Massaproduksie
Massaproduksie is die vervaardiging van groot hoeveelhede gestandardiseerde produkte op monteerlyne.
Die vervaardigingstegniek is veral deur Henry Ford gewild gemaak in die 20ste eeu, veral deur sy vervaardiging van die Ford Model T.
Tydens massaproduksie word daar tipies gebruik gemaak van spore of vervoerbande om gedeeltelik voltooide produkte na medewerkers te vervoer, wat eenvoudige en herhalende take verrig om baie hoë produksietempos per werker te verseker sodat hoë volume vervaardiging van goedkoop goedere verseker kan word. Massaproduksie is kapitaalintensief aangesien dit tot 'n groot mate van masjinerie gebruik maak relatief tot die aantal arbeiders. Met laer arbeidskostes en 'n vinniger produksietempo, word die vereiste kapitaal vermeerder maar lopende uitgawes verminder. Masjinerie wat benodig word om 'n massaproduksielyn op te stel is egter so duur dat daar verseker moet word dat die produk sukses sal behaal sodat die maatskappy verseker kan word van 'n goeie opbrengs op sy belegging. Masjinerie vir massaproduksie soos robotte en persmasjiene se installasiekostes is ook baie hoog. Massaproduksie is dus uiters geskik om groot, relatief homogene verbruikersgroepe te bedien wie se vraag na sodanige produkte lang produksielopies, wat die soort produksieproses vereis, sal regverdig.
Bronne
[wysig | wysig bron]- Womack, Jones, Roos; The Machine That Changed The World, Rawson & Associates, New York. Gepubliseer deur Simon & Schuster, 1990.
Eksterne skakels
[wysig | wysig bron]
Wikimedia Commons het meer media in die kategorie Massaproduksie.
