Helgaard Steyn-toekenning
Die Helgaard Steyn-toekenning, ook bekend as die Helgaard Steyn-prys is ’n toekenning wat aan kunstenaars van woord, beeld en musiek gemaak word en is die grootste private prys vir kunste in Suid-Afrika. Die toekenning word deur die Helgaard Steyn Trust gemaak.
Die Helgaard Steyn Trust
[wysig | wysig bron]Die Helgaard Steyn Trust het tot stand gekom uit die boedel van dr Jan Steyn, in lewe LV vir Potchefstroom en direkteur van maatskappye in die Rembrandt Groep. Die Trust is vernoem na sy vader, ’n voormalige LPR van Bloemfontein en jonger broer van die laaste republikeinse president van die Oranje-Vrystaat, M.T. Steyn.
Die Trust het ten doel die bevordering van die Kunste en die bewaring van Vrystaatse plaaseiendomme. Die helfte van die opbrengs uit die huurgeld van die Trust se plase word jaarliks aangewend vir die Helgaard Steyn Toekenning ter bevordering van Die kunste. Die toekenning word vierjaarliks om die beurt aan die beste komponis, kunsskilder, Afrikaanse skrywer en beeldhouer toegeken.
’n Beoordelaarspaneel van drie persone met een beoordelaar elk wat deur die Universiteit van die Vrystaat en die Noordwes-Universiteit aangewys word en die derde deur die twee aangewese beoordelaars, word versoek om ’n wenner vir die betrokke jaar se prys aan te wys.[1] Die beoordelaars maak die toekenning aan enige Suid-Afrikaans-gebore kunstenaar wat in die vier jaar voor die toekenning ’n kunswerk gelewer het wat die mees verdienstelike werk in die betrokke dissipline is en wat publiek toeganklik bewaar word.
Toekennings
[wysig | wysig bron]Skilderkuns
[wysig | wysig bron]- 1987 – Pippa Skotnes vir Lament (1985)
- 1991 – Nel Erasmus vir Jazz Baby Spent Autumn
- 1995 – Robert Hodgins vir South African Summer, all this is so and yet (1992)
- 2003 – Cyril Coetzee vir T’kama - Adamastor
- 2007 – Bronwyn Findlay vir All about everything (2006)[2]
- 2011 – Pauline Gutter vir Silenced I[3]
Letterkunde
[wysig | wysig bron]- 1988 – Karel Schoeman vir ’n Ander Land
- 1992 – John Miles vir Kroniek uit die doofpot
- 1996 – Breyten Breytenbach vir Nege landskappe van ons tye bemaak aan ’n beminde (1993)
- 2000 – John Kannemeyer vir Leipoldt: ’n Lewensverhaal[4]
- 2004 – Dan Sleigh vir Eilande[5]
- 2008 – Marlene van Niekerk vir Agaat (2004)[6] en Hermann Giliomee vir Die Afrikaners (2004)[7]
- 2012 – PG du Plessis vir Fees van die Ongenooides
- 2016 – Willem Anker vir Buys[8]
- 2024 – Antjie Krog vir Plunder (2022)[9]
Beeldhoukuns
[wysig | wysig bron]- 1989 – David Brown vir Voyage II
- 1993 – Jackson Hlungwani vir Tiger Fish II, Adam and the birth of Eve, Large Cruciffix, God and Christ, Michael Star en Altar of God
- 1997 – Gert Swart vir Grace (1996)
- 2001 – Willem Boshoff vir Blind Alphabet ABC
- 2005 – Jan van der Merwe vir Showcase (2003)[10]
- 2009 – Adrita Wentzel vir Aspects of the dark other
- 2013 – Wim Botha vir Blastwave (2010)
- 2017 – Angus Taylor vir Dionysus (2017)[1]
Komponis
[wysig | wysig bron]- 1990 – Roelof Temmingh vir Drie Sonette
- 1994 – Peter Klatzow vir From the Poets
- 1998 – Stefans Grové vir Afrika Hymes II
- 2002 – Roelof Temmingh vir Kantate wenn wir hochsten noten sein
- 2006 – Roelof Temmingh vir Kantorium
- 2010 – Hans Huyssen vir Proteus Variations (2006)
Verwysings
[wysig | wysig bron]- ↑ 1,0 1,1 "Angus Taylor wen Welgaard Steyn-toekenning vir beeldhoukuns" (html) (in Engels). Everard Read. 1 Desember 2017. Geargiveer vanaf die oorspronklike op 9 Oktober 2019. Besoek op 7 Desember 2017.
- ↑ "NWU ken Helgaard Steyn-prys toe aan bekende kunstenaar" (html). NWU. Besoek op 7 Desember 2017.[dooie skakel]
- ↑ "Pauline Gutter ontvang Helgaard Steyn-prys op NWU-kampus" (html). NWU. Geargiveer vanaf die oorspronklike op 9 Oktober 2019. Besoek op 7 Desember 2017.
- ↑ "J.C. Kannemeyer" (html) (in Engels). Stellenbosch Writers. Geargiveer vanaf die oorspronklike op 24 Oktober 2019. Besoek op 7 Desember 2017.
- ↑ "Eilande" (html). Maroela Media. 15 Julie 2011. Geargiveer vanaf die oorspronklike op 9 Oktober 2019. Besoek op 7 Desember 2017.
- ↑ Van Coller, Hennie (Maart 2009). "Helgaard Steyn-prys (2008) aan Marlene van Niekerk vir Agaat: commendation" (html). Tydskrif van die Afrikaanse Letterkundevereniging. 21 (1): 131–133. Besoek op 7 Desember 2017.
{{cite journal}}: Cite has empty unknown parameter:|1=(hulp) - ↑ Hugo, Daniel (Maart 2009). "Helgaard Steyn-prys (2008) aan Hermann Giliomee vir Die Afrikaners - 'n biografie: commendatio" (html). Tydskrif van die Afrikaanse Letterkundevereniging. 21 (1): 124–125. Besoek op 7 Desember 2017.
{{cite journal}}: Cite has empty unknown parameter:|1=(hulp) - ↑ Pople, Laetitia (16 November 2016). "Buys wen Helgaard Steyn-prys" (html). Netwerk24. Geargiveer vanaf die oorspronklike op 9 Oktober 2019. Besoek op 7 Desember 2017.
- ↑ "Krog herskryf geskiedenisboeke met ontvangs van Helgaard Steyn-prys" (html). Maroela Media. 25 September 2024. Besoek op 25 September 2024.
{{cite web}}: AS1-onderhoud: url-status (link) - ↑ (en) "Kunstenaar CV". art.co.za. Geargiveer vanaf die oorspronklike (html) op 9 Oktober 2019. Besoek op 7 Desember 2017.