Freudenstadt

Freudenstadt
Stad
Die historiese middestad en markplein van Freudenstadt
Seël
Ligging in die distrik Freudenstadt
Freudenstadt Ligging in Duitsland
Koördinate: 48°28′N 08°25′O
Land	Duitsland
Deelstaat	Baden-Württemberg
Administratiewe streek	Karlsruhe
Administratiewe distrik	Freudenstadt
Regering
• Burgemeester	Julian Osswald (CDU)
Oppervlak
• Totaal	87,58 km2 (33,81 vk. myl)
Hoogte	732 m (2 402 ft)
Bevolking
• Totaal	22 253
• Digtheid	254/km2 (660/vk. myl)
Tydsone	UTC+1:00 (MET)
• Somertyd	UTC+2:00 (MEST)
Poskode	72250
Skakelkodes	07441, 07442, 07443
Webwerf	www.freudenstadt.de

Freudenstadt is 'n stad in die Duitse deelstaat Baden-Württemberg wat sowat 65 km suidwes van Stuttgart en 60 km suid van Karlsruhe op 'n hoogplato aan die oostelike rand van die Noord-Swartwoud geleë is. Die stad is amptelik erken as herstellingsoord en beskik oor geriewe soos Kneipp-baddens. Tradisioneel is dit ook 'n gewilde toeristebestemming.

Freudenstadt is 'n relatief jong nedersetting wat in 1599 deur hertog Friedrich I van Württemberg gestig is. Die stad se geskiedenis is verskeie kere deur rampe oorskadu - twee pesepidemieë in 1610 en 1635, 'n brandramp in 1632, plunderinge deur Franse en Weimarse troepe gedurende die Dertigjarige Oorlog, oorlogshandelinge gedurende die Paltiese en Spaanse Suksessieoorloë en 'n Franse inval in 1796.

Opvallend is die streng geometriese straatrooster van Freudenstadt se historiese stadskern. Nadat die beplande hertoglike kasteel nooit verwesenlik is nie, het die grootste markplein in Duitsland ontstaan. Kenmerkend is die arkades in omliggende geboue, die raadsaal met sy hoë toring en die stadskerk op die laer markplein met sy dubbeltoring.

Vandag dien Freudenstadt as die administratiewe sentrum van die gelyknamige distrik.