Wasserthaleben
|
Wasserthaleben | |
|---|---|
| Kaart | Wapen |
 | |
 | |
| Vlag | |
 | |
| Land |  Duitsland
|
| Deelstaat |  Thüringen
|
| Koördinate | 51°16′N 10°54′O / 51.267°N 10.900°O |
| Stigting (eerste verwysing) | 1224 |
| Oppervlakte: | |
| - Totaal | 8,5 vk km |
| Hoogte bo seevlak | 219 m |
| Bevolking: | |
| - Totaal (31 Desember 2014) | 408 |
| - Bevolkingsdigtheid | 48/vk km |
| Tydsone | UTC +1 (MET) |
| Somertyd | UTC +2 (MEST) |
| Burgemeester | Norbert Diessl (CDU) |
Wasserthaleben is 'n munisipaliteit in die administratiewe distrik Kyffhäuser van die deelstaat Thüringen, in die voormalige Oos-Duitsland. Dit was van 1599 tot 1920 deel van die vorstedom Schwarzburg-Sondershausen. Vir administratiewe doeleindes en munisipale dienslewering het Wasserthaleben op 25 Maart 1992 met vier ander munisipaliteite saamgespan om die administratiewe gemeenskap Greußen te vorm, genoem na die grootste nedersetting, Greußen. Nog vier nedersettings het mettertyd bygekom. Die dorpie se bevolking was 549 in 1994, maar dit toon 'n geleidelike afname sodat die inwoners in 2014 net 408 getel het.
Wasserthaleben is geleë op die vlakte van die Thüringen-bekken. Die Helbe vloei deur die dorp. Die spoorlyn Erfurt-Nordhausen loop deur die vallei. Links en regs van die vallei is hoogtes wat met gras bedek of met bome beplant is.
Die vroegste vermelding van die dorpie is in ’n dokument van 1224 waarin dit Talhahem of Thalheim genoem word. Thalheim, waaruit die huidige dorpie ontstaan het, was suid van Wasserthaleben aan die oorkant van die Helbe geleë. Dit het ontstaan rondom die Klooster Sorge, waarvan die oorblyfsels vandag nog gesien kan word. Dié gebied het tot 1918 deel gevorm van die prinsdom Schwarzburg-Sondershausen. Die plaaslike herehuis en sy grond is in 1945 deur die staat oorgeneem, maar dit is nou weer in privaat besit en grotendeels gerestoureer.
Eerw. Gustav Zahn, wat 56 jaar lank sendeling van die Rynse Sendinggenootskap op Tulbagh in die Kaapkolonie was, is op 15 April 1808 hier gebore en in 1980 oorlede op die sendingdorpie Steinthal naby Ceres wat hy gestig het.
Bronne
[wysig | wysig bron]- (de) Besonderhede van die dorpie. URL besoek op 4 Mei 2016.
Eksterne skakels
[wysig | wysig bron]
Wikimedia Commons het meer media in die kategorie Wasserthaleben.
