Courlivon
| Courlivon (zu Murte) | |
|---|---|
 (zu Murte) | |
| Basisdatä | |
| Staat: | Schwiiz |
| Kanton: | Friburg (FR) |
| Bezirk: | See/Lac |
| Gmeind | Murte |
| PLZ | 1795 |
| Koordinate: | 575103 / 193385 |
| Höchi: | 556 m ü. M. |
| Flächi: | 3,27 km² |
| Iiwohner: | 293 (2015)[1] |
| Website | www.murten-morat.ch |
 di ehemaligi Chäserei vo Courlivon | |
| Charte | |
| BEMERKUNG_KARTE= | |
Courlivon isch es Dorf ir Gmeind Murte u ghört zum Seebezirk (franzöösisch District du Lac) vom Kanton Friburg. Bis 2015 isch es e eigeni politeschi Gmeind gsii.
Name und Sprach
Dr offiziell Name vo Courlivon isch "Courlevon", wüu dr Ort urschprünglech mau ganz französischschprachig isch gsii; hüt redt d Bevöukerig zum gröschte Teil Friburger- oder Bärndütsch.
Vo de Bewoner rede 94 Prozänt Schwizerdütsch, 5 Prozänt Französisch u eis Prozänt Portugisisch (Stand 2000). I däre urschprünglech französischschprachige Gmeind het sech ds Verhäutnis zwüsche Französisch u Dütsch im Louf vom 19. Jahrhundert umgkehrt. Wi das aber so im Schprachgränzgebiet üeblich isch, si vili doch biläng oder chöi sech zmingscht ir andere Schprach verschtändige wes druf abchunt.
Geografi
Courlivon isch uf 556 Meter über Meer u 4 Kilometer südlech vom Bezirkshouptort Murte. Das Buredorf ligt uf emene Plateau südlech über em Murtesee, weschtlech vo der Waudhöchi Oberhouz, im Friburger Mittuland.
Zu Courlivon göre o der Wyler Couschibärli, wo früecher o e säubschtändigi Gmeind isch gsi, u o no es paar Einzuhöf.
D Nachburgmeinde vo Courlivon si gsii: Cressech, Walleried, Villarepos u Courwouf im Kanton Friburg u Mönchewiler, en Exklave vom Kanton Bärn.
Gschicht
Dr Ortsname chunt s erschte Mau in ere Urkunde vo ane 1214 vor. Er het dört Curlivin gheisse. Das bedüütet «der Hof vom Livinus»; d Wurzle court chunt vom latinische curtis, wo äbe «dr Hof» heisst.
Scho im Midduauter het s Dorf zur Herrschaft Murte ghört.
Ane 1875 het d Chäsergselschaft vom Dorf s aute Schuelhuus chönne dr Gmeind abchaufe zum e Chäsi irichte.
Uf de 1. Jänner 2016 hed Courlivon zäme mit Jeuss, Lurtige u Salvenach mit de Gmeind Murte fusioniert.
Kultur
Sit em Herbscht 2016 gits im Dorf Courlivon – wo säuber gar nie are Isebahnlinie agschlosse isch gsii – i der aute Chäserei ds Isebahn- u Sammler-Museum Courlivon ESMC.
Literatur
- Marianne Rolle: Courlivon. In: Historisches Lexikon vo dr Schwiiz.
Weblink
Commons: Courlevon – Sammlig vo MultimediadateieFuessnote
- ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
