The Shard

Shard London Bridge
The Shard

Verdiepings
95 (waarvan 72 as kantoor- of woonruimte dien)

Voltooiing
5 Julie 2012

Strukturele ingenieurs
WSP Global

Opdraggewer
Sellar-eiendomsgroep vir LBQ Ltd

Straatadres
20 Fenchurch Street
London, SE1

Argitektoniese besonderheid
Konstruksie van bo na benede
Betonkern en fondament het gelyktydig ontstaan
Gebruik van ekstra-wit glas vir fasade

Uitsig oor *The Shard* en die *City of London* se wolkekrabbers aan die teenoorliggende noordelike Teemsoewer

*The Shard* teen sononder. Die wolkekrabber se fasade is 'n gedurig veranderende kleurespel, afhangende van die tyd van die dag en die weerstoestande

The Shard (ook bekend as Shard London Bridge, London Bridge Tower of die Shard of Glass) is 'n wolkekrabber in die Britse hoofstad Londen wat in 2012 as deel van die herontwikkeling van die London Bridge-buurt voltooi is. Die boukoste het sowat £450 miljoen beloop. Die wolkekrabber is tans in besit van die Staat Katar (95 persent) en die Sellar-eiendomsgroep (5 persent).

Die toring het 'n hoogte van 309,6 meter met 72 verdiepings. Dit is die hoogste gebou in die Verenigde Koninkryk, die vyfde hoogste gebou in Europa en die 111de hoogste gebou ter wêreld. Dit is daarnaas ook die tweede hoogste vrystaande struktuur in die Verenigde Koninkryk, ná die Emley Moor-uitsaaitoring in West Yorkshire.

The Shard vervang die Southwark Towers, 'n kantoorgebou van 24 verdiepings wat in 1976 opgerig is.

Geskiedenis

The Shard is in opdrag van die Londense projekontwikkelaar Irvine Sellar in 2000-2001 deur die Italiaanse argitek Renzo Piano ontwerp, wat internasionaal bekend is vir die ontwerp van die Centre Pompidou in Parys.^[1] Die bouwerk is in Maart 2009 begin. Dit is in Julie 2012 amptelik deur die eerste minister van Katar, Sjeik Hamad Bin Jassem Bin Jabor Al Thani, en die Hertog van York geopen.