Iron Man

Iron Man
Iron Man
Maak Verskyning	Tales of Suspense #39 (Maart 1963)
Gepubliseer Deur	Marvel Comics
Geskep Deur	Stan Lee Larry Lieber Don Heck Jack Kirby

Iron Man (Anthony Edward "Tony" Stark) is 'n fiktiewe karakter en 'n superheld in die Marvel Comics Wêreld. Die karakter is geskep deur skrywer en redigeerder Stan Lee, ontwikkel deur teksskrywer Larry Lieber, en ontwerp deur kunstenaars Don Heck en Jack Kirby. Hy maak sy eerste verskyning in Tales of Suspense #39 in Maart 1963.

'n Miljardêr pierewaaier, industrialis en vindingryke ingenieur, Stark, doen 'n ernstige borskasbesering op gedurende 'n ontvoering, waartydens sy gevangenemers probeer om hom te forseer om 'n wapen van massavernietiging te bou. In plaas daarvan, skep hy 'n kragpak van yster om sy lewe te red, en ontsnap uit sy gevangeneskap. Hy gebruik later die pak om die wêreld te beskerm as Iron Man. Deur sy multinasionale korporasie Stark Industries het Tony baie militêre wapens geskep, sommige wat saam met ander tegnologiese apparate deur hom gemaak is en geïntegreer is in sy pak, wat hom help om misdaad te bestry. Oorspronklik was Iron Man 'n model vir Stan Lee om Koue Oorlog-temas na te vors, veral die rol van Amerikaanse tegnologie in die stryd teen kommunisme. Daaropvolgende herskeppings van Iron Man het verander van Koue Oorlog-temas na huidige bekommernisse, soos korporatiewe (witboordjie-) misdaad en terrorisme.

In ander media

In 2008 verskyn Robert Downey jr. as Tony Stark in 'n rolprentweergawe met die titel Iron Man, gedirigeer deur Jon Favreau. Die film het oor die algemeen positiewe resensies van rolprentbeoordelaars ontvang, dit het $318 miljoen plaaslik verdien en $570 miljoen wêreldwyd. Downey vertolk weer sy rol in Iron Man 2, wat in 2010 vrygestel is en weer gedirigeer is deur Jon Favreau. Downey het nou ook aangesluit vir 'n tweede opvolg en 'n aanpassing van The Avengers.