Vlag van Thailand

Vlag van Thailand

Vlag van Thailand
Bynaam	(th) Trairanga (ธงไตรรงค์), Thong Trairong), "Driekleurvlag"
Gebruik	Nasionale vlag en Burgerlike- en Staatsvaandel
Verhouding	2:3
Goedgekeur	28 September 1917 (gestandaardiseer op 30 September 2017)
Ontwerp	Vyf horisontale bane in die rooi, wit, blou, wit en rooi
Ontwerp deur	Koning Vajiravudh (Rama VI)
Wisselvormvlag van Thailand
Bynaam	(th) ราชนาวี (Thong Ratchanawi), "Koninklike Vaandel"
Gebruik	Vlootvaandel
Verhouding	2:3
Goedgekeur	28 September 1917
Ontwerp	’n Rooi skyf met 'n wit olifant in regalia wat op die nasionale vlag gesentreer is.

Die nasionale vlag van Thailand (Thai: ธงไตรรงค์ Trairanga, Thong Trairong, "Driekleurvlag") is op 28 September 1917 amptelik in gebruik geneem. Die vlag vertoon vyf horisontale bane in rooi, wit, blou, wit en rooi. Thailand vier sedert 2016 hul nasionale vlagdag op 28 September, en dit is ook ’n openbare vakansiedag in Thailand.

Simboliek

Van die kleure word gesê dat dit volk-geloof-koning (’n nie-amptelike leuse van Thailand) voorstel, rooi vir die land en die volk, wit vir gelowe en blou vir die monargie. Blou was ook die kleur wat Rama VI gekenmerk het. Die koning het in Julie 1917 oorlog teen Duitsland verklaar; gevolglik is opgemerk dat die vlag dieselfde kleure as dié van Brittanje, Frankryk, Rusland en die Verenigde State gehad het, wat op simpatie met die Geallieerdes gedui het.

Ontwerp

Die Vlagwet van BE 2522 (1979 CE) stipuleer die ontwerp van die vlag as “reghoekig in vorm met in die verhouding van 6 by 9 dele, verdeel in vyf bane deur die wydte van die vlag; met die middelste baan twee dele hoog in donkerblou, die wit bane elk een deel hoog aan weerskante van die blou baan, en die rooi bane elk een deel hoog aan die buitekant van die wit bane. Die Nasionale Vlag sal as die Tri-Rong-vlag bekend staan”.

Konstruksietekening

Kleure

Wapperende vlag van Thailand, kleure tot 2017

Thaise vlae wapper halfstok, kleure tot 2017

Wapperende vlootvaandel van Thailand, kleure tot 2017

Die kleure van die vlag is in ’n aankondiging van die Kantoor van die Eerste Minister aangekondig op 30 September 2017. Dit verskaf aanbevole waardes vir die bepaling van die standaardkleure van fisiese materiaalvlae, soos volg in die CIELAB-kleurruimte onder Ligbron D65 gedefinieer:

Kleur		CIELAB D65					In ander kleurmodelle
		L*	a*	b*	ΔE*		RGB	HEX	CMYK
	Rooi	36.4	55.47	25.42	Hoogstens 1.5		165-25-49	#A51931	C24-M100-Y83-K18
	Wit	96.61	-0.15	-1.48	Hoogstens 1.5		244-245-248	#F4F5F8	C3-M2-Y1-K0
	Blou	18.63	7.89	-19.45	Hoogstens 1.5		45-42-74	#2D2A4A	C87-M85-Y42-K43

Geskiedenis

Die eerste vlag wat vir Siam gebruik is, is waarskynlik ’n effekleurige rooi vlag, vir die eerste keer deur Koning Narai (1656–1688) gebruik. Vlootvlae het later verskillende simbole op die rooi agtergrond gebruik — ’n wit chakra (die Boeddhiste wiel), ’n wit olifant binne die chakra, of ’n wit skyf met ’n son daarbinne.

Die eerste vlag is amptelik in 1855 deur Koning Mongkut (Rama IV) geskep. Dit het ’n wit olifant (’n koninklike simbool) op ’n rooi agtergrond vertoon, aangesien die effekleurige vlag nie uitsonderlik genoeg vir internasionale verhoudinge was nie.

In 1916 is die vlag verander na die huidige ontwerp, maar met die middelste kleur dieselfde as die buitenste baan. Koning Vajiravudh (Rama VI) het die vlag blykbaar tydens ’n vloed onderstebo sien hang. Om te keer dat dit weer gebeur het hy ’n nuwe vlag ontwerp wat simmetries is. In 1917 is die middelste kleur na blou verander, die kleur vir Saterdag, die dag waarop Koning Vajiravudh gebore is. Volgens ander bronne is die blou kleur gekies om solidariteit met die Geallieerde Magte tydens die Eerste Wêreldoorlog, wat ook die kleure blou-rooi-wit in hulle vlae gehad het, te toon.

Vorige vlae

• 
  Diensvlag van Siam, 1700 tot 1782
• 
  Diensvlag van Siam, 1782 tot 1855
• 
  Diensvlag van Siam, 1817 tot 1855
• 
  Vlag van Siam, 1855 tot 1916
• 
  Staatsvlag van Thailand, 1839 tot 1917
• 
  Burgerlike vlag van Thailand, 1916 tot 1917
• 
  Burgerlike vlag van Thailand, 1917 tot 2017

Ander vlae

Die vlootvaandel van Thailand ((th) ธงราชนาวี) is in 1917 aangeneem. Dit is soortgelyk aan die nasionale vlag, maar het ’n rooi skyf in die middel wat strek tot by die rooi bane aan die bo- en onderkant. In die skyf is ’n wit olifant, in volle mondering, wat in die rigting van die vlagpaal staan. Die handelsvlag van Thailand ((th) ธงฉาน) is ook in 1917 aangeneem. Dit is die nasionale vlag wat die embleem van die Koninklike Thailandse Vloot in die middel het. Die ontwerp van die regimentele kleure van RTN is dieselfde as dié van die vlag.

• 
  Oorlogsvlag van Thailand tydens die Eerste Wêreldoorlog, voorkant
• 
  Oorlogsvlag van Thailand tydens die Eerste Wêreldoorlog, agterkant
• 
  Vlootvaandel van Thailand, 1917 tot 2017
• 
  Vlootvaandel van Thailand, sedert 2017
• 
  Geus van die Koninklike Marine van Thailand, 1917 tot 2017
• 
  Geus van die Koninklike Marine van Thailand, sedert 2017

Soortgelyke vlae

• 
  Vlag van Costa Rica

Bronne

• (en) Macharoen, Chawingam (2002). Thong Thai Laem 1. Bangkok. ISBN 974-419-454-5.{{cite book}}: AS1-onderhoud: plek sonder uitgewer (link)

Eksterne skakels

• (en) Thailand by Flags of the World
• (en) Siam Vlagmuseum Geargiveer 23 Mei 2019 op Wayback Machine
• (en) Historiese Thaivlag
• (en) "Flag of Thailand". Encyclopædia Britannica. Besoek op 28 Mei 2019.