Istmiese Spele
Die Istmiese Spele (Grieks: τα Ἴσθμια ta Isthmia) was een van die vier pan-Hellenistiese spele van Antieke Griekeland wat nes die Nemeïese Spele elke twee jaar (in die tweede en vierde jaar van die olimpiade) op die landengte (istmus) van Korinthe gehou is ter ere van die seegod Poseidon.
Die spele is na bewering deur die mitiese eerste koning en stigter van Korinthe, Sisiphos, begin. Die historiese datum van die stigting van die spele is 581 v.C. Nadat Korinthe in 146 v.C. deur die Romeine verwoes is, is toesig oor die spele ’n eeu lank (van 146-44 v.C.) deur die stad Sikyon oorgeneem. Ná die heropbouing van Korinthe en die omgewing (vanaf 44 v.C.)[1] is die Istmiese Spele weer met die voormalige luister gevier.[2][3] Dit het in die 1ste eeu n.C. ’n nuwe bloeitydperk beleef.
Daar was sport- sowel as kunskompetisies op die spele. Die wenners het ’n krans van denneblare gekry, wat met Poseidon verbind word. Hulle het ook ’n goeie naam gekry en is met standbeelde[4] of lofliedere vereer.
Ná die 2de eeu v.C. het verslae oor die Istmiese Spele al hoe skaarser geword.
Verwysings
[wysig | wysig bron]- ↑ Pausanias, Description of Greece 2.1.2.
- ↑ "argiefkopie". Geargiveer vanaf die oorspronklike op 1 Junie 2007. Besoek op 4 November 2018.
- ↑ Solinus, Wonders of the World 7.14.
- ↑ Pausanias, Description of Greece 2.1.7.
Eksterne skakels
[wysig | wysig bron]- (nl) "Isthmische Spelen op Ancient Olympics" (KU Leuven, 2007) Geargiveer 13 Maart 2016 op Wayback Machine
- (en) Argeologiese museum van Istmus.
Hierdie artikel is vertaal uit die Nederlandse Wikipedia
