanneer hulle gevang word moet hulle vinnig uitgehaal word; moet hulle nie speel nie, sleep hulle uit voor hulle kans kan kry om hul stert om obstruksies (soos boomstompe) te draai. As dit eers gebeur het kry jy hulle nie maklik geroer nie, en die hoek sal uitskeur as jy hulle te hard probeer los forseer. In sulke gevalle moet hulle bietjie kans gegee word (verslap die lyn ‘n bietjie) totdat hulle vanself hul stert van die obstruksie losmaak/losrol. Sleep hulle dan so vinnig as moontlik uit.
Algemeen
wysigPalingwyfies is gewoonlik groter as die mannetjies en die verskil kan aanmerklik wees. Só kan die wyfies van die Afrika-bontpaling ’n massa van tot 25 kg bereik, terwyl die mannetjies sleg afsteek met ’n maksimum-massa van omtrent 2 kg.
Die meeste palings word per ongeluk deur Baber/Vundu hengelaars gevang en in baie gevalle dink hulle dan dat hulle ‘n slang gevang het, met die gepaardgaande konsternasie wat dit meebring.
Die paling is ‘n lekker eetvis; verwyder die vel, sny in filette, gooi bietjie sout bo-oor en maak gaar soos enige ander vis.
Sien ook
wysigBron
wysig- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
- Hengel Visse in die Caprivi. Willem Botha. 1984.
- Freshwater Fishing in South Africa. Michael G. Salomon. 1978. ISBN 0 908393 23 7
- Slippa and Slippery. Dr. Jim Cambray van die Albany-museum in Grahamstad.
Verwysings
wysig- ↑ Bebroeide Kuikens en ander ase, besoek op 5 Julie 2013