Avalon (mitologie)

"The last sleep of Arthur in Avalon", deur Edward Burne-Jones 1881–1898

Glastonbury Tor is volgens verhale die huis van Gwyn ap Nudd, koning van die feë.

Avalon (ook Avallon) is volgens ou legendes oor koning Arthur 'n heilige eiland, moontlik in die suidweste van Engeland naby Glastonbury, waar Arthur begrawe sou wees.

In die legende is Avalon 'n eiland wat in digte mis verberg is. Dit kan slegs bereik word deur 'n magiese boot te roep wat mens na die eiland neem. Koning Arthur het ná sy besering deur Mordred in die Slag by Camlann hier kom rus, nadat hy deur sy halfsuster Morgan le Fay of drie ander hekse daarheen gebring is. Volgens sommige legendes rus hy daar totdat hy weer wakker word om Engeland te red. Volgens dieselfde legendes is sy swaard, Excalibur, op die eiland gesmee.

Die eiland word dikwels met Glastonbury geassosieer, meer spesifiek die Glastonbury Gate, wat toegang hierheen sou bied. Daar is egter geen betroubare bronne hiervoor nie. Die stad word vir toeristiese redes as die ligging van Avalon geadverteer, en die graf van koning Arthur en sy vrou Guinevere (Gwenhwyfar) kan hier bewonder word.

Literatuur

• Geoffrey Ashe: Artikel Avalon, in: Norris J. Lacy (Hg.), The new Arthurian encyclopedia, New York & London 1996, p. 25-26 ISBN 0-8153-2303-4
• Artikel Avalon, in: Christopher W. Bruce, The Arthurian name dictionary, New York & London 1999, p. 50-51 ISBN 0-8153-2865-6
• Norris J. Lacy und Geoffrey Ashe: The Arthurian handbook, (= Garland reference library of the humanities, Volume 1920), 2. Auflage New York & London 1997 ISBN 0-8153-2081-7
• Marion Zimmer Bradley : "Mists of Avalon" (1982)

Verwysings

• Wikimedia Commons het meer media in die kategorie Avalon (mitologie).