Zimbabwiese Rugbyunie
| Zimbabwiese Rugbyunie | |
|---|---|
 Kenteken van die Zimbabwiese Rugbyunie
| |
| Engelse naam | Zimbabwe Rugby Union |
| Afkorting | ZRU |
| Land |  Zimbabwe
|
| Sportsoorte | Rugby, Sewesrugby |
| Stigting | 1895 |
| Lid van | Wêreldrugby |
| Aangesluit in | 1987 |
| Vastelandse beheerliggaam | Rugby Afrika |
| President | Aaron Jani |
| Setel | Harare, Namibië |
| Amptelike taal | Engels |
Die Zimbabwiese Rugbyunie (Engels: Zimbabwe Rugby Union, afgekort “ZRU”) is die bestuursliggaam wat rugby en sewesrugby in Zimbabwe beheer. Die beheerliggaam is in 1895 gestig en in Harare gesetel. Sedert 1987 verteenwoordig dit Zimbabwe by Wêreldrugby en ook by Rugby Afrika (“RA”).
Geskiedenis
[wysig | wysig bron]In 1895 is die beheerliggaam Rhodesiese Rugbyvoetbalunie (Rhodesia Rugby Football Union, RRFU) gestig.[1] In 1980 is dit in Zimbabwiese Rugbyunie (Zimbabwe Rugby Union, ZRU) hernoem. Sewe jaar later het die Zimbabwiese Rugbyunie ’n volle lid van die Internasionale Rugbyvoetbalraad (IRVR; nou Wêreldrugby) geword.[2] Ook in 1987 het die Zimbabwiese Rugbyunie ’n lid geword van die kontinentale beheerliggaam Rugby Afrika.[3]
Taak
[wysig | wysig bron]Die Zimbabwiese Rugbyunie organiseer verskeie nasionale spanne, insluitend Zimbabwe se nasionale seniorrugbyspan vir mans (die Sables), vroue en jeug. Die ZRU hou ook toesig oor sewesrugby in Zimbabwe en aangesien dit ’n Olimpiese sportsoort is, werk hulle met die Zimbabwiese Nasionale Olimpiese Komitee saam. Naas die amptelike nasionale span roep die Zimbabwiese Rugbyunie ook ander keurspanne byeen. Die Zimbabwe Sevens is die Zimbabwiese sewesrugbyspan. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Die aantal skole wat rugby aanbied, is om historiese redes egter klein. Dit is veral privaat skole wat op die behoeftes van ’n klein hoër- en middelklas gemik is en deur die bevolkingsmeerderheid nie bekostig kan word nie.[4] Net soos ander rugbylande beskik Zimbabwe oor ’n o/20-nasionale span wat aan die Wêreldrugby o/20-kampioenskap deelneem.[5]
Die beheerliggaam reël ook die plaaslike kompetisies. Vanweë die swak strukture beskik Zimbabwe slegs oor ’n klein rugbyliga, die Super Six Rugby League met ses spanne.[6] Spelers met groter ambisies draf uit vir die keurspan Zimbabwe Goshawks wat aan die Suid-Afrikaanse Curriebeker deelneem en sy tuiswedstryde tydens dié toernooi in Kaapstad beslis. Sedertdien is die meeste spelers van die Zimbabwiese nasionale span uit dié keurspan afkomstig of speel vir ander Suid-Afrikaanse spanne.[7] Van die ander spelers is veral in Europa aktief.
Kenteken
[wysig | wysig bron]Die beheerliggaam Zimbabwiese Rugbyunie se kenteken toon ’n goue Zimbabwiese voël (die wapendier van die land) op ’n rooi ster, soos dit op die vlag van Zimbabwe verskyn. Die nasionale span se bynaam is Sables, ontleen aan die swartwitpens, wat in Engels sable antelope genoem word.
Sien ook
[wysig | wysig bron]Verwysings
[wysig | wysig bron]- ↑ (en) "The History of Zimbabwe Rugby". Zimbabwiese Rugbyunie. Geargiveer vanaf die oorspronklike op 4 Oktober 2009. Besoek op 4 Oktober 2009.
- ↑ (en) "Zimbabwe". Wêreldrugby. Besoek op 20 Maart 2024.
- ↑ (en) "Rugby Africa Unions". Rugby Afrika. 2020. Besoek op 20 Maart 2024.
- ↑ (en) "Rugby needs big changes". The Herald. 10 Junie 2011. Besoek op 20 Maart 2024.
- ↑ (en) "World Rugby U20 Championship". Wêreldrugby. Besoek op 20 Maart 2024.
- ↑ (en) Ray Bande (7 Mei 2021). "Super Six rugby is back". pressreader.com. Besoek op 20 Maart 2024.
- ↑ (en) Daniel Nhakaniso (13 Februarie 2022). "Jam-packed Currie Cup schedule for Zimbabwe". The Standard. Besoek op 20 Maart 2024.
Nasionale Rugbyunies van Wêreldrugby | ||
|---|---|---|
| Afrika | Algerië • Benin • Botswana • Burkina Faso • Burundi • Demokratiese Republiek die Kongo • Egipte • Eswatini • Gaboen • Ghana • Guinee • Ivoorkus • Kameroen • Kenia • Lesotho • Madagaskar • Malawi • Mali • Marokko • Mauritius • Namibië • Niger • Nigerië • Republiek die Kongo • Rwanda • Senegal • Sentraal-Afrikaanse Republiek • Seychelle • Suid-Afrika • Tanzanië • Togo • Tsjad • Tunisië • Uganda • Zambië • Zimbabwe |  |
| Asië | Afghanistan • Bahrein • Bangladesj • Broenei • Filippyne • Guam • Hongkong • Indië • Indonesië • Irak • Iran • Japan • Jordanië • Kambodja • Kasakstan • Katar • Kirgisië • Korea • Laos • Libanon • Macau • Maleisië • Mongolië • Nepal • Oesbekistan • Oman • Pakistan • Palestina • Republiek China • Saoedi-Arabië • Singapoer • Sirië • Sri Lanka • Thailand • Verenigde Arabiese Emirate • Volksrepubliek China | |
| Europa | Andorra • Belarus • België • Bosnië en Herzegowina • Bulgarye • Denemarke • Duitsland • Engeland • Estland • Finland • Frankryk • Georgië • Hongarye • Ierland • Israel • Italië • Kosovo • Kroasië • Letland • Liechtenstein • Litaue • Luxemburg • Malta • Moldowa • Monaco • Montenegro • Nederland • Noorweë • Oekraïne • Oostenryk • Pole • Portugal • Roemenië • Rusland • San Marino • Serwië • Siprus • Skotland • Slowakye • Slowenië • Spanje • Swede • Switserland • Tsjeggië • Turkye • Wallis • Ysland | |
| Noord-Amerika | Bahamas • Barbados • Belize • Bermuda • Britse Maagde-eilande • Curaçao • Dominikaanse Republiek • Frans-Guyana • Guadeloupe • Guyana • Jamaika • Kaaimanseilande • Kanada • Kuba • Martinique • Meksiko • St. Lucia • St. Vincent en die Grenadine • Trinidad en Tobago • Turks- en Caicoseilande • Verenigde State | |
| Oseanië | Amerikaans-Samoa • Australië • Cookeilande • Fidji • Kiribati • Nauru • Nieu-Kaledonië • Nieu-Seeland • Niue • Papoea-Nieu-Guinee • Salomonseilande • Samoa • Tahiti • Tonga • Tuvalu • Vanuatu • Wallis en Futuna | |
| Suid-Amerika | Argentinië • Bolivië • Brasilië • Chili • Colombia • Costa Rica • Ecuador • El Salvador • Guatemala • Honduras • Nicaragua • Panama • Paraguay • Peru • Uruguay • Venezuela | |
Vetdruk dui op vlak-een-lede en skuinsdruk op vlak-twee- en vlak-drie-lede met rugbywêreldbekerervaring | ||