Bank van Engeland
Die Bank van Engeland is die sentrale bank van Brittanje. Van die bank se pligte is om vas te stel hoeveel geld die regering kan leen en om die koers waarteen individue en ondernemings lenings kan aangaan vas te stel.[1] Dit is die tweede oudste sentrale bank (naas die Sweedse Riksbank), en die wêreld se 8ste oudste bank. Die bank was sedert 1694 in privaat besit, maar die regering het dit in 1946 oorgeneem.[2][3] Dit is tans deel van die Europese Stelsel van Sentrale Banke.
Die bank se hoofkantoor is sedert 1734 in Londen se finansieel distrik, die City of London langs Threadneedle-straat, geleë. Dit word soms The Old Lady of Threadneedle Street (Threadneedle-straat se ou dame) genoem.[4]
Die bank is een van agt banke wat gemagtig is om banknote in die Verenigde Koninkryk uit te reik. Dit het 'n monopolie op die uitreiking van banknote in Engeland en Wallis, en reguleer die uitreiking van banknote deur kommersiële banke in Skotland en Noord-Ierland.[5]
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "House of Commons Debate 29th October 1945, Second Reading of the Bank of England Bill" (in Engels). Hansard.millbanksystems.com. Geargiveer vanaf die oorspronklike op 5 April 2016. Besoek op 12 Oktober 2012.
- ↑ "Bank of England Act 1946" (in Engels). Geargiveer vanaf die oorspronklike (PDF) op 22 Desember 2016. Besoek op 12 Oktober 2012.
- ↑ Historic UK, "The Old Lady of Threadneedle Street". Besoek op 18 Maart 2012.
- ↑ "The Bank of England's role in regulating the issue of Scottish and Northern Ireland banknotes". Bank of England website (in Engels). Geargiveer vanaf die oorspronklike op 4 Februarie 2012. Besoek op 31 Oktober 2011.
Eksterne skakels
wysig- (en) Amptelike webtuiste
Wikimedia Commons het meer media in die kategorie Bank van Engeland.
