Pieter Groenewald
| Pieter Groenewald | |
 Pieter Groenewald in 2018 | |
Minister van Korrektiewe Dienste
| |
| Ampsbekleër | |
| Termynaanvang 3 Julie 2024 | |
| Vise | Lindiwe Ntshalintshali |
|---|---|
| President | Cyril Ramaphosa |
| Voorafgegaan deur | Ronald Lamola as Minister van Justisie en Korrektiewe Dienste |
Leier van die Vryheidsfront Plus
| |
| Ampsbekleër | |
| Termynaanvang 12 November 2016 | |
| Voorafgegaan deur | Pieter Mulder |
Persoonlike besonderhede
| |
| Gebore | 27 Augustus 1955 |
| Politieke party | Vryheidsfront Plus Konserwatiewe Party |
| Eggenoot/-note | Hedwig Groenewald |
| Kind(ers) | Michal Groenewald |
| Alma mater | PU vir CHO |
Dr. Pieter Groenewald (* 27 Augustus 1955 as Petrus Johannes Groenewald) is ’n Suid-Afrikaanse politikus. Hy dien sedert Julie 2024 as Minister van Korrektiewe Dienste. Groenewald is die nasionale leier en ’n stigterslid van die Vryheidsfront Plus, lid van die parlement van Suid-Afrika, en lid van die dagbestuur van die Organisasie van Nie-verteenwoordigde Nasies en Volkere. Groenewald was van 1994 tot Maart 2017 die provinsiale leier van die Vryheidsfront Plus in Noordwes[1] en hy was voorsitter van die Vryheidsfront Plus van 11 Augustus 2011 tot 12 November 2016, toe hy as nasionale leier van die party verkies is. Hy was van 1994 tot 1999 voorsitter van die parlement se portefeuljekomitee op verdediging.
Vroeë lewe
[wysig | wysig bron]Na afloop van sy hoërskoolloopbaan meld Groenewald aan vir militêre diens aan die die berede-sentrum in Potchefstroom. Na afloop van sy militêre diens verwerf hy ’n B.Iuris-graad aan die Potchefstroomse Universiteit vir Christelike Hoër Onderwys.[2] Hy het ook ’n nagraadse diploma in kommunikasie voltooi, gevolg deur ’n meestersgraad in 2005 in bestuur en ontwikkeling met sy verhandeling Die oorloopklousule as faktor in die herskikking van die Suid-Afrikaanse partypolitiek en ’n doktorsgraad in 2013 in politieke wetenskap met die titel van sy proefskrif Die Suid–Afrikaanse nasionale kiesstelsel : ’n kritiese ontleding en alternatiewe. Hy het talle oorsese studietoere onderneem.
Verwysings
[wysig | wysig bron]- ↑ "Dr Pieter Groenewald" (Profiel). Vryheidsfront Plus. Geargiveer vanaf die oorspronklike op 11 Mei 2019. Besoek op 30 Junie 2017.
- ↑ "Abridged CV's of the first 25 candidates on the FF Plus' National Candidate list" (Kandidatelys). Vryheidsfront Plus (in Engels). Geargiveer vanaf die oorspronklike op 1 Augustus 2019. Besoek op 30 Junie 2017.
Eksterne skakels
[wysig | wysig bron]
Wikiquote het aanhalings deur Pieter Groenewald.- Biografiese profiel op partywebwerf Geargiveer 11 Mei 2019 op Wayback Machine
- Pieter Groenewald op Twitter
- Dr Pieter Groenewald Geargiveer 25 Julie 2017 op Wayback Machine op Who's Who Southern Africa
