Retrograde

En rotierende Planet wird vo meherere Satellite umkreist; de orange-bruni bewegt sich uf ere retrograde Umlaufbahn.

Als rechtläufig oder prograd (vom lat. pro ‚für‘, ‚vor‘, ‚vorwärts‘ und gradus ‚Schritt‘) bezeichnet mer i de Astronomi Objekt, die imne rotierende System vo de Hauptrotationsrichtig folged. Entgegegsetzt umlaufendi bzw. rotierendi Objekt bezeichnet mer umkeert als rücklöifig und retrograd.

was es isch

D Bezeichnige werdet sowohl für umlaufendi Sternsystem, Planete, Asteroide und Komete verwandt, als au för i derene Orbit befindliche Satellite. Es Objekt mit retrogradem Orbit kennzeichnet mer dör e Bahnneigig zwüsche 90° und 270° zumne Zentralkörper, es Objekt mit retrograder Rotation dör e Achsneigig vo 90° bis 270° zu sinere Umlaufbahn.

Au git's i de Rumfahrt künschtlichi Satellite, wo uf retrograde Umlaufbahne d Erde entgege ihrem Rotationssinn umkreised. Sie sind jedoch verglichswis selte, well, um sie uf ihri Bahn z bringe, ihri Beschlünigung relativ zu de Erde sie nöd nur uf die Bahngschwindigkeit (relativ zumne nödrotierende Syschtem) bringe muess, sondern au die entgegegsetzti Rotationsgschwindigkeit vo de Erde öberwinde muess.

Bedütig im Sonnesyschtem

Im Sonnesyschtem gelted sötigi Objekt als rechtläufig, wo, us Richtig vom Nordpol vo de Ekliptik gseh, gege de Uhrzeigersinn rotiered bzw. ihren Zentralkörper umlaufed.

Als Folg vo de Entstehig vom Sonnesyschtem beweged sich alli Planete, Pluto und der Asteroidegürtel uf emne rechtläufige Orbit. D Rotation vo de meiste grössere Körper vom Sonnesyschtem erfolgt ebefalls i rechtläufigem Sinn.

Einigi bekannti, rückläufigi, natürlichi Himmelskörper

Retrograde Orbit

• Triton (Neptun I), Bahnneigig: 157°
  Gröschte retrograde Mond im Sonnesyschtem. Es wird vermuetet, dass es sich bi dem Mond um en vo de Gravitation igfanges Objekt handelt.
• Diversi Jupiter- und Saturnmönd, z. B.:
  • Pasiphae (Jupiter VIII)
  • Carme (Jupiter XI)
  • Ananke (Jupiter XII), Bahnneigung: 149°
  • Phoebe (Saturn IX), Bahnneigung: 175°
  • Skoll (Saturn XLVII)
  • Skathi (Saturn XXVII)
• De Halleysche Komet
• De Exoplanet HD209458b
• S transneptunische Objekt Niku um d Sonne

Retrogradi Rotation

• Venus, Achsneigig: 177°
• Uranus, Achsneigig: 98°
  Gröschts retrograds Objekt im Sonnesyschtem, vo sebem rückläufige Charakter aber wege de praktisch rechtwinklige Achsneigig chum öpis erkennbar isch.
• Pluto, Achsneigig: 123°

Schinbari rechtläufigi und rückläufigi Bewegig

Objekt im Sonnesystem tuet me als rechtläufig bezeichne, wenn iire Umlauf der Ekliptik noo, us der Richtung vom nördliche Pol vo der Ekliptik gseh, gäge Uhrzeigersinn erfolgt. Wenn der Umlauf im Uhrzeigersinn isch, seit mene rückläufig. Wil d Umlaufziite entsprechend em dritte keplersche Gsetz verschide vo der Umlaufziit vo der Erde sind, chunt’s während de Überholvorgäng zu Wächsel vom schiinbaren Umlaufsinn, das git zum Bispil die charakteristische Planetenschleife bi Opposition vo den üßere Planete. Das isch au wichtig gsi wo me s geozentrische und s heliozentrische Wältbild beschribe het.

Vorbeibewegung des inneren am äußeren Himmelskörper, Aufsicht auf das System T1–5: Punkte der inneren Bahn P1–5: gleichzeitige Punkte der äußeren Bahn A1–5: Projektion auf das scheinbare Himmelsgewölbe Die Zeitpunkte liegen im Bereich der halben Umlaufdauer des inneren Körpers.

Erscheinung als Himmelsanblick, topozentrischer Standpunkt, sternfeste Abbildung: Bewegung des Himmelskörpers als „Wandelstern“ gegen die Fixsterne: Da der Sternenhimmel im Laufe der Nacht westwärts zieht (hier rechts), erscheint die Bewegung des Himmelskörpers dagegen rückläufig (nach links). Die Querbewegung in der Schleife kommt daher, dass die Bahnebenen im Allgemeinen nicht exakt gleich sind: Dadurch verändert sich auch die dritte Koordinate der Punkte.

Weblink

• Demonstration vo de retrograde Planetebewegig